ହାଇଦ୍ରାବାଦ: ଦକ୍ଷିଣ ଆମେରିକୀୟ ଦେଶ ବ୍ରାଜିଲରେ ବ୍ୟାନ ହେଲା ମାଇକ୍ରୋବ୍ଲଗିଂ ସାଇଟ X (ପୂର୍ବରୁ ଟ୍ବିଟର) । ଏବେ ବ୍ରାଜିଲର ନାଗରିକମାନେ ଏକ୍ସକୁ ବ୍ୟବହାର କରିପାରିବେ ନାହିଁ । ଏଠାରେ ଏକ୍ସର ମୋବାଇଲ ଓ ୱେବ ଦୁଇଟି ଯାକ ଭର୍ସନ କାମ କରୁନାହିଁ । ସୁପ୍ରିମକୋର୍ଟଙ୍କ ଆଦେଶ ପରେ ଏଠାରେ ଏଲନ ମସ୍କଙ୍କ ଏକ୍ସକୁ ବ୍ୟାନ କରାଯାଇଛି । ଦୀର୍ଘ ସମୟ ଧରି ବ୍ରାଜିଲ ସୁପ୍ରିମକୋର୍ଟ ଓ ଏଲନ ମସ୍କଙ୍କ ମଧ୍ୟରେ ଚାଲିଥିବା ବିବାଦ ଯୋଗୁଁ ଏବେ ଏହି ଦେଶର ନାଗରିକ ଏକ୍ସ ବ୍ୟବହାରରୁ ବଞ୍ଚିତ ହୋଇଛନ୍ତି ।
The people of Brazil are not happy with the current regime https://t.co/04n2aSsMA8
— Elon Musk (@elonmusk) September 1, 2024
କୋର୍ଟରେ ରାୟରେ କଣ କହିଲେ ?
ବ୍ରାଜିଲର ଶୀର୍ଷ କୋର୍ଟର ବିଚାରପତି ଏଲେକଜାନ୍ଦେ ଡି. ମୋରେସ ଦେଶରେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସକୁ ବ୍ୟାନ କରିବାକୁ ନିର୍ଦ୍ଦେଶ ଦେଇଥଇଲେ । ବ୍ରାଜିଲରେ 'X' ମାଲିକ ଏଲନ୍ ମସ୍କ ତାଙ୍କ କମ୍ପାନୀର ଆଇନଗତ ପ୍ରତିନିଧୀ ନିଯୁକ୍ତ କରିବାକୁ ମନା କରିବା ପରେ ଏହି ପଦକ୍ଷେପ ନିଆଯାଇଛି । ଜଜ୍ କହିଛନ୍ତି ଯେ ବ୍ରାଜିଲର ସାର୍ବଭୌମତ୍ବ ଏବଂ ନ୍ୟାୟପାଳିକା ପ୍ରତି ମସ୍କ ସମ୍ପୂର୍ଣ୍ଣ ଅସମ୍ମାନ ପ୍ରଦର୍ଶନ କରିଛନ୍ତି ।
ପୂର୍ବରୁ ଚେତାବନୀ ଦେଇଥିଲେ କୋର୍ଟ ?
ବ୍ରାଜିଲରେ ଏକ୍ସକୁ ବ୍ୟାନ୍ କରିବା ଲାଗି ଜଜ୍ ଏଲନ ମସ୍କଙ୍କୁ ଚେତାବନୀ ଦେଇଥିଲେ । ମାତ୍ର ଏଲନ ମସ୍କ ଏହାକୁ ମାନି ନଥିଲେ । ଯଦି ଏଲନ ମସ୍କ ବ୍ରାଜିଲରେ କମ୍ପାନୀର ଆଇନଗତ ପ୍ରତିନିଧୀ ନିଯୁକ୍ତ ନ କରନ୍ତି ତେବେ ଏକ୍ସକୁ ବ୍ୟାନ କରାଯିବ ବୋଲି ସଫା ସଫା କହିଥିଲେ ବିଚାରପତି । ଏଥିଲାଗି କୋର୍ଟ ଏଲନ ମସ୍କଙ୍କୁ 24 ଘଣ୍ଟାର ସମୟ ପ୍ରଦାନ କରିଥିଲେ । ମାତ୍ର ଧାର୍ଯ୍ୟ ସମୟ ମଧ୍ୟରେ କମ୍ପାନୀ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାନଯିବା ପରେ କୋର୍ଟ ଏହି ରାୟ ଶୁଣାଇଥିଲେ ।
Investing in Brazil under their current administration is insane. When there is new leadership, that will hopefully change. https://t.co/Wnmhwi8BzD
— Elon Musk (@elonmusk) September 1, 2024
'X' ବ୍ୟବହାର କଲେ 8900 ଡଲାର ଜୋରିମାନା:-
ଯଦି କେହି ୟୁଜର୍ କୋର୍ଟଙ୍କ ରାୟକୁ ଅବମାନନା କରି ଏହି ସୋସିଆଲ ମିଡିଆ ପ୍ଲାଟଫର୍ମକୁ ବ୍ୟବହାର କରିବାକୁ ଉଦ୍ୟମ କରନ୍ତି, ତେବେ ତାଙ୍କୁ ଜୋରିମାନ ଭରିବାକୁ ପଡ଼ିପାରେ । ଉକ୍ତ ବ୍ୟକ୍ତିଙ୍କୁ ପ୍ରତିଦିନ 8900 ଡଲାର (7b&) ଜୋରିମାନା ଦେବାକୁ ପଡ଼ିବ ବୋଲି କୋର୍ଟ କହିଛନ୍ତି ।
କଣ ଥିଲା ବିବାଦ ?
ବ୍ରାଜିଲରେ ନ୍ୟାୟ ପ୍ରକ୍ରିୟା ଉପରେ ବାଧା ସୃଷ୍ଟି କରିବା, ଅପରାଧିକ ସଂଗଠନ ତଥା ଅପରାଧ ଘଟାଇବା ପାଇଁ ଉସୁକାଇବା ଭଳି ଅଭିଯୋଗ ମସ୍କଙ୍କ ବିରୋଧରେ ରହିଛି । ଏହା ପୂର୍ବରୁ ଭୁଲ ତଥ୍ୟ ଏବଂ ଘୃଣା ବାର୍ତ୍ତା ବିସ୍ତାର ଅଭିଯୋଗରେ ଜଜ୍ ମୋରେସ୍ Xର କିଛି ଆକାଉଣ୍ଟକୁ ଅବରୋଧ କରିବାକୁ ନିର୍ଦ୍ଦେଶ ଦେଇଥିଲେ । ଏଥିରେ ବ୍ରାଜିଲର ପୂର୍ବତନ ରାଷ୍ଟ୍ରପତି ଜାୟର ବୋଲସନାରୋଙ୍କ ସମର୍ଥକଙ୍କ କିଛି ଆକାଉଣ୍ଟ ମଧ୍ୟ ଅନ୍ତର୍ଭୁକ୍ତ ଥିଲା । ଅନ୍ୟପଟେ କୋର୍ଟଙ୍କ ଆଦେଶ ପରେ ବ୍ରାଜିଲରେ କମ୍ପାନୀ ନିଜର ସମସ୍ତ ପରିଚାଳନା ଓ କାର୍ଯ୍ୟକୁ ତୁରନ୍ତ ବନ୍ଦ କରିବାକୁ ଘୋଷଣା କରିଛି । କମ୍ପାନୀ କହିଛି ଯେ ଏହାର କର୍ମଚାରୀଙ୍କ ସୁରକ୍ଷା ପାଇଁ ଏହି ପଦକ୍ଷେପ ନିଆଯାଇଛି ।
I keep telling people that this guy @alexandre is the dictator of Brazil, NOT a judge. He just wears that as a costume.
— Elon Musk (@elonmusk) August 31, 2024
He has supreme executive, judicial and legislative power, aka dictator.
The cloak he wears is to trick fools in the West into thinking that he’s a judge. https://t.co/tCgU2WnB6m
ବ୍ରାଜିଲରେ କେତେ ୟୁଜର୍ସ ଥିଲେ ?
ମିଳିଥିବା ସୂଚନା ଅନୁସାରେ, ବ୍ରାଜିଲରେ ପ୍ରାୟ 22 ମିଲିୟନ ଲୋକ ଏକ୍ସର ବ୍ୟବହାର କରୁଥିଲେ । ଏହି ବ୍ୟାନ ପରେ ଲୋକେ ବେଶ ପ୍ରଭାବିତ ହୋଇଛନ୍ତି । ସେମାନେ ବିଶ୍ବରୁ ଅଲଗା ହେବା ଭଳି ଅନୁଭବ କରୁଥିବା କହିଛନ୍ତି । କୋର୍ଟଙ୍କ ଏହି ଆଦେଶ ଲୋକଙ୍କ ଅଧିକାର ଉପରେ ପ୍ରଶ୍ନ ସୃଷ୍ଟି କରିଛି ବୋଲି ଏଠାକାର ନାଗରିକ କହିଛନ୍ତି । କୋର୍ଟଙ୍କ ଏହି ରାୟ ବ୍ରାଜିଲର ରାଜନୀତି ଓ ସମାଜ ଉପରେ ମଧ୍ୟ ଗଭୀର ପ୍ରଭାବ ପକାଇଛି ।
ଏହା ବି ପଢନ୍ତୁ- ଟେଲିଗ୍ରାମ ପ୍ରତିଷ୍ଠାତା ମୁଖ୍ୟ ବିମାନ ବନ୍ଦରରୁ ଉଠାଇନେଲା ପ୍ୟାରିସ ପୋଲିସ
