ସାଲେପୁରରୁ ଲଢିବେ ଅରିନ୍ଦମ, କହିଲେ ମୋଦି ଲହର ଚାଲିଛି ପରିବର୍ତ୍ତନ ନିଶ୍ଚୟ - salepur assembly constituency

SALEPUR ASSEMBLY CONSTITUENCY: ଭୁବନେଶ୍ବର: ସାଲେପୁରରୁ ଲଢିବେ ଅଭିନେତା ତଥା ବିଜେପି ନେତା ଅରିନ୍ଦମ ରାୟ । ଏନେଇ ଆଜି ବିଜେପି ପକ୍ଷରୁ ସାଲେପୁର ବିଧାନସଭା ଆସନ ପାଇଁ ତାଙ୍କ ନାଁକୁ ଘୋଷଣା କରାଯାଇଛି । ଏହି ଅବସରରେ ଅରିନ୍ଦମ ଖୁସି ବ୍ୟକ୍ତ କରି ରାଜ୍ୟ ବିଜେପିର ନେତୃବୃନ୍ଧଙ୍କ ନିକଟରେ କୃତଜ୍ଞତା ଜଣାଇଛନ୍ତି । ସେ ପ୍ରଧାନମନ୍ତ୍ରୀ ମୋଦି ଏବଂ ରାଜ୍ୟ ବିଜେପି ସଭାପତି ମନମୋହନ ସାମଲଙ୍କୁ ଧନ୍ୟବାଦ ଜଣାଇଛନ୍ତି । ସେହିପରି ଏଥର ରାଜ୍ୟ ଏବଂ କେନ୍ଦ୍ରରେ ବିଜେପି ସରକାର ଗଢିବା ବୋଲି ଦୃଢୋକ୍ତି ପ୍ରକାଶ କରିଛନ୍ତି ।  

ଅରିନ୍ଦମ କହିଛନ୍ତି,"ରାଜ୍ୟ ସଭାପତି ମନମୋହନ ସାମଲ ଏବଂ କେନ୍ଦ୍ରାପଡ଼ା ସାଂସଦ ପ୍ରାର୍ଥୀ ବୈଜନ୍ତ ପଣ୍ଡା ମୋତେ ସାଲେପୁରବାସୀଙ୍କ ପାଇଁ କାମ କରିବାକୁ ସୁଯୋଗ ଦେଇଛନ୍ତି । ଲୋକଙ୍କ ସମସ୍ୟା ବୁଝିବା ମୋ ପାଇଁ ଏକ ଚାଲେଞ୍ଜ ରହିବ । ସାରା ଓଡିଶାବାସୀ ମନସ୍ଥ କରିସାରିଲେଣି ପରିବର୍ତ୍ତନ କରିବା ପାଇଁ ତେଣୁ ନିହାତି ଭାବେ ଆଗାମୀ ଦିନରେ ପରିବର୍ତ୍ତନ ହେବ । ଦେଶରେ ମୋଦି ଏବଂ ବିଜେପିର ଲହର ଚାଲିଛି । ଏଥର ଇଲେକ୍ସନ ହେଉଛି ଓଡିଶାବାସୀଙ୍କ ଇଲେକ୍ସନ ତେଣୁ ନଶ୍ଚିତ ସେମାନେ ତାଙ୍କ ଭବିଶ୍ୟତ କଥା ଚିନ୍ତା କରିବେ ଏବଂ ଉଚିତ୍ ନିଷ୍ପତ୍ତି ନେଇ ନୂଆ ସରକାର ଗଠନ କରିବେ ।"

ଇଟିଭି ଭାରତ, ଭୁବନେଶ୍ବର