ହାଇଦ୍ରାବାଦ: ଭାରତ ବାହାରେ ମଧ୍ୟ କ୍ୟାସଲେସ୍ ପେମେଣ୍ଟ ନିଶ୍ଚିତ କରିବା ଲାଗି ୱାନ97 କମ୍ୟୁନିକେସନ ଲିମିଟେଡ (OCL) ପେଟିଏମକୁ ବିଶ୍ବସ୍ତରୀୟ କରିଛି । ଯେଉଁଥିରେ କିଛି ନିର୍ଦ୍ଦିଷ୍ଟ ଦେଶଗୁଡ଼ିକରେ ଏଣିକି କ୍ୟାସଲେସ୍ ଟଙ୍କା ପୈଠ ସମ୍ଭବ ହୋଇପାରିବ । ଭାରତୀୟ ଯାତ୍ରୀମାନେ ଏଣିକି ସେମାନଙ୍କର ପେଟିଏମ୍ ୟୁପିଆଇ ଆପ୍ ବ୍ୟବହାର କରି ନିରବଚ୍ଛିନ୍ନ, ନଗଦବିହୀନ ଦେୟ ବା କ୍ୟାସଲେସ୍ ପେମେଣ୍ଟ କରିପାରିବେ ।
କେଉଁ କେଉଁ ଦେଶ ସାମିଲ ?
ୟୁଏଇ, ସିଙ୍ଗାପୁର, ଫ୍ରାନ୍ସ, ମରିସସ୍, ଭୁଟାନ ଏବଂ ନେପାଳ ଭଳି ଦେଶରେ ଏହି ସେବା ଉପଲବ୍ଧ । ଭାରତୀୟ ଯାତ୍ରୀମାନେ ବର୍ତ୍ତମାନ ସେମାନଙ୍କ ପେଟିଏମ୍ ୟୁପିଆଇ ଆପ୍ ବ୍ୟବହାର କରିପାରି ଏହି ଦେଶଗୁଡ଼ିକରେ କ୍ୟାସଲେସ୍ ପେମେଣ୍ଟ କରିପାରିବେ । ଏହି ଫିଚର ଉପଭୋକ୍ତାମାନଙ୍କୁ ସେମାନଙ୍କ ପେଟିଏମ୍ ଆପ୍ ମାଧ୍ୟମରେ ଅନ୍ତର୍ଜାତୀୟ ଦେୟ ପାଇଁ UPI ବ୍ୟବହାର କରି ବିଦେଶରେ ସ୍ଥାନୀୟ ଅନୁଭବ ପ୍ରଦାନ କରିବ ।
Paytm UPI Goes Global!
— Paytm (@Paytm) November 19, 2024
🌍✈️ From pioneering mobile payments in India to taking Paytm UPI across the world! Shop at UAE malls, sip lattes in Paris, pick treasures in Singapore, and enjoy the beaches of Mauritius. Or maybe you’re hiking in Nepal? Paytm UPI is here to simplify… pic.twitter.com/fHbKW3jSAX
| ଏହା ବି ପଢନ୍ତୁ |
କେମିତି ବ୍ୟବହାର କରିବେ UPI international ?
- ଯାତ୍ରୀମାନେ ଏହି ସେବାକୁ ଚୁଟକିରେ ପାଇପାରିବେ । ପ୍ରଥମେ ସେମାନଙ୍କ ବ୍ୟାଙ୍କ ଆକାଉଣ୍ଟ ସହିତ ୱାନ-ଟାଇମ ଆକ୍ଟିଭିସେନ ସହିତ ଲିଙ୍କ କରିପାରିବେ ।
- ବିଦେଶରେ କୌଣସି UPIର QR କୋଡ୍ ସ୍କାନ୍ କରିବା ପରେ ଏହା ସ୍ବୟଂଚାଳିତ ଭାବରେ ଆକ୍ଟିଭେସନ୍ ହୋଇଯିବ ।
- ଉପଭୋକ୍ତାମାନେ 1ରୁ 90 ଦିନ ପର୍ଯ୍ୟନ୍ତ ସେବା ନିର୍ଦ୍ଧାରଣ କରିପାରିବେ ଏବଂ ଘରକୁ ଫେରିବା ପରେ ଏହି ଫିଚରକୁ ଡିଆକ୍ଟିଭେଟ୍ କରିପାରିବେ ।
- ପେମେଣ୍ଟ କରିବା ସମୟରେ ଉପଭୋକ୍ତାମାନେ ପ୍ରକୃତ ବୈଦେଶିକ ମୁଦ୍ରା ମୂଲ୍ୟ ଏବଂ ସେମାନଙ୍କ ବ୍ୟାଙ୍କ ଦ୍ବାରା ପ୍ରୟୋଗ ହୋଇଥିବା ଯେକୌଣସି ଅତିରିକ୍ତ ଶୁଳ୍କ ଦେଖିପାରିବେ ।
- ଏହାଦ୍ବାରା ପେମେଣ୍ଟ କରିବା ପୂର୍ବରୁ UPI ଅନ୍ତର୍ଜାତୀୟ କାରବାର ନେଇ ୟୁଜର ସମ୍ପୂର୍ଣ୍ଣ ସ୍ବଚ୍ଛତା ନିଶ୍ଚିତ କରିବେ ।
ୟୁଜରଙ୍କୁ କଣ ମିଳିବ ସୁବିଧା ?
ଭାରତରେ ଧିରେ ଧିରେ ୟୁପିଆଇ ପେମେଣ୍ଟ ବେଶ ଲୋକପ୍ରିୟ ହୋଇସାରିଛି । ଲୋକେ ଅଧିକାଂଶ ନିଜ ପକେଟରେ ଟଙ୍କା ନେଇ ବୁଲୁନାହାନ୍ତି । ମୋବାଇଲ ସାହାଯ୍ୟରେ ପରିବାଠୁ ଆରମ୍ଭ କରି ବଡ଼ ବଡ଼ ସପିଂମଲରେ କ୍ୟାସଲେସ୍ ପେମେଣ୍ଟ କରୁଛନ୍ତି । ଦେଶ ବାହାରେ ମଧ୍ୟ ଭାରତୀୟଙ୍କୁ ଏହି ସୁବିଧା ପ୍ରଦାନ କରିବା ଲାଗି Paytm ଏହି ନୂଆ ଫିଚର 'ୟୁପିଆଇ ଇଣ୍ଟରନ୍ୟାସନାଲ ସର୍ଭିସ' ଆଣିଛି । ଯାହାଦ୍ବାରା ଦେଶ ବାହାରେ ଭ୍ରମଣ ଉଦ୍ଦେଶ୍ୟରେ ଯାଇଥିଲେ ୟୁଜର ଅତି ସହଜରେ ସେବା ଉପଲବ୍ଧ ଥିବା ଦେଶଗୁଡ଼ିକରେ ୟୁପିଆଇ ପେମେଣ୍ଟ କରିପାରିବେ ।
ଏ ନେଇ ପେଟିଏମର ଜଣେ ମୁଖପାତ୍ର କହିଛନ୍ତି, "ଭାରତରେ ମୋବାଇଲ୍ ପେମେଣ୍ଟର ପ୍ରମୁଖ ଆପ୍ ଭାବେ ଆମେ ଆମର ଉପଭୋକ୍ତାମାନଙ୍କ ପାଇଁ ଅଧିକ ସୁବିଧା ଆଣିବା ଲାଗି କ୍ରମାଗତ ଭାବରେ ଉଦ୍ୟମ ଜାରି ରଖିଛୁ । ୟୁପିଆଇ ଇଣ୍ଟରନ୍ୟାସନାଲ୍ ସହିତ ଆମେ ଭାରତୀୟ ଯାତ୍ରୀମାନଙ୍କ ପାଇଁ ସହଜ ପେମେଣ୍ଟ ନିଶ୍ଚିତ କରିଛୁ । ସେମାନେ ୟୁଏଇ, ସିଙ୍ଗାପୁର, ଫ୍ରାନ୍ସ, ମରିସସ୍, ଭୁଟାନ ଏବଂ ନେପାଳ ପରି ଦେଶରେ ନିରାପଦ, ନଗଦବିହୀନ ଦେୟ ପ୍ରଦାନ କରିପାରିବେ । ଆଗାମୀ ଛୁଟି ଋତୁ ସହିତ ଆମେ ନିଶ୍ଚିତ ଯେ ଏହି ଲଞ୍ଚ୍ ବ୍ୟବହାରକାରୀଙ୍କ ପାଇଁ ବିଦେଶୀ ଯାତ୍ରାକୁ ଅଧିକ ସୁବିଧାଜନକ କରିବ । ଏହି ପଦକ୍ଷେପ ଟେକ୍ନୋଲୋଜିର ବ୍ୟବହାର ନେଇ ଆମର ପ୍ରତିବଦ୍ଧତାକୁ ପ୍ରତିଫଳିତ କରିବା ସହ ବିଶ୍ବରେ ଆମ ଉପଭୋକ୍ତାଙ୍କୁ ସଶକ୍ତ କରିଥାଏ ।"
