କୁଚ୍ ବିହାର ଟ୍ରଫି ପାଇଁ ଘୋଷଣା ହେଲା ଓଡିଶା ଦଳ, ଶ୍ରେୟାନ୍ସଙ୍କୁ ଅଧିନାୟକ ଭାର

U19 COOCH BEHAR TROPHY: କଟକ: ବିସିସିଆଇ ଘରୋଇ ସିଜିନ ୧୯ ବର୍ଷରୁ କମ କୁଚ୍ ବିହାର ଟ୍ରଫି ପାଇଁ ଘୋଷଣା ହେଲା ଓଡିଶା ପୁରୁଷ ଦଳ । ୧୮ ଜଣିଆ ଟିମ ଘୋଷଣା କଲା ଓସିଏ । ଶ୍ରେୟାନ୍ସ ଭରଦ୍ୱାଜକୁ ମିଳିଲା ଅଧିନାୟକ ଭାର । ଉଭୟ ଅଭିଜ୍ଞ ଓ ନବାଗତଙ୍କୁ ନେଇ ସାମ୍ବାଦିକ ସମ୍ମିଳନୀ ଜରିଆରେ ଟିମ ଘୋଷଣା କଲା ଓଡିଶା କ୍ରିକେଟ ସଂଘ । ତେବେ ଟିମରେ ଅଛନ୍ତି ଆୟୁଷ ସୁତାର ,ପ୍ରୟାନ ପି ସାମଲ , ଶ୍ରେୟାନସୁ ପଟ୍ଟନାୟକ,ସମ୍ବିତ କୁମାର ବେଜା , ବିଶ୍ଵଜିତ ପ୍ରଧାନ , ପାନାକାଲା ମକସିତ, ଅନୁରାଗ ମଲ୍ଲିକଙ୍କ ଭଳି ଦକ୍ଷ ଖେଳାଳି । 

ଆସନ୍ତା 6 ତାରିଖରେ ଦିଲ୍ଲୀ ବିପକ୍ଷରେ ପ୍ରଥମ ମ୍ୟାଚ ଖେଳିବ ଓଡିଶା । ତେବେ ଏହି ଟିମ ଚୟନ ପୂର୍ବରୁ ଅନେକ ଅଭ୍ୟାସ ମ୍ୟାଚ ଓ କ୍ୟାମ୍ପ କରିଛି ଓସିଏ । ଯାହା ଫଳରେ କୁଚ୍ ବିହାର ଟ୍ରଫିରେ ଭଲ ପ୍ରଦର୍ଶନ କରିବ ଓଡିଶା ବୋଲି କହିଛନ୍ତି ଓଡିଶା ଅଣ୍ଡର-19 ଚୟନ କମିଟି ଅଧକ୍ଷ ନଟରାଜ ବେହେରା ।  ଅନ୍ୟପଟେ ବିଗତ ଅନେକ ବର୍ଷ ଧରି ଜୁନିୟର ବର୍ଗରେ ଓସିଏ ଘରୋଇ ସିଜିନରେ ନୈରାଶ୍ୟ ଜନକ ପ୍ରଦର୍ଶନ କରି ଆସୁଛି । ହେଲେ ଅନେକ ଯୁବ ତାରକା ରଣଜୀ ଟ୍ରଫିରେ ପ୍ରଦାର୍ପଣ କରିଛନ୍ତି । ତେଣୁ କୁଚ୍ ବିହାର ଟ୍ରଫିରେ ଓଡିଶାର ପ୍ରଦର୍ଶନ ବେଶ ଉଚ୍ଚକୋଟିର ରହିବ ବୋଲି କହିଛନ୍ତି ଦଳର କୋଚ୍ ପ୍ରଭଞ୍ଜନ ମଲ୍ଲିକ ।

ଏହା ମଧ୍ୟ ପଢନ୍ତୁ ...Champions Trophy: BCCIକୁ ମନାଇବାକୁ PCBର ଚାଲ୍‌, ଭାରତୀୟ ପ୍ରଶଂସକଙ୍କୁ ତ୍ବରିତ ଭିସା 

 
ଇଟିଭି ଭାରତ, କଟକ