ଅଳଙ୍କାର ଦୋକାନରେ ନିଆଁ, ଅଗ୍ନିକାଣ୍ଡର କାରଣ ଅସ୍ପଷ୍ଟ

Fire Broke Out In Jewellery Shop କଟକ: କଟକରେ ଅଗ୍ନିକାଣ୍ଡ । ନିମଚୌଡ଼ିସ୍ଥିତ ଓମ ଅଳଙ୍କାର ଦୋକାନରେ ଅଗ୍ନିକାଣ୍ଡ ଘଟିଛି । ଜନଗହଳିପୂର୍ଣ୍ଣ ଏହି ଅଞ୍ଚଳରେ ସନ୍ଧ୍ୟା 7ଟା ସମୟରେ ହଠାତ ଏହି ଅଳଙ୍କାର ଦୋକାନରେ ନିଆଁ ଲାଗିଯାଇଥିଲା । ନିଆଁ ଲାଗିବା ପରେ ଦୋକାନର ସିଲିଂକୁ ବ୍ୟାପି ଯାଇଥିଲା । ଖବର ପାଇ ବକ୍ସି ବଜାର ଫାୟାର ଷ୍ଟେସନର ଦୁଇଟି ଦମକଳ ଗାଡି ପହଞ୍ଚି ନିଆଁ ଲିଭାରେ ନିୟୋଜିତ ହୋଇଥିଲେ । ଘଣ୍ଟାଏ ପରେ ନିଆଁକୁ ଆୟତ୍ତ କରିଥିଲେ ଅଗ୍ନିଶମ କର୍ମଚାରୀ । ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବାବେଳେ ସର୍ଟ ସର୍କିଟରୁ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି ।

ସେପଟେ ଅଗ୍ନିକାଣ୍ଡରେ କେତେ କ୍ଷୟକ୍ଷତି ହୋଇଛି ତାହା ତଦନ୍ତ ପରେ ଜଣାପଡିବ ବୋଲି କହିଛନ୍ତି ସହକାରୀ ଅଗ୍ନିଶମ ଅଧିକାରୀ । ଏହି ଅଞ୍ଚଳରେ ଏକାଧିକ ଦୋକାନ ବଜାର ରହିଥିବାରୁ ଅଞ୍ଚଳରେ ନିଆଁ ମାଡି ଯିବାର ସମ୍ଭାବନା ଅଧିକ ରହିଥାଏ । ତେଣୁ ତ୍ୱରିତ ଢ଼ଙ୍ଗରେ ନିଆଁ ଲିଭା କାର୍ଯ୍ୟ ଶେଷ କରିଛି ଅଗ୍ନିଶମ ବିଭାଗ । ପୂର୍ବରୁ ଚୌଧୁରୀ ବଜାରରେ ଏକ ଭୟାବହ ଅଗ୍ନିକାଣ୍ଡ ଘଟିଥିଲା । ଏକ ଶାଢ଼ୀ ଶୋ' ରୁମରେ ଅଗ୍ନିକାଣ୍ଡ ଘଟିଥିଲା । ଯେଉଁଥିରେ ଲକ୍ଷାଧିକ ଟଙ୍କାର କ୍ଷୟକ୍ଷତି ହୋଇଥିଲା ।

ଏହା ମଧ୍ୟ ପଢ଼ନ୍ତୁ....କସ୍‌ମେଟିକ ଫ୍ୟାକ୍ଟ୍ରିରେ ଭୟଙ୍କର ଅଗ୍ନିକାଣ୍ଡ, ଜଣେ ମୃତ, 32 ଆହତ, 9 ନିଖୋଜ

ଇଟିଭି ଭାରତ, କଟକ