ହାଇଦ୍ରାବାଦ: ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଓସେନ୍ ଟେକ୍ନୋଲୋଜି (NIOT) ସ୍ବଦେଶୀ ମାନବ ବୁଡାଜାହାଜ 'MATSYA 6000'ର ବିକାଶରେ ଏକ ଗୁରୁତ୍ବପୂର୍ଣ୍ଣ ମାଇଲଖୁଣ୍ଟ ହାସଲ କରିଛି । ଗଭୀର ସମୁଦ୍ର ଭିତରେ ହ୍ୟୁମାନ୍ ସପୋର୍ଟ ଆଣ୍ଡ ସେଫ୍ଟି ସିଷ୍ଟମ୍ (HS3) ପାଇଁ କାରଖାନା ଗ୍ରହଣ ପରୀକ୍ଷା (Factory Acceptance Test)କୁ ସଫଳତାର ସହିତ ସମାପ୍ତ କରିଛି ।
ସାଧାରଣତଃ 12 ଘଣ୍ଟା ପର୍ଯ୍ୟନ୍ତ ଏବଂ ଜରୁରୀକାଳୀନ ପରିସ୍ଥିତିରେ 96 ଘଣ୍ଟା ପର୍ଯ୍ୟନ୍ତ ତିନି ଜଣଙ୍କୁ ସମୁଦ୍ର ଭିତରେ ସହାୟତା କରିବାକୁ HS3 ସିଷ୍ଟମ୍ ଡିଜାଇନ୍ କରାଯାଇଛି । ଏଥିରେ ନିୟନ୍ତ୍ରିତ ଅମ୍ଳଜାନ ଇଞ୍ଜେକ୍ସନ୍ ସିଷ୍ଟମ୍, କାର୍ବନ ଡାଇଅକ୍ସାଇଡ୍ ଅପସାରଣ ପ୍ରଣାଳୀ, ସେନ୍ସର, କଣ୍ଟ୍ରୋଲ୍ ହାର୍ଡୱେର୍, ଅଗ୍ନି ନୀରିକ୍ଷଣ, ନିର୍ବାପକ ଯନ୍ତ୍ର ଏବଂ ଅନ୍ୟାନ୍ୟ ଫିଚର ରହିଛି ।
As a critical milestone in the indigenous efforts of the human submersible MATSYA 6000 realisation, the Factory Acceptance Test of the Human Support and Safety System (HS3) inside Crew module sphere of 2.1 m internal diameter was successfully completed.#MATYSA6000… pic.twitter.com/9O3loB6SK1
— MoES NIOT (@MoesNiot) October 26, 2024
ଚେନ୍ନାଇ ସ୍ଥିତ ସ୍ବୟଂଶାସିତ ସଂଗଠନ ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଓସେନ୍ ଟେକ୍ନୋଲୋଜିରେ Xରେ ଏକ ପୋଷ୍ଟରେ ଏ ନେଇ ସୂଚନା ଦେଇଛି । ଏକ୍ସରେ କୁହାଯାଇଛି ଯେ OEM ୟୁନିକ୍ ଗ୍ରୁପ୍ ସହାୟତାରେ ସମ୍ପୂର୍ଣ୍ଣ ସିଷ୍ଟମ୍ କଷ୍ଟମ୍-ଡିଜାଇନ୍ ହୋଇଛି ଏବଂ ସାର୍ଟିଫିକେସନ୍ ଏଜେନ୍ସିଙ୍କ ଉପସ୍ଥିତିରେ କମିଶନ କରାଯାଇଛି ।
| ଏହା ବି ପଢନ୍ତୁ |
HS3 shall support three human beings for the normal submersible endurance of 12 hours and during an emergency for 96 hours with a controlled oxygen injection system, carbon-di-oxide removal mechanism, sensors, control hardware, fire surveillance, extinguisher, etc. The complete… pic.twitter.com/vytwWeW5I5
— MoES NIOT (@MoesNiot) October 26, 2024
ଭାରତର ପ୍ରଥମ ବୁଡ଼ାଜାହାଜ ମିଶନ 'ମତ୍ସ୍ୟ 6000':-
ଗଭୀର ସମୁଦ୍ରରେ ଲୁଚି ରହିଥିବା ରହସ୍ୟ ଜାଣିବା ପାଇଁ ଭାରତ ଦେଶର ପ୍ରଥମ ମାନବ ବୁଡ଼ାଜାହାଜ ମିଶନ 'ମତ୍ସ୍ୟ 6000' ଆରମ୍ଭ କରିବାକୁ ଯାଉଛି । ଏହାର ସାହାଯ୍ୟରେ ସମୁଦ୍ର ଭିତରେ ଲୁଚି ରହିଥିବା ରହସ୍ୟ ଜାଣିବାରେ ଗବେଷଣା କରାଯାଇପାରିବ । ସମୁଦ୍ର ଯାନ ମିଶନ ହେଉଛି ଭାରତର ଏକ ଉଚ୍ଚାଭିଳାଷୀ ସାମୁଦ୍ରିକ ମିଶନ ।
ଚଳିତ ବର୍ଷ ଫେବୃଆରୀରେ, NIOT ଚେନ୍ନାଇର ପାଲିକାରାନାଇ ସ୍ଥିତ NIOT କ୍ୟାମ୍ପସରେ ଭାରତର ସାମୁଦ୍ରାୟନ ପ୍ରକଳ୍ପ ଅଧୀନରେ ବିକଶିତ 'ମତ୍ସ୍ୟ 6000' ବୁଡାଜାହାଜ ପ୍ରଦର୍ଶନ କରିଥିଲା । ଏହି ଯାନର ଉଦ୍ଦେଶ୍ୟ ହେଉଛି ବିଶେଷ ଭାବରେ ବିରଳ ଖଣିଜ ପଦାର୍ଥ ପାଇଁ ଗଭୀର ସମୁଦ୍ର ମଧ୍ୟରେ ଅନୁସନ୍ଧାନ । ଏହି ବୁଡ଼ାଜାହାଜର ଲମ୍ବ ପ୍ରାୟ 6.6 ମିଟର, ଓଜନ 210 ଟନ୍ ଏବଂ 6,000 ମିଟର ପର୍ଯ୍ୟନ୍ତ ଗଭୀରତାରେ ପହଞ୍ଚିବା ପାଇଁ ଡିଜାଇନ କରାଯାଇଛି । ଗବେଷକମାନଙ୍କୁ ଜୈବ ବିବିଧତା ସହିତ ଗଭୀର ସମୁଦ୍ର ପରିବେଶ ଅଧ୍ୟୟନ କରିବାକୁ ଅନୁମତି ଦେବାକୁ ଲକ୍ଷ୍ୟ ରଖିଛି ।
'ମତ୍ସ୍ୟ 6000' ସମୁଦ୍ର ଯାନର ବିଶେଷତା:-
- ଭାରତର ସମୁଦ୍ରାୟାନ ମିଶନ ଅଧୀନରେ ଏହି ସ୍ବେଦେଶୀ ବୁଡ଼ାଜାହାଜ ଗଭୀର ସମୁଦ୍ରକୁ ପଠାଯିବ । ଗଭୀର ସମୁଦ୍ରରେ 6 କିଲୋମିଟର ଗଭୀରତାକୁ ଯାଇପାରିବ ।
- ଏହି ବୁଡ଼ାଜାହାଜ ନିର୍ମାଣରେ ଟାଇଟାନିୟମ୍ ମିଶ୍ରଣ ବ୍ୟବହୃତ ହୋଇଛି । ଏହା 6000 ମିଟର ଗଭୀରତାରେ ସମୁଦ୍ର ପତ୍ତନଠାରୁ 600ଗୁଣ ଅଧିକ ଚାପକୁ ସହ୍ୟ କରିପାରିବ ।
- ଏହାର ବ୍ୟାସ 2.1 ମିଟର । ଏଥିରେ ତିନି ଜଣଙ୍କ ପାଇଁ ବସିବା ସ୍ଥାନ ଅଛି । ଏହାକୁ 12 ଘଣ୍ଟା ପାଇଁ ସମୁଦ୍ର ଗଭୀରତାକୁ ପଠାଯିବ ।
- ଜରୁରୀକାଳୀନ ପରିସ୍ଥିତିରେ ଏହାର 96 ଘଣ୍ଟା ପର୍ଯ୍ୟନ୍ତ କାର୍ଯ୍ୟକ୍ଷମ ହେବ । ଯାହା ଯାତ୍ରୀମାନଙ୍କୁ ସାହାଯ୍ୟ କରିବ ।
- ଆମେରିକା, ଋଷ, ଜାପାନ, ଫ୍ରାନ୍ସ ଏବଂ ଚୀନ ପରେ ମାନବ ବୁଡ଼ା ଜାହାଜ ବିକାଶରେ ଭାରତ ହେଉଛି ଷଷ୍ଠ ଦେଶ । ଏହା 2026 ସୁଦ୍ଧା ଗଭୀର ସମୁଦ୍ରକୁ ଯିବାକୁ ଲକ୍ଷ୍ୟ ରଖିଛି ।
