ହାଇଦ୍ରାବାଦ: ସ୍ବଦେଶୀ ବାଇକ ନିର୍ମାତା କମ୍ପାନୀ ଟିଭିଏସ ମୋଟର କମ୍ପାନୀ ନିଜର ସ୍ପୋର୍ଟି କମ୍ୟୁଟର ମୋଟର ସାଇକେଲ TVS Raider 125ର ନୂଆ ଭାରିଏଣ୍ଟ ଲଞ୍ଚ କରିଛି । ଏହାର ନାମ ରଖାଯାଇଛି ଟିଭିଏସ ରେଡର ଆଇଜିଓ(TVS Raider iGo) । ଭାରତରେ ଏହାକୁ 98, 389 ଟଙ୍କା (ଏକ୍ସ-ଶୋରୁମ)ରେ ବିକ୍ରି କରାଯାଉଛି । ଏହି ବାଇକଟି କମ୍ପାନୀର ଆଇଜିଓ ଆସିଷ୍ଟ ଟେକନିକ ସହିତ ବଜାର ପ୍ରବେଶ କରିଛି ।
କମ୍ପାନୀ ଏହାର ଲଞ୍ଚ ହୋଇଥିବା ଟିଭିଏସ୍ ଜୁପିଟର ସହିତ ଏହି ଟେକ୍ନୋଲୋଜିର ପରିଚୟ କରାଇଥିଲା । ଏହି ଭାରିଏଣ୍ଟଟି ଟିଭିଏସ୍ ରେଡରର 6 ନମ୍ବର ଭାରିଏଣ୍ । 10 ଲକ୍ଷ ୟୁନିଟ୍ ବିକ୍ରୟର ମାଇଲଖୁଣ୍ଟ ହାସଲ କରିବା ପାଇଁ ରେଡର୍ iGoକୁ ପରିଚିତ କରାଯାଇଛି ଏବଂ ବଜାଜ ପଲସର N125ର ଲଞ୍ଚ ହେବାର କିଛି ଦିନ ପରେ ମାର୍କେଟକୁ ଆସିଥିଲା ।
| ଏହା ବି ପଢନ୍ତୁ |
Honda CB300F ଫ୍ଲେକ୍ସଟେକ୍ ଲଞ୍ଚ୍; 85% ଇଥାନଲରେ ଚାଲିବ, ଜାଣନ୍ତୁ ଦାମ 99.1% ଗ୍ରାହକଙ୍କ ଅଭିଯୋଗର ହେଲା ସମାଧାନ; ଦାବି କଲା OLA ଫେଷ୍ଟିଭ ସିଜନରେ କିଣିବାକୁ ଚାହୁଁଛନ୍ତି ନୂଆ Jeep Meridian, ଜାଣନ୍ତୁ ଦାମ ଓ ଫିଚର |
TVS Raider iGo କଲର ଅପସନ:-
ରେଡରର ଏହି ନୂଆ ଭାରିଏଣ୍ଟକୁ କେବଳ ନାର୍ଡୋ ଗ୍ରେ କଲର ଅପସନ ସହିତ ଲଞ୍ଚ କରାଯାଇଛି । ଯେଉଁଥିରେ ଫିକା ପାଉଁଶିଆ ଓ କଳା ରଙ୍ଗର ମିଶ୍ରଣ ରହିଛି । ଏଥିରେ ନାଲି ରଙ୍ଗର ଆଲଏ ହ୍ବିଲ ଲଗାଯାଇଛି । ଏହି ମୋଟର ସାଇକେଲରେ TVS SmartXonnect ସହିତ LCD ଡିଜିଟାଲ କ୍ଲଷ୍ଟର ଦିଆଯାଇଛି । ଯେଉଁଥିରେ ଭଏସ ଆସିଷ୍ଟ ଓ ଟର୍ଣ୍ଣ-ବାଏ-ଟର୍ଣ୍ଣ ନାଭିଗେସନ ସହିତ 85ରୁ ଅଧିକ କନେକ୍ଟେଡ ଫିଚର ମଧ୍ୟ ରହିଛି ।
କେମିତି ରହିଛି ପାୱାର ଟ୍ରେନ ?
ଏହି ମଡେଲର ସବୁଠାରୁ ବଡ ପରିବର୍ତ୍ତନ ହେଉଛି ଯେ ରେଡରର 124.8cc, 3-ଭଲଭ୍ ଇଞ୍ଜିନ୍ ବର୍ତ୍ତମାନ ଏକ ଇଣ୍ଟିଗ୍ରେଟେଡ୍ ଷ୍ଟାର୍ଟ ଜେନେରେଟର (ISG) ସହିତ ଯୋଡା ହୋଇଛି । ଯାହା ପାୱାର୍ ମୋଡରେ ଅତିରିକ୍ତ ବୁଷ୍ଟ୍ ପ୍ରଦାନ କରିଥାଏ । ଏହି ଇଞ୍ଜିନ ସାଧାରଣତଃ 11. 11.22bhp ପାୱାର ଏବଂ 11.3Nm ଟର୍କ ଦେଇଥାଏ, କିନ୍ତୁ ପାୱାର ମୋଡରେ ମୋଟ ଟର୍କ 11.75 Nm ହୋଇଯାଏ । ଟିଭିଏସ୍ ଦାବି କରିଛି ଯେ ରେଡର୍ iGo ଅନ୍ୟ ଭାରିଏଣ୍ଟ ତୁଳନାରେ 10 ପ୍ରତିଶତ ଅଧିକ ଇନ୍ଧନ ଦକ୍ଷ ହେବ ।
କାହାକୁ ଦେବ ଟକ୍କର ?
- ଏହାର ଇଞ୍ଜିନକୁ 5-ସ୍ପିଡ୍ ଗିଅରବକ୍ସ ସହିତ ଯୋଡା ହୋଇଛି ।
- ମେକାନିକାଲ ଫିଚରଗୁଡିକ ବିଷୟରେ ଆଲୋଚନା କଲେ, ପୂର୍ବ ପରି ଏହାର ସାମ୍ନାରେ ଟେଲିସ୍କୋପିକ୍ ଫଙ୍କ୍ ସେଟଅପ୍ ଏବଂ ପଛରେ ମୋନୋଶକ୍ ଅଛି ।
- ବ୍ରେକିଂ ପାଇଁ ଡିସ୍କ ବ୍ରେକ୍ ଆଗରେ ଏବଂ ପଛରେ ଡ୍ରମ୍ ବ୍ରେକ୍ ବ୍ୟବହୃତ ହୋଇଛି ।
- ଏହି ବାଇକ୍ 17 ଇଞ୍ଚ ହ୍ବିଲରେ ଚାଲିଥାଏ ।
- ଭାରତୀୟ ବଜାରରେ ଟିଭିଏସ୍ ରେଡର୍ ହିରୋ Xtreme 125 R, ହୋଣ୍ଡା SP125 ଏବଂ ବଜାଜ ପଲସର N125 ସହିତ ପ୍ରତିଦ୍ବିନ୍ଦ୍ବିତା କରିବାକୁ ଯାଉଛି ।
