ପ୍ରଭାତରେ ଦର୍ଶନ କରନ୍ତୁ ନଡିଆ ରାଣୀ ମା' ତାରିଣୀଙ୍କ ଦିବ୍ୟ ଆଳତୀ - Maa Tarini Alati

Maa Tarini temple Kendujhar: କେନ୍ଦୁଝର: ଘଟଗାଁବାସିନୀ ଜୟ ମାଆ ତାରିଣୀ  । ଭକ୍ତର ବତ୍ସଳ ମାଆ ତାରିଣୀ  । ମାଆଙ୍କର ମହିମା ଅପାର  ।ସନ୍ତାନ ଡାକିଲେ ଯେମିତି ମାଆ ଓଃ କରେ ସେମିତି ଭକ୍ତଟିଏ ଆକୁଳ ହୋଇ ଡାକିଲେ ଓଃ କରନ୍ତି ମାଆ ତାରିଣୀ  । ମାଆଙ୍କ ଦର୍ଶନ ପାଇଁ କାହିଁ କେତେ ଦୂରରୁ ଘଟଗାଁ ପୀଠକୁ ଧାଇଁ ଆସନ୍ତି ଭକ୍ତ  । ମାଆ ତାରିଣୀଙ୍କ ଦିବ୍ୟ ଆଳତୀ ଦର୍ଶନ କଲେ ଜୀବନର ସବୁ ପାପ କ୍ଷୟ ହୋଇ ଅପାର କରୁଣ ପ୍ରାପ୍ତ ହୁଏ ବୋଲି ବିଶ୍ବାସ ରହିଛି  । ପ୍ରତିଦିନ ଭୋରରୁ ଘଟଗାଁ ପୀଠରେ ମା'ଙ୍କ ଆଳତୀ କରାଯାଏ  । ସବୁଦିନ ଭଳି ଆଜି ମଧ୍ୟ ସକାଳୁ ସକାଳୁ ପୂଜାପଣ୍ଡା ସେବାୟତ ମାଆ ତାରିଣୀଙ୍କ ଆଳତୀ ସମ୍ପନ୍ନ କରିଛନ୍ତି ।  ଘଣ୍ଟଘଣ୍ଟା, ହରିବୋଲ, ହୁଳହୁଳିରେ ପ୍ରକମ୍ପିତ ହେଉଛି ଘଟଗାଁ ପୀଠ  । ନାଲି ମନ୍ଦାର ମାଳାରେ ଝଟକୁଛନ୍ତି ମାଆ  । ଦର୍ଶନ କରନ୍ତୁ ନଡିଆ ରାଣୀଙ୍କ ଏହି ଦିବ୍ୟ ଆଳତୀ... 

ଇଟିଭି ଭାରତ, କେନ୍ଦୁଝର