ହାଇଦ୍ରାବାଦ: ଯଦି ଆପଣ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ (ପୂର୍ବରୁ ଟ୍ବିଟର) ବ୍ୟବହାର କରନ୍ତି ତେବେ ନିଜ ପୋଷ୍ଟ ସହିତ ଜଡ଼ିତ ଶବ୍ଦକୁ ହ୍ୟାସଟାଗ୍ (#) ଯେପରିକି #Twitter ଆଦିର ବ୍ୟବହାର କରନ୍ତି । ଏବେ ଏହାର ଆବଶ୍ୟକତା ନାହିଁ । ଏହା ଆମେ କହୁନାହୁଁ, ଖୋଦ Xର ମୁଖ୍ୟ ଏଲନ ମସ୍କ ୟୁଜରଙ୍କୁ କହିଛନ୍ତି । ସେ ହ୍ୟାସଟାଗ୍କୁ 'ଅସୁନ୍ଦର' (Ugly) କହିବା ସହ ଏହାକୁ ବନ୍ଦ କରିବାକୁ ୟୁଜରମାନଙ୍କୁ ଆହ୍ବାନ ଦେଇଛନ୍ତି ।
Xର ସିଇଓ ଏଲନ ମସ୍କ ଏକ ପୋଷ୍ଟରେ ରିପ୍ଲାଏ ଦେଇ କହିଛନ୍ତି ଯେ ଏବେ ହ୍ୟାସଟାଗ୍ ବ୍ୟବହାର ଆବଶ୍ୟକତା ନାହିଁ । ଏହା କେବଳ ଅନାବଶ୍ୟକ ନୁହେଁ, ବରଂ ଅସୁନ୍ଦର ଦିଶିଥାଏ । ନିକଟରେ Grok (ଏଲନ ମସ୍କଙ୍କ କମ୍ପାନୀ xAI ଦ୍ବାରା ବିକଶିତ AI ଚାଟ୍ବଟ୍)କୁ ପ୍ରଶ୍ନ କରାଯାଇଥିଲା ଯେ ଏବେ ବି ହ୍ୟାସଟାଗ୍ର ବ୍ୟବହାର ପ୍ରାସଙ୍ଗିକ ? ଏହା ଉପରେ ପ୍ରତିକ୍ରିୟା ରଖି ଏଲନ ମସ୍କ 'ଦୟାକରି ହ୍ୟାସଟାଗ୍ ବ୍ୟବହାର ବନ୍ଦ କରନ୍ତୁ । ସିଷ୍ଟମକୁ ଏବେ ଏହାର ଆବଶ୍ୟକତା ନାହିଁ' ବୋଲି କହିଥିଲେ ।
| ଏହା ବି ପଢନ୍ତୁ |
Please stop using hashtags. The system doesn’t need them anymore and they look ugly. https://t.co/GKEp1v1wiB
— Elon Musk (@elonmusk) December 17, 2024
ମସ୍କଙ୍କ ଏପରି ଟିପ୍ପଣୀ ପରେ ଏବେ ଚର୍ଚ୍ଚାର ହେଉଛି ଯେ 'ହ୍ୟାସଟାଗ୍', ଯାହାକି ଡିଜିଟାଲ ସର୍ଚ୍ଚର ଶକ୍ତିଶାଳୀ ଟୁଲ୍ ଥିଲା, କଣ ଏବେ ଏକ୍ସ ପ୍ଲାଟଫର୍ମରେ ଏହାର କୌଣସି ପ୍ରାସଙ୍ଗିକତା ନାହିଁ ? ସୂଚନା ଥାଉ କି ହ୍ୟାସଟାଗ୍, ଟ୍ରେଡିଙ୍ଗ ବିଷୟକୁ ଖୋଜିବା ବା କୌଣସି ନିର୍ଦ୍ଦିଷ୍ଟ ବିଷୟବସ୍ତୁରେ ସାମିଲ ହେବା ଲାଗି ଏହି ହ୍ୟାସଟାଗ୍ର ବ୍ୟବହାର କରାଯାଏ । ଟ୍ବିଟରରେ ଏହାର ବହୁଳ ବ୍ୟବହାର ହୁଏ । କୌଣସି ବଡ଼ ଘଟଣା ଘଟିଲେ ଉକ୍ତ ବିଷୟବସ୍ତୁ # ସହିତ ଏକ୍ସରେ ଟ୍ରେଣ୍ଡ କରେ । ଉକ୍ତ ହ୍ୟାସଟାଗ୍କୁ କ୍ଲିକ କରିବା ପରେ ସେହି ବିଷୟବସ୍ତୁ ନେଇ ଯେଉଁମାନେ ପୋଷ୍ଟ କରିଥାନ୍ତି, ତାହା ତଳକୁ ତଳ ଦୃଶ୍ୟମାନ ହୁଏ । ହେଲେ ଏଲନ ମସ୍କଙ୍କ ଏପରି ରିପ୍ଲାଏ ପରେ ଏହା ପୁରୁଣା ଇଣ୍ଟରନେଟ ଯୁଗ ପରି ପ୍ରତୀୟମାନ ହେଉଛି ।
ଭବିଷ୍ୟରେ ଆଉ ରହିବ ନା ନାହିଁ ହ୍ୟାସଟାଗ୍ ?
Xର ସିଷ୍ଟମ ଏବେ ଏତେ ମାତ୍ରାରେ ସ୍ମାର୍ଟ ହୋଇଛି ଯେ ୟୁଜରଙ୍କୁ ନିଜ ପୋଷ୍ଟରେ ଏକାଧିକ ହ୍ୟାସଟାଗ୍ ଲଗାଇବାର ଆବଶ୍ୟକତା ନାହିଁ । ଏହା ବିନା ମଧ୍ୟ ନିର୍ଦ୍ଦିଷ୍ଟ ଘଟଣା ସହିତ ଜଡିତ କଣ୍ଟେଣ୍ଟ ସାମ୍ନାକୁ ଆସିପାରେ । ତାହା ବ୍ରେକିଂ ନ୍ୟୁଜ ହେଉ ବା କୌଣସି ଭାଇରାଲ ଟ୍ରେଣ୍ଡ ବା କୌଣସି ଚର୍ଚ୍ଚିତ ଖବର । Xର ଆଲଗୋରିଦମ ଏହାକୁ ଖୋଜିପାଇବାରେ ସକ୍ଷମ ହୋଇଥାଏ ।
ପରିଶେଷରେ, ଯଦି ଆପଣ ହ୍ୟାସଟାଗ୍କୁ ବ୍ୟବହାର କରିବେ କି ନାହିଁ ଭାବନାରେ ପଡ଼ିଛନ୍ତି, ତେବେ ଆମେ ଆପଣଙ୍କ ଦ୍ବନ୍ଦ୍ବ ଦୂର କରୁଛି । Xର ସିଇଓ ଏଲନ ମସ୍କ ଏହି ପ୍ଲାଟଫର୍ମକୁ ନୂଆ ରୂପରେଖ ଦେବା ଲାଗି ଚେଷ୍ଟା କରୁଛନ୍ତି । ଏହାର ସିଷ୍ଟମକୁ ମଧ୍ୟ ସମୟାନୁସାରେ ଅପଡେଟ କରୁଛନ୍ତି । ଯଦି ଆପଣ ଟ୍ରେଣ୍ଡରେ ସାମିଲ ହେବାକୁ ଚାହୁଁଛନ୍ତି, ତେବେ ହ୍ୟାସଟାଗ୍ ଉପରେ ଭରସା ନ କରି ଭଲ କଣ୍ଟେଣ୍ଟ ଉପରେ ଗୁରୁତ୍ବ ଦିଅନ୍ତୁ । ଯାହାଦ୍ବାରା ଆପଣ ଭିଡ଼ ଭିତରୁ ଅଲଗା ହେବେ ଓ ପ୍ଲାଟଫର୍ମ ଆପଣଙ୍କ କଣ୍ଟେଣ୍ଟ ଅନୁଯାୟୀ ଆପଣଙ୍କୁ ପ୍ରାଧାନ୍ୟ ଦେବ ।
