ହାଇଦ୍ରାବାଦ: ଭାରତୀୟ ମହାକାଶ ଗବେଷଣା ସଂସ୍ଥା (ISRO) ମହାକାଶ ଗବେଷଣା କ୍ଷେତ୍ରରେ ଆଉ ଏକ ବଡ଼ ପଦକ୍ଷେପ ଗ୍ରହଣ କରିଛି । ଇସ୍ରୋ ଲେହଠାରେ ଦେଶର ପ୍ରଥମ ଏନାଲଗ ସ୍ପେଶ ମିଶନ (Analog Space Mission) ଆରମ୍ଭ କରିଛି । ଯାହାକୁ ନେଇ ବିଶ୍ବରେ ବେଶ ଚର୍ଚ୍ଚା ହେଉଛି । କୁହାଯାଉଛି ମହାକାଶକୁ ଯିବା ପୂର୍ବରୁ ମହାକାଶ ପରି କଠିନ ପରିସ୍ଥିତିରେ ମହାକାଶଚାରୀମାନଙ୍କୁ ତାଲିମ ଦେବା ପାଇଁ ପୃଥିବୀରେଏହି ମିଶନକୁ ପରିକଳ୍ପନା କରାଯାଇଛି । ଏଥିରେ ପୂରା ପରିବେଶ ମହାକାଶ ପରି ହେବ ।
🚀 India’s first analog space mission kicks off in Leh! 🇮🇳✨ A collaborative effort by Human Spaceflight Centre, ISRO, AAKA Space Studio, University of Ladakh, IIT Bombay, and supported by Ladakh Autonomous Hill Development Council, this mission will simulate life in an… pic.twitter.com/LoDTHzWNq8
— ISRO (@isro) November 1, 2024
କଣ ଏହି ମିଶନ ?
ଏନାଲଗ ସ୍ପେଶ ମିଶନ ହେଉଛି ଏକ ଟେକନିକ୍ ଯେଉଁଥିରେ ପୃଥିବୀରେ ସ୍ପେଶ ପରି ପରିବେଶ ସୃଷ୍ଟି କରାଯିବ । ଯାହା ଦ୍ବାରା ମହାକାଶଚାରୀମାନେ ମହାକାଶରେ ସାମ୍ନା କରିବାକୁ ଥିବା ଚ୍ୟାଲେଞ୍ଜଗୁଡ଼ିକ ସହିତ ଆଗରୁ ପରିଚିତ ହୋଇପାରିବେ । ଏହି ମିଶନରେ ISRO ଏକ କ୍ଷେତ୍ର ବାଛିଛି ଯାହା ଚନ୍ଦ୍ର କିମ୍ବା ମଙ୍ଗଳ ପୃଷ୍ଠ ସହିତ ସମାନ । ସେଠାରେ ମହାକାଶଚାରୀମାନେ ସୀମିତ ଉତ୍ସ ସହିତ ରହିବେ । ଚ୍ୟାଲେଞ୍ଜିଂ ଓ ବିଚ୍ଛିନ୍ନ ପରିବେଶରେ କାର୍ଯ୍ୟ କରିବାର ଅଭିଜ୍ଞତା ହାସଲ କରିବେ । ଏହି ମିଶନରେ ନିମ୍ନଲିଖିତ ଆହ୍ବାନର ସମାଧାନ ନେଇ ଗବେଷଣା କରିବେ ମହାକାଶଚାରୀ । ସେଗୁଡ଼ିକ ହେଲା:
- ଭାରତୀୟ ମହାକାଶଚାରୀମାନେ ଅନ୍ୟ ଗ୍ରହମାନଙ୍କରେ କିପରି ରହିବେ ?
- ସେଠାରେ ଏକ କଲୋନୀ କିପରି ନିର୍ମାଣ ହେବ ?
- କିପରି ବଞ୍ଚିବେ ?
- ସେଠାରେ କ’ଣ ଆହ୍ବାନ ହେବ ?
- ପୃଥିବୀଠାରୁ ବହୁତ ଦୂର ଅନ୍ୟ ଗ୍ରହରେ ମାନବ ସମାଜ କିପରି ପ୍ରତିଷ୍ଠା ହେବ ?
| ଏହା ବି ପଢନ୍ତୁ |
ଏହି ମିଶନ ପାଇଁ ଲେହ କାହିଁକି ?
ଲଦାଖ ଏହାର ଭୌଗୋଳିକ ବୈଶିଷ୍ଟ୍ୟ ପାଇଁ ବେଶ ଗୁରୁତ୍ବପୂର୍ଣ୍ଣ । ଏଠାରେ ଥିବା ଅବସ୍ଥା କିଛି ପରିମାଣରେ ଚନ୍ଦ୍ର ଏବଂ ମଙ୍ଗଳ ଗ୍ରହର ଅବସ୍ଥା ସହିତ ମେଳ ଖାଏ । ଶୀତ ଓ ଶୁଷ୍କ ପରିବେଶ ଏବଂ ଉଚ୍ଚ ଉଚ୍ଚତା କ୍ଷେତ୍ର ବିଭିନ୍ନ ଟେକ୍ନୋଲୋଜି ଏବଂ ଦୀର୍ଘକାଳୀନ ସ୍ପେଶ ମିଶନ ପାଇଁ ପ୍ରସ୍ତୁତି ପାଇଁ ଉପଯୁକ୍ତ ବିବେଚନା କରାଯାଏ । ଏଣୁ ଇସ୍ରୋ ଏହି ମିଶନ ଲାଗି ଲେହକୁ ବାଛିଛି ।
କେଉଁମାନେ ମିଶନରେ ଜଡ଼ିତ ?
ଇସ୍ରୋର ଏହି ମିଶନକୁ ଅନେକ ସଂସ୍ଥା ମିଳିତ ଭାବେ ପୂରା କରୁଛନ୍ତି । ପ୍ରଥମତଃ ଇସ୍ରୋ, ପରେ ଗଗନ ଯାନ ପ୍ରକଳ୍ପ ସହ ଜଡ଼ିତ ହ୍ୟୁମାନ ସ୍ପେଶ ଫ୍ଲାଇଟ ସେଣ୍ଟର, AAKA ସ୍ପେଶ ଷ୍ଟୁଡିଓ, ଲଦାଖ ୟୁନିଭର୍ସିଟି, IIT ବମ୍ବେ ଓ ଲଦାଖ ଅଟୋନୋମସ ହିଲ ଡେଭଲପମେଣ୍ଟ କାଉନସିଲ ମଧ୍ୟ ଏହି ମିଶନରେ ଜଡ଼ିତ ।
