ସୁନ୍ଦରଗଡ଼ରେ କଂଗ୍ରେସର ଜୋରଦାର ପ୍ରଚାର, ବୁଲି ବୁଲି ଲୋକଙ୍କୁ ଭୋଟ ଭିକ୍ଷା କରୁଛନ୍ତି ସୁଧାରାଣୀ - Sundargarh Assembly Constituency

Congress Candidate Sudharani Raudia Campaign: ରାଉରକେଲା: ନିର୍ବାଚନ ମୈଦାନ ବର୍ତ୍ତମାନ ସମ୍ପୂର୍ଣ୍ଣ ଭାବରେ ସରଗରମ ହୋଇଉଠିଛି । ନିର୍ବାଚନକୁ ମାତ୍ର ଆଉ କେଇଟା ଦିନ ବାକି ରହିଛି । ଏହାରି ମଧ୍ୟରେ ନିଜ ଆସନ ସହ ନିଜ ଦଳକୁ ବିଜୟୀ କରିବା ପାଇଁ ଲାଗି ପଡିଛନ୍ତି ସମସ୍ତ ପ୍ରାର୍ଥୀ । ତେବେ ସୁନ୍ଦରଗଡ଼ ବିଧାନସଭା ନିର୍ବାଚନ ମଣ୍ଡଳୀ ଲାଗି କଂଗ୍ରେସ ଏଥର ସୁନ୍ଦରଗଡ଼ରେ ମହିଳା କାର୍ଡ ଖେଳିଛି । କଂଗ୍ରେସ ପକ୍ଷରୁ ସୁଧାରାଣୀ ରାଉଡ଼ିଆଙ୍କୁ ପ୍ରାର୍ଥିନୀ ଭାବରେ କଂଗ୍ରେସ ଭରସା କରିଛି । ରାସ୍ତାଘାଟ ଏବଂ ବଜାର ସହ ଡୋର ଟୁ ଡୋର ଯାଇ ନିଜ ପ୍ରାର୍ଥିତ୍ବ ଏବଂ ଏଥର କଂଗ୍ରେସ ଦଳକୁ ଭୋଟ ଦେବାକୁ ଭୋଟ ଭିକ୍ଷା କରୁଛନ୍ତି ସୁଧାରାଣୀ । ସେ ନିଜର ନିର୍ବାଚନ ପତ୍ର ସହ କଂଗ୍ରେସର ଗ୍ୟାରେଣ୍ଟି କାର୍ଡକୁ ଜନସଧାରଣଙ୍କ ପାଖରେ ପହଞ୍ଚାଉଛନ୍ତି  ।

ଏହା ମଧ୍ୟ ପଢନ୍ତୁ...ଯାଜପୁର ସମର, ନାମାଙ୍କନ ଭରିଲେ ବିଭିନ୍ନ ଦଳର 6 ବିଧାୟକ ପ୍ରାର୍ଥୀ - Odisha Assembly Election 2024 

ତେବେ ସୁନ୍ଦରଗଡ଼ ବିଧାନସଭା ଅଞ୍ଚଳରେ ସେ ସମସ୍ତ ଲୋକଙ୍କ ପାଖକୁ ପହଞ୍ଚୁଛନ୍ତି ଏବଂ ମନ୍ଦିର, ଚର୍ଚ୍ଚ ସହ ଗୁରୁଦ୍ବାର ଏବଂ ମସଜିଦ ଓ ଅନ୍ୟାନ୍ୟ ସ୍ଥାନକୁ ଯିବା ସହ ସମସ୍ତ ଲୋକଙ୍କ ସହ ଭେଟ କରୁଛନ୍ତି ଓ  ମିଟିଂ କରୁଛନ୍ତି  । ସୁଧାରାଣୀ ରାଉଡ଼ିଆ କହିଛନ୍ତି ଯେ, କେବଳ କଂଗ୍ରେସ କର୍ମୀ ଉତ୍ସାହିତ ନାହାନ୍ତି ସମ୍ପୂର୍ଣ୍ଣ କଂଗ୍ରେସକୁ ଭଲ ପାଉଥିବା ଜନସାଧାରଣ ଉତ୍ସାହିତ ଅଛନ୍ତି । ଏଥର ସୁନ୍ଦରଗଡ଼ବାସୀ ନିଶ୍ଚିତ ରୂପେ ଏକ ପରିବର୍ତ୍ତନ ଚାହୁଁଛନ୍ତି, କାରଣ ଗତଥର ସୁନ୍ଦରଗଡ଼ବାସୀ ଅନ୍ୟ ଦଳ ବିଜେପି ଉପରେ ଭରସା କରି ଦେଖିଛନ୍ତି  । ବିଜେଡି ଜନସାଧାରଣଙ୍କୁ ଧୋକା ଦେଇଛି । ତେଣୁ ଏଥର ସୁନ୍ଦରଗଡ଼ ବିଧାନସଭାରେ କଂଗ୍ରେସର ପ୍ରତ୍ୟାବର୍ତ୍ତନ ନିଶ୍ଚିତ ନେଇ ଦୃଢ଼ୋକ୍ତି ରଖିଛନ୍ତି ସୁଧାରାଣୀ ରାଉଡ଼ିଆ ।

ଇଟିଭି ଭାରତ, ରାଉରକେଲା