ଯାଜପୁରରେ ଚାଲିଛି ଭୋଟିଂ: ଭୋଟ ଦେଲେ ସଂଧ୍ୟାରାଣୀ-ଶର୍ମିଷ୍ଠା - Sarmistha sethi cast her vote

ଯାଜପୁର: ଆଜି ରାଜ୍ୟର ଅନ୍ତିମ ପର୍ଯ୍ୟାୟରେ 6 ଲୋକସଭା ଓ 42 ବିଧାନସଭା ଆସନରେ ମତଦାନ ଜାରି ରହିଛି । ବିଭିନ୍ନ ସ୍ଥାନରେ ଭୋଟରଙ୍କ ସହ ନିଜେ ନିର୍ବାଚନ ଲଢୁଥିବା ପ୍ରାର୍ଥୀମାନେ ମଧ୍ୟ ନିଜ ସାମ୍ବିଧାନିକ ଅଧିକାର ସାବ୍ୟସ୍ତ କରୁଛନ୍ତି । ଏହିକ୍ରମରେ ଯାଜପୁର ଜିଲ୍ଲାରେ ମଧ୍ୟ ବିଜେଡି ସାଂସଦ ଓ ବିଧାୟକ ପ୍ରାର୍ଥିନୀ ଭୋଟ ଦେଇଛନ୍ତି । ବରୀ ନିର୍ବାଚନ ମଣ୍ଡଳୀରେ ରସୁଲପୁର ବ୍ଲକ ଅନ୍ତର୍ଗତ ସାମନ୍ତରାପୁର ପଞ୍ଚାୟତର ମା‘ ଖଗେଶ୍ଵରୀ ବିଦ୍ୟାଳୟରେ 14-ନଂ ବୁଥରେ ନିଜର ମତଦାନ ସାବ୍ୟସ୍ତ କରିଛନ୍ତି ଯାଜପୁର ସାଂସଦ ତଥା ଚଳିତଥରର ବିଜେଡ଼ି ସାଂସଦ ପ୍ରାର୍ଥିନୀ ଶର୍ମିଷ୍ଠା ସେଠୀ । ନିଜେ ଭୋଟ ଦେବା ସହ ସାଧାରଣ ଭୋଟରଙ୍କୁ ଗଣତନ୍ତ୍ରର ଏହି ମହାପର୍ବରେ ସାମିଲ ହେବାକୁ ଆହ୍ବାନ କରିଛନ୍ତି । ସେହିପରି ଯାଜପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ବାହାବଳପୁର 119-ନଂ ଅଙ୍ଗନବାଡି ସଖୀ ମତଦାନ କେନ୍ଦ୍ରରେ ମତାଧିକାର ସାବ୍ୟସ୍ତ କରିଛନ୍ତି କୋରେଇ ବିଧାନସଭା ବିଜେଡ଼ି ପ୍ରାର୍ଥିନୀ ସଂଧ୍ୟାରାଣୀ ଦାସ ।