‘ବାଙ୍କୀରେ ମୋର ପ୍ରଚାର କରିବାର ଆବଶ୍ୟକତା ନାହିଁ ’ - Debasis Patnaik reaction

କଟକ: ବାଙ୍କୀ ନିର୍ବାଚନ ମଣ୍ଡଳୀରେ ଏଥର ତ୍ରିମୁଖୀ ଲଢେଇ ହେବା ନେଇ ଆକଳନ କରିଛନ୍ତି ରାଜନୀତି ବିଶେଷଜ୍ଞ । ବିଜେଡି, ବିଜେପି ଏବଂ କଂଗ୍ରେସ ମଧ୍ୟରେ କଡା ଟକ୍କର ହେବା ନେଇ ସ୍ଥିତିରୁ ପ୍ରାୟତଃ ସ୍ପଷ୍ଟ ବୁଝାପଡୁଛି । ସେଥିପାଇଁ ସମସ୍ତ ଦଳର ପ୍ରାର୍ଥୀମାନେ ନିଜ ନିଜର ସପକ୍ଷରେ ଭୋଟ ଭିକ୍ଷା କରିବା ଜାରି ରଖିଛନ୍ତି । ବଡ଼ କଥା ହେଉଛି ସମସ୍ତ ପ୍ରାର୍ଥୀଙ୍କ ମଧ୍ୟରୁ କଂଗ୍ରେସ ପ୍ରାର୍ଥୀ ଦେବାଶିଷ ପଟ୍ଟନାୟକ ହେଉଛନ୍ତି ସବୁଠାରୁ ପୁରୁଣା ନେତା । ଦେବାଶିଷ ଏହି ନିର୍ବାଚନ ମଣ୍ଡଳୀରୁ ୫ଥର ନିର୍ବାଚନ ଲଢ଼ିଥିଲେ ସୁଦ୍ଧା ମାତ୍ର ଗୋଟିଏ ଥର ବିଜୟ ହୋଇପାରିଛନ୍ତି । ତେବେ ବାରମ୍ବାର ପରାଜୟ ସତ୍ତ୍ବେ ମଧ୍ୟ ସେ ନିଜର ନିର୍ବାଚନୀ ପ୍ରତିଦ୍ବନ୍ଦ୍ବିତା ଛାଡି ନାହାନ୍ତି । ଚଳିତଥର ମଧ୍ୟ ସେ କଂଗ୍ରେସ ଟିକଟରେ ନିର୍ବାଚନୀ ମୈଦାନରେ ରହିଛନ୍ତି । ତାଙ୍କ ପାଇଁ ବାଙ୍କୀରେ ପ୍ରଚାରର ଆବଶ୍ୟକତା ନାହିଁ ଓ ସେ ନିଶ୍ଚିତ ବିଜୟୀ ହେବେ ବୋଲି ଆଶା ବ୍ୟକ୍ତ କରିଛନ୍ତି । ତାଙ୍କ ସହ ଅଧିକ ଆଲୋଚନା କରିଛନ୍ତି ଆମ କଟକ ପ୍ରତିନିଧି ନାରାୟଣ ସାହୁ ... 

ଇଟିଭି ଭାରତ, କଟକ