ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଭର୍ଚ୍ଚୁଆଲରେ 3ଟି ପରମ ରୁଦ୍ର ସୁପର କମ୍ପ୍ୟୁଟର ଲଞ୍ଚ କରିଛନ୍ତି । ଏହାସହିତ ଜଳବାୟୁ ଗବେଷଣା ଲାଗି ଉଚ୍ଚ ସ୍ତରୀୟ କମ୍ପ୍ୟୁଟିଂ ସିଷ୍ଟମ ମଧ୍ୟ ଲଞ୍ଚ କରିଛନ୍ତି । ସ୍ବଦେଶୀ ଜ୍ଞାନକୌଶଳରେ ନିର୍ମିତ ଏହି ସୁପର କମ୍ପ୍ୟୁଟର ଭାରତର ରାଷ୍ଟ୍ରୀୟ ସୁପରକମ୍ପ୍ୟୁଟିଂ ମିଶନ (NSM) ଅଧିନରେ ବିକଶିତ କରାଯାଇଛି । ଏହି ଅବସରରେ ମୋଦି କହିଛନ୍ତି ଯେ ଦେଶ ସେତେବେଳେ ବଡ଼ ଉପଲବ୍ଧି ହାସଲ କରିବ ଯେତେବେଳେ ଏହାର ଭିଜନ ବଡ଼ ହେବ । ପ୍ରଯୁକ୍ତିବିଦ୍ୟାର ଅପଗ୍ରେଡେସନ ଗରିବଙ୍କୁ ସଶକ୍ତ କରିବା ଦିଗରେ ହେବା ଉଚିତ ।
#WATCH | Delhi: Prime Minister Narendra Modi says, " the three supercomputers that have been launched today will help in advanced research from physics to earth science and cosmology. these are the areas in which today's science and technology world is looking at the world of the… https://t.co/tHdZlNuOOz pic.twitter.com/bTbo9cSb1M
— ANI (@ANI) September 26, 2024
କେଉଁ କାମ କରିବ ସୁପର କମ୍ପ୍ୟୁଟର ?
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ କନଫରେନ୍ସ ଜରିଆରେ ଗୁରୁବାର ସନ୍ଧ୍ୟାରେ ଏହି 3ଟି ସୁପର କମ୍ପ୍ୟୁଟରକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିଛନ୍ତି । ସ୍ବଦେଶୀ ଜ୍ଞାନକୌଶଳରେ ନିର୍ମିତ ଏହି କମ୍ପ୍ୟୁଟର ପୁଣେ, ଦିଲ୍ଲୀ ଓ କୋଲକାତାରେ ଗବେଷଣା କ୍ଷେତ୍ରରେ ବେଶ ଉପଯୋଗୀ ହେବ । ଏହି ଅବସରରେ ମୋଦି କହିଛନ୍ତି, "ପ୍ରଯୁକ୍ତିବିଦ୍ୟାର ଉନ୍ନୟନ ବା ବିକାଶ ଗରିବଙ୍କୁ ସଶକ୍ତ କରିବା ଉଦ୍ଦେଶ୍ୟରେ ହେବା ଉଚିତ । ଆଜି ଭାରତରେ ସୃଷ୍ଟି ହୋଇଥିବା ସମ୍ଭାବନା ଅନନ୍ତ ଆକାଶରେ ନୂଆ ସୁଯୋଗର ନିର୍ମାଣ କରୁଛି ।"
#WATCH | Delhi: Prime Minister Narendra Modi says, " today india has become a major power in the space sector. the success that other countries achieved by spending billions of dollars, our scientists have done the same with limited resources. with this passion, india has become… pic.twitter.com/RB5yD3rGC0
— ANI (@ANI) September 26, 2024
ଏହି ସେକ୍ଟରରେ ସୃଷ୍ଟି ହେବ ସୁଯୋଗ:-
ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ତାଙ୍କ ସରକାର ପ୍ରଯୁକ୍ତିବିଦ୍ୟା ଗବେଷଣା କ୍ଷେତ୍ରରେ କିପରି ସାଧାରଣ ଜନତା ଉପକୃତ ହେବେ ତାହାକୁ ସୁନିଶ୍ଚିତ କରିବା ଦିଗରେ କାମ କରୁଛନ୍ତି । ନୂଆ ପ୍ରଯୁକ୍ତିବିଦ୍ୟା ଆଗାମୀ ଦିନରେ ଭାରତକୁ ଆଉ ଏକ ନୂଆ ପରିଚୟ ଦେବ । ଏହାଦ୍ବାରା IT କ୍ଷେତ୍ର, ଶିଳ୍ପ, MSME ଓ ଷ୍ଟାର୍ଟଅପ କ୍ଷେତ୍ରରେ ଅଦ୍ଭୂତପୂର୍ବ ପରିବର୍ତ୍ତନ ଆସିବ ଓ ନୂଆ ସୁଯୋଗ ସୃଷ୍ଟି ହେବ । ଏହି ସମୟରେ ମୋଦି ମିଶନ ଗଗନଯାନ ଓ 2035 ସୁଦ୍ଧା ଭାରତ ମହାକାଶରେ ନିଜର ସ୍ପେଶ ଷ୍ଟେସନ ପ୍ରତିଷ୍ଠା କରିବ ବୋଲି କହିଛନ୍ତି ।
With Param Rudra Supercomputers and HPC system, India takes significant step towards self-reliance in computing and driving innovation in science and tech. https://t.co/ZUlM5EA3yw
— Narendra Modi (@narendramodi) September 26, 2024
ପ୍ରଧାନମନ୍ତ୍ରୀ ଆହୁରି କହିଛନ୍ତି, "ଏପରି କୌଣସି ସେକ୍ଟର ନାହିଁ, ଯେଉଁଠି ଟେକ୍ନୋଲୋଜି ଓ କମ୍ପ୍ୟୁଟିଂର କ୍ଷମତା ଉପରେ ନିର୍ଭରଶୀଳ ନୁହେଁ । ଏହି କ୍ରାନ୍ତିରେ ଆମର ଯୋଗଦାନ ବିଟ୍ସ ଓ ବାଇଟସ ପରି ନୁହେଁ,ବରଂ ଟେରବାଇଟ୍ସ ଓ ପିଟା ବାଇଟର୍ସ ହେବା ଉଚିତ । 850କୋଟି ମୂଲ୍ୟର ଉଚ୍ଚ ସ୍ତରୀୟ କମ୍ପ୍ୟୁଟିଂ ସିଷ୍ଟମକୁ ମୌସୁମୀ ଓ ଜଳବାୟୁ ଗବେଷଣା ଲାଗି ପ୍ରସ୍ତୁତ କରାଯାଇଛି । ଆଜିର ଦିନରେ ବିଜ୍ଞାନ ଓ ପ୍ରଯୁକ୍ତିବିଦ୍ୟା କ୍ଷେତ୍ର ବଡ଼ ଉପଲବ୍ଧି ହାସଲ କରିଛି ।"
