ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୧୧୫ ତମ ମାସିକ ରେଡିଓ କାର୍ଯ୍ୟକ୍ରମ 'ମନ କି ବାତ'ରେ ଦେଶବାସୀଙ୍କୁ ଆଜି ସମ୍ବୋଧନ କରିଛନ୍ତି । ପ୍ରତି ଥର ପରି ଏଥର ମଧ୍ୟ କାର୍ଯ୍ୟକ୍ରମ ମାଧ୍ୟମରେ ଦେଶବାସୀଙ୍କ ନିକଟରେ ନିଜର ବିଚାରଧାରା ରଖିଛନ୍ତି । ପିଏମ ମୋଦି ସର୍ଦ୍ଦାର ବଲ୍ଲଭ ଭାଇ ପଟେଲ ଓ ବିର୍ସା ମୁଣ୍ଡାଙ୍କ 150ତମ ଜୟନ୍ତୀଠାରୁ ନେଇ ଟେକ୍ନୋଲୋଜି ଉପରେ ଆଲୋଚନା କରିଛନ୍ତି । ଡିଜିଟାଲ ଆରେଷ୍ଟ ଓ ଫ୍ରଡ୍ କଲରୁ ବର୍ତ୍ତିବା ଲାଗି ଦେଶବାସୀଙ୍କୁ ଗୁରୁମନ୍ତ୍ର ଦେଇଥିବା ବେଳେ ଦେଶରେ ଆନିମେସନ ଓ ଗେମିଂରେ ନୂଆ ବିପ୍ଳବ ଆସିଛି ବୋଲି କହିଛନ୍ତି ।
ଡିଜିଟାଲ ଆରେଷ୍ଟକୁ ନେଇ ମୋଦିଙ୍କ ମନ୍ତ୍ର:-
‘ମନ କି ବାତ’ରେ ଡିଜିଟାଲ୍ ସୁରକ୍ଷା ଉପରେ ପ୍ରଧାନମନ୍ତ୍ରୀ ଗୁରୁତ୍ବ ଦେଇଛନ୍ତି । ଡିଜିଟାଲ ସ୍କାମରୁ ବଞ୍ଚିବାକୁ ପ୍ରଧାନମନ୍ତ୍ରୀଙ୍କ ୩ ଥାକିଆ ମନ୍ତ୍ର 'ଷ୍ଟପ୍-ଥିଙ୍କ୍-ଟେକ୍ ଆକ୍ସନ' । ମୋଦି କହିଛନ୍ତି, "ପ୍ରତ୍ୟେକ ଶ୍ରେଣୀ ଏବଂ ବୟସର ଲୋକ ଅଛନ୍ତି । ଲୋକେ ଭୟ ଯୋଗୁଁ ସେମାନଙ୍କର କଷ୍ଟ ଅର୍ଜିତ ଧନ ହରାଇଛନ୍ତି । ଯେତେବେଳେ ଆପଣଙ୍କ ନିକଟକୁ ଅଜଣା ଲୋକଙ୍କ କଲ ଆସୁଛି, ଭୟଭୀତ ହୁଅନ୍ତୁ ନାହିଁ, କୌଣସି ବି ବ୍ୟକ୍ତିଗତ ତଥ୍ୟ ପ୍ରଦାନ କରନ୍ତୁ ନାହିଁ । ଆପଣ ଜାଣିବା ଉଚିତ ଯେକୌଣସି ଅନୁସନ୍ଧାନକାରୀ ସଂସ୍ଥା ଫୋନ କଲ୍ କିମ୍ବା ଭିଡିଓ କଲ୍ କରି ଏପରି କୁହନ୍ତି ନାହିଁ ।"
Beware of Digital Arrest frauds!
— PMO India (@PMOIndia) October 27, 2024
No investigative agency will ever contact you by phone or video call for enquiries.
Follow these 3 steps to stay safe: Stop, Think, Take Action.#MannKiBaat #SafeDigitalIndia pic.twitter.com/KTuw7rlRDK
3ଟି ପର୍ଯ୍ୟାୟରେ କରନ୍ତୁ ଡିଜିଟାଲ୍ ସୁରକ୍ଷା:-
- ଏହା ଉପରେ ଲୋକଙ୍କୁ ସଚେତନ କରି ମୋଦି ଆହୁରି କହିଛନ୍ତି, "ମୁଁ ଆପଣଙ୍କୁ ଡିଜିଟାଲ ସୁରକ୍ଷାର ତିନୋଟି ପ୍ରକ୍ରିୟା କହିବି । ଏହି ତିନୋଟି ପର୍ଯ୍ୟାୟ ହେଉଛି - ‘ରୁହନ୍ତୁ, ଚିନ୍ତା କରନ୍ତୁ ଏବଂ କାର୍ଯ୍ୟ କରନ୍ତୁ ।"
- କଲ୍ ଆସିବା ମାତ୍ରେ, ପ୍ରଥମେ 'ଅପେକ୍ଷା କର', ଭୟଭୀତ ହୁଅ ନାହିଁ, ଶାନ୍ତ ରୁହ, ଶୀଘ୍ର ପଦକ୍ଷେପ ନିଅ ନାହିଁ । ତୁମର ବ୍ୟକ୍ତିଗତ ସୂଚନା କାହାକୁ ଦିଅ ନାହିଁ, ଯଦି ସମ୍ଭବ ସ୍କ୍ରିନସଟ୍ ନିଅ ଏବଂ ରେକର୍ଡିଂ କର ।
- ଠକେଇର ଶିକାର ହୋଇଥିବା ସନ୍ଦେହ ହେଲେ ନ୍ୟାସନାଲ ସାଇବର ହେଲ୍ପଲାଇନ 1930କୁ ଡାଏଲ କରନ୍ତୁ, http://cybercrime.gov.inରେ ରିପୋର୍ଟ କରନ୍ତୁ, ପରିବାର ଏବଂ ପୋଲିସକୁ ସୂଚନା ଦିଅନ୍ତୁ, ପ୍ରମାଣ ସଂରକ୍ଷଣ କରି ରଖନ୍ତୁ ।
Let us take the resolve of making India a global animation power house. #MannKiBaat pic.twitter.com/t8QsYWkSFr
— PMO India (@PMOIndia) October 27, 2024
ANIMATION ଓ GAMINGରେ ଭାରତରେ ନୂଆ କ୍ରାନ୍ତି:-
ଆଜି ମନ କି ବାତରେ ପ୍ରଧାନମନ୍ତ୍ରୀ ମୋଦି 'ଆନିମେସନ ଓ ଗେମିଂ' କ୍ଷେତ୍ରରେ ଭାରତର ଅଗ୍ରଗତିକୁ ନେଇ ଚର୍ଚ୍ଚା କରିଛନ୍ତି । ଏନେଇ ମୋଦି କହିଛନ୍ତି, "ଭାରତ ଆନିମେସନ ଓ ଗେମିଂ କ୍ଷେତ୍ରରେ କ୍ରାନ୍ତି ଆଣିଛି । ଭାରତର ଗେମିଂ ଆପ୍ ବିସ୍ତାର ହେଉଛି । ବିଶ୍ବରେ ଏହାର ଲୋକପ୍ରିୟତା ବଢିବାରେ ଲାଗିଛି । ଆମ ଦେଶର ଯୁବପିଢି ଏପରି କଣ୍ଟେଣ୍ଟ ତିଆରି କରୁଛନ୍ତି, ଯାହାକୁ ସାରା ବିଶ୍ବର ଲୋକେ ଦେଖୁଛନ୍ତି ଓ ପସନ୍ଦ କରୁଛନ୍ତି ।"
'ଛୋଟା ଭିମ୍- ମୋଟୁ-ପତଲୁ ସିରିଜି ବିଦେଶରେ ଚାଲୁଛି'
ମୋଦି ଭାରତୀୟ ଆନିମେସନ ସିରିଜ ‘ଛୋଟା ଭିମ୍’, ‘କ୍ରୀଷ୍ଣା’, ‘ହନୁମାନ’, ‘ମୋଟୁ-ପତଲୁ’ର ପ୍ରଶଂସା କରିଛନ୍ତି । ଏହା କେବଳ ଭାରତ ନୁହେଁ ଏହି ସିରିଜ ମଧ୍ୟ ବିଦେଶରେ ପିଲାଙ୍କୁ ଆକର୍ଷିତ କରୁଛି ବୋଲି ମୋଦି କହିଛନ୍ତି । ଏହାସହ ଭାରତକୁ ଆନିମେସନରେ ସୁପରପାଓ୍ବାର ବନାଇବାକୁ ପ୍ରଧାନମନ୍ତ୍ରୀ ଆହ୍ବାନ ଦେଇଛନ୍ତି ।
The gaming space of India is also expanding rapidly. These days, Indian games are also gaining popularity all over the world. #MannKiBaat pic.twitter.com/Xl9i4AQwHG
— PMO India (@PMOIndia) October 27, 2024
'ଭାରତ ହେବ ଗ୍ଲୋବାଲ ଆନିମେସନ ପାୱାର ହାଉସ'
ଦେଶର ଯୁବପିଢିଙ୍କୁ ଏକ ବାର୍ତ୍ତା ଦେବା ବେଳେ ପିଏମ ମୋଦି କହିଛନ୍ତି, "ତୁମର ସୃଜନଶୀଳତାକୁ ବିସ୍ତାର କର । କିଏ ଜାଣେ ଦୁନିଆର ପରବର୍ତ୍ତୀ ସୁପରହିଟ୍ ଆନିମେସନ୍ ଆପଣଙ୍କ କମ୍ପ୍ୟୁଟରରୁ ବାହାରିପାରେ । ପରବର୍ତ୍ତୀ ପ୍ରସିଦ୍ଧ ଗେମ୍ ଆପଣଙ୍କ ଦ୍ବାରା ସୃଷ୍ଟି ହୋଇପାରେ । 28 ଅକ୍ଟୋବରରେ 'ବିଶ୍ବ ଆନିମେସନ ଦିବସ' ପାଳନ କରାଯିବ । ଆମେ ଭାରତକୁ ଏକ ବିଶ୍ବ ଆନିମେସନ ପାୱାର ହାଉସ କରିବାକୁ ସଂକଳ୍ପ ନେବା ।"
ଏହା ମଧ୍ୟ ପଢନ୍ତୁ: |
'ମେକ୍ ଫର୍ ୱାର୍ଲ୍ଡ'ରେ ପରିଣତ ଭାରତ
ଆତ୍ମନିର୍ଭରଶୀଳ ଭାରତ ବିଷୟରେ କଥାବାର୍ତ୍ତା କରୁଥିବାବେଳେ ପ୍ରଧାନମନ୍ତ୍ରୀ ମୋଦି କହିଛନ୍ତି, ଆତ୍ମନିର୍ଭରଶୀଳତା କେବଳ ଆମର ନୀତି ନୁହେଁ ବରଂ ଏକ ବୃତ୍ତିରେ ପରିଣତ ହୋଇଛି । ଆତ୍ମନିର୍ଭରଶୀଳ ଭାରତ ପ୍ରତ୍ୟେକ କ୍ଷେତ୍ରରେ ସଫଳତା ସାଉଣ୍ଟୁଛି । ଏକଦା ମୋବାଇଲ ଫୋନ ଆମଦାନୀ କରୁଥିବା ଭାରତ ଆଜି ବିଶ୍ବର ଏକ ପ୍ରମୁଖ ଉତ୍ପାଦକ ହୋଇପାରିଛି । ଦିନେ ବିଶ୍ବରେ ପ୍ରତିରକ୍ଷା ସାମଗ୍ରୀର ସର୍ବବୃହତ କ୍ରୟକାରୀ ଥିବା ଭାରତ ବର୍ତ୍ତମାନ 85 ଦେଶକୁ ସାମଗ୍ରୀ ରପ୍ତାନୀ କରୁଛି । ଫଳରେ ଭାରତ ମେକ୍ ଇନ୍ ଇଣ୍ଡିଆରୁ ବର୍ତ୍ତମାନ 'ମେକ୍ ଫର୍ ୱାର୍ଲ୍ଡ'ରେ ପରିଣତ ହୋଇଛି ।"
