କାକଟପୁର ଓ ସତ୍ୟବାଦୀକୁ ଏନଏସି ଘୋଷଣା, ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଲେ ଅଞ୍ଚଳବାସୀ

 New NAC Announcement: ନିମାପଡ଼ା: ରାଜ୍ୟରେ ଆଉ 22 ନୂଆ ବିଜ୍ଞାପିତ ଅଞ୍ଚଳ ପରିଷଦ ଗଠନ ନେଇ ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜନସାଧାରଣଙ୍କ ଦାବି, ଜନସଂଖ୍ୟା, ବିକାଶ ଓ ଅର୍ଥନୈତିକ ଅଭିବୃଦ୍ଧିକୁ ଦୃଷ୍ଟିରେ ରଖି ଏହି ନୂତନ ବିଜ୍ଞାପିତ ଅଞ୍ଚଳ ପରିଷଦ ଗଠନ ପାଇଁ କାକଟପୁର ଓ ସତ୍ୟବାଦୀକୁ ମୁଖ୍ୟମନ୍ତ୍ରୀ ନିଷ୍ପତ୍ତି ନେଇ ଘୋଷଣା କରିଛନ୍ତି। ଅଞ୍ଚଳର ସାମଗ୍ରିକ ବିକାଶ କ୍ଷେତ୍ରରେ ନବଗଠିତ ପରିଷଦଗୁଡିକ କାର୍ଯ୍ୟ କରିବେ ବୋଲି ମୁଖ୍ୟମନ୍ତ୍ରୀ ଆଶା ବ୍ୟକ୍ତ କରିଛନ୍ତି ।  

ମୁଖ୍ୟମନ୍ତ୍ରୀ ସତ୍ୟବାଦୀ ଓ କାକଟପୁରକୁ ଏନଏଏସିର ମାନ୍ୟତା ଘୋଷଣା କରିବା ପରେ ଉତ୍ସାହିତ ସତ୍ୟବାଦୀ ଓ କାକଟପୁର ଜନସାଧାରଣ । ଦୀର୍ଘଦିନ ଧରି ଏହି ଦୁଇଟି ସ୍ଥାନକୁ ଏନଏଏସି ଘୋଷଣା ପାଇଁ ଦାବି କରାଯାଇ ଆସୁଥିବା ବେଳେ ଆଜି ଦୀର୍ଘଦିନର ଦାବି ପୁରଣ ହୋଇଛି । ପୂର୍ବରୁ ରାଜ୍ୟର ଅନେକ ଗୁଡିଏ ଅଞ୍ଚଳକୁ ରାଜ୍ୟ ସରକାର ବିଜ୍ଞାପିତ ପରିଷଦ ଅଞ୍ଚଳ ଭାବେ ଘୋଷଣା କରିଥିଲେ  । ତେବେ ସତ୍ୟବାଦୀ ଅଞ୍ଚଳରେ ଖୁସିର ଲହରୀ ଖେଳି ଯାଇଛି। ଯାହାକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇବା ସହିତ ଖୁସିବ୍ୟକ୍ତ କରିଛନ୍ତି ସ୍ଥାନୀୟ ଜନସାଧାରଣ।

ଇଟିଭି ଭାରତ, ନିମାପଡ଼ା