ମହାନଦୀକୁ ଡେଇଁ ନବମ ଶ୍ରେଣୀ ଛାତ୍ରୀ ନିଖୋଜ, ପୋଲିସ ଓ ଅଗ୍ନିଶମ ବିଭାଗର ସର୍ଚ୍ଚ ଅପରେସନ - Student jumped into Mahanadi

ସମ୍ବଲପୁର: ସ୍କୁଲ ଯିବା ରାସ୍ତାରେ ମହାନଦୀକୁ ଡେଇଁ ଛାତ୍ରୀ ନିଖୋଜ । ଏଭଳି ଘଟଣା ଘଟିଛି ସମ୍ବଲପୁର କ୍ଷେତରାଜପୁର ଥାନା ଅଞ୍ଚଳର ଚାଅଁରପୁର ନିକଟରେ । ନିଖୋଜ ଛାତ୍ରୀ ହେଉଛନ୍ତି ମନ୍ଦଲିଆର ଗ୍ରାମର କାଜଲ ସାହାଣୀ । ଆଜି ସକାଳ ପ୍ରାୟ ସାଢେ 6ଟା ସମୟରେ ସେ ମହାନଦୀ ବ୍ରିଜ ଉପରୁ ଡେଇଁ ପଡ଼ିଥିବା ଅଭିଯୋଗ ହୋଇଛି । ବର୍ତ୍ତମାନ ସୁଦ୍ଧା ତାଙ୍କର ପତ୍ତା ମିଳିପାରି ନଥିବା ବେଳେ କେଉଁ କାରଣରୁ ସେ ନଦୀକୁ ଡେଇଁଲେ ତାହା ମଧ୍ୟ ଅସ୍ପଷ୍ଟ ରହିଛି । ନିଖୋଜ ଛାତ୍ରୀ ଜଣକ ଗୋଲବଜାର ନିକଟସ୍ଥ ଏକ ସରକାରୀ ସ୍କୁଲରେ ପାଠ ପଢନ୍ତି । ସେ ନଦୀକୁ ଡେଇଁଥିବା ଖବର ପାଇବା ପରେ ଘଟଣାସ୍ଥଳରେ ସମ୍ବଲପୁର ପୋଲିସ୍‌ ଓ ଅଗ୍ନିଶମ ବିଭାଗ ପହଞ୍ଚି ସର୍ଚ୍ଚ ଅପରେସନ ଆରମ୍ଭ କରିଛି l ଆଜି ସକାଳୁ ଛାତ୍ରୀ ଜଣକ ସ୍କୁଲ ଯିବାକୁ ଘରୁ ବାହାରିଥିଲେ ।
ଏହା ମଧ୍ୟ ପଢନ୍ତୁ-ନାବାଳକ ପୁଅକୁ ଧରି ନଦୀକୁ ଡେଇଁଲା ମାଆ; ପୁଅ ମୃତ ମାଆ ନିଖୋଜ - a Woman jump into Chitrotpala River

ଇଟିଭି ଭାରତ, ସମ୍ବଲପୁର