ହାଇଦ୍ରାବାଦ: ଯାନ୍ତ୍ରିକ ତ୍ରୁଟି ଯୋଗୁଁ ମହାକାଶରେ ଫସି ରହିଥିବା ସ୍ପେଶକ୍ରାଫ୍ଟ ବୋଇଙ୍ଗର ଷ୍ଟାରଲାଇନର କ୍ୟାପସୁଲ ଆଜି ସକାଳେ ପୃଥିବୀକୁ ଫେରିଛି । ଇଣ୍ଟରନ୍ୟାସନାଲ ସ୍ପେଶ ଷ୍ଟେସନ (ISS)ରୁ ଭାରତୀୟ ବଂଶୋଦ୍ଭବ ମହାକାଶଚାରୀ ସୁନୀତା ୱିଲିୟମ୍ସ ଓ ସାଥୀ ବ୍ୟାରି ୱିଲମୋର କିନ୍ତୁ ଫେରିନାହାନ୍ତି । ଆଜି ସକାଳ ସାଢେ 9ଟାରେ ନ୍ୟୁ ମେକ୍ସିକୋର ହ୍ବାଇଟ ସ୍ୟାଣ୍ଡସ୍ ସ୍ପେଶ ହାର୍ବରେ ଏହି ମହାକାଶ ଯାନ ଲ୍ୟାଣ୍ଡ କରିଛି ।
The uncrewed #Starliner spacecraft is backing away from the @Space_Station after undocking from the Harmony module's forward port at 6:04pm ET (2204 UTC). pic.twitter.com/uAE38ApiJw
— NASA (@NASA) September 6, 2024
ବୋଇଙ୍ଗ ଷ୍ଟାରଲାଇନର ସୁରକ୍ଷିତ ଅବତରଣ:-
ବହୁ ବର୍ଷର ଅପେକ୍ଷା ପରେ ଚଳିତ ବର୍ଷ ଜୁନରେ ଏହି ଯାନଟି ମହାକାଶକୁ ଗସ୍ତ କରିଥିଲା । ମାତ୍ର କେଇଟା ଦିନ ଲାଗି ଯାଇଥିବା ଏହି ମହାକାଶ ଯାନଟି ଯାନ୍ତ୍ରିକ ତ୍ରୁଟି ଓ ହିଲିୟମ ଲିକ୍ ଯୋଗୁଁ ମହାକାଶରେ ଫସି ରହିଥିଲା । ଏହି ଯାନଟି ପୃଥିବୀ ପୃଷ୍ଠକୁ ଫେରିବାର ଭିଡିଓ ନାସା ପକ୍ଷରୁ ଜାରି କରାଯାଇଛି । ଏହି ଭିଡିଓରେ ସ୍ପେଶ ଷ୍ଟେସନରୁ ବୋଇଙ୍ଗ ଷ୍ଟାରଲାଇନର କ୍ୟାପସୁଲ ଅଲଗା ହେବାର ଦେଖିବାକୁ ମିଳିଛି । ତେବେ ଏହା ସୁରକ୍ଷିତ ଭାବେ ପୃଥିବୀରେ ଆଜି ଅବତରଣ କରିଛି ।
କାହିଁକି ଫେରିଲେନି ସୁନୀତା ?
ଷ୍ଟାରଲାଇନର ଆମେରିକୀୟ ମହାକାଶଚାରୀ ସୁନୀତା ଓ ତାଙ୍କ ସହଯୋଗୀ ବ୍ୟାରିଙ୍କ ବିନା ପୃଥିବୀକୁ ଫେରିବ ବୋଲି ନାସା ଅଗଷ୍ଟ 24 ତାରିଖରେ ନିଷ୍ପତ୍ତି ନେଇଥିଲା । ଏହି ମହାକାଶ ଯାନରେ ବୈଷୟିକ ତ୍ରୁଟି ଥିବା ଯୋଗୁଁ ଦୁଇ ମହାକାଶଚାରୀଙ୍କ ସୁରକ୍ଷାକୁ ଆଖି ଆଗରେ ରଖି ବିନା କ୍ରୁ ମେମ୍ବରରେ ଏହି ଯାନଟି ପୃଥିବୀକୁ ଫେରିଛି । ସୁନୀତା ଓ ତାଙ୍କ ସହଯୋଗୀଙ୍କୁ ଆଉ 5ରୁ 6ମାସ ଅନ୍ତର୍ଜାତୀୟ ସ୍ପେଶ ଷ୍ଟେସନରେ ରହିବାକୁ ପଡ଼ିବ ।
Touchdown, #Starliner! The uncrewed spacecraft landed at New Mexico's White Sands Space Harbor at 12:01 am ET (0401 UTC) on Saturday, Sept. 7. pic.twitter.com/Q5lITEzATn
— NASA (@NASA) September 7, 2024
କେବେ ଫେରିବେ ସୁନୀତା ଓ ସହଯୋଗୀ ମହାକାଶଚାରୀ ?
ଆସନ୍ତା ବର୍ଷ 2025 ଫେବୃଆରୀରେ ନାସାର ସ୍ପେଶ ଏକ୍ସ କ୍ରୁ-9 ମିଶନ (SpaceX Crew-9 Mission) ଜରିଆରେ ସୁନୀତା ଓ ସହଯୋଗୀ ପୃଥିବୀ ପୃଷ୍ଠକୁ ଫେରିବେ ବୋଲି ନାସା ପକ୍ଷରୁ କୁହାଯାଇଛି । ଏହି ସମୟ ମଧ୍ୟରେ ଉଭୟ ଅନ୍ତର୍ଜାତୀୟ ସ୍ପେଶ ଷ୍ଟେସନ (ISS)ରେ ରହିବା ସହିତ ମହାକାଶ ସମ୍ବନ୍ଧରେ ଅଧିକ ଗବେଷଣା କରିବେ ।
