ବୌଦ୍ଧ: ଆଜି ବିଶ୍ବ ପାଳୁଛି ପର୍ଯ୍ୟଟନ ଦିବସ । ପର୍ଯ୍ୟଟନ ଶିଳ୍ପକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ଏହି ଦିବସ ପାଳନ କରାଯାଉଛି । ରାଜ୍ୟରେ ଅନେକ ସ୍ଥାନରେ ବିପର୍ଯ୍ୟସ୍ତ ଅବସ୍ଥାରେ ରହିଥିବା ପର୍ଯ୍ୟଟନ ଶିଳ୍ପର ବିକାଶ ଜରୁରୀ ହୋଇପଡ଼ିଛି । ବର୍ତ୍ତମାନ ଜିଲ୍ଲାର ପର୍ଯ୍ୟଟନସ୍ଥଳୀଗୁଡିକ ଅବହେଳିତ ହୋଇ ପଡିଥିବା ଅଭିଯୋଗ ହୋଇଛି । ଏହିପରି ଏକ ଜିଲ୍ଲା ହେଉଛି ବୌଦ୍ଧ ଜିଲ୍ଲା।
ବୌଦ୍ଧ ଜିଲ୍ଲାରେ କେଉଁ ପର୍ଯ୍ୟଟନସ୍ଥଳୀ ରହିଛି?
ବୌଦ୍ଧ ଜିଲ୍ଲାରେ ଭରି ରହିଛି ଅନେକ ପର୍ଯ୍ୟଟନ ବିଭବ । ପ୍ରକୃତି ରାଣୀର ଅପରୂପ ସୌନ୍ଦର୍ଯ୍ୟକୁ ଉପଭୋଗ କରିବାକୁ ବର୍ଷ ତମାମ ପର୍ଯ୍ୟଟକମାନେ ଜିଲ୍ଲାକୁ ଆସୁଥିଲେ ମଧ୍ୟ ପର୍ଯ୍ୟଟନ ସ୍ଥଳୀର ଆବଶ୍ୟକ ମୁତାବକ ବିକାଶ ହୋଇ ପାରୁନଥିବାରୁ ସ୍ଥାନୀୟ ଅଧିବାସୀ ଅସନ୍ତୋଷ ପ୍ରକାଶ କରିଛନ୍ତି । ବୁଦ୍ଧଙ୍କ ନାମକୁ ଯଥାର୍ଥରେ ପ୍ରତିପାଦିତ କରୁଥିବା ଜିଲ୍ଲା ବୌଦ୍ଧରେ ସୌନ୍ଦର୍ଯ୍ୟ ବିମଣ୍ଡିତ କରୁଛି ଦେଢଶୁର ଭାଇବୋହୁ ପାହାଡ଼ । ଏହାସହ ଶୀତଳପାଣି, ସାତକୋଶିଆ ଅଭୟାରଣ୍ୟ, ପଦ୍ମତୋଳା ପୁଷ୍କରିଣୀ ଭଳି ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ସ୍ଥାନ ରହିଛି । ସେହପରି କୁମ୍ଭୀଦରହ, ତାମ୍ବିଦରହ, ଲତାଝରଣ, ଖରଖରି, ବୀରାମୁଣ୍ଡା, ଖଣ୍ଡିକନପା ଭଳି ବିଭିନ୍ନ ଜଳ ଉତ୍ସ ତଥା ଝରଣା ରହିଛି । ଏହାଛଡା ନାଏକପଡ଼ା ପାତାଳୀ କ୍ଷେତ୍ର, ଡମ୍ବରୁଗଡ ଭଳି ଆଧ୍ୟାତ୍ମିକ ପୀଠ ମଧ୍ୟ ପର୍ଯ୍ୟଟକଙ୍କୁ ଆକୃଷ୍ଟ କରୁଛି ।
ଅକ୍ସି ଟୁରିଜିମ:
ବୁଦ୍ଧିଜୀବୀ କେତନ କୁମାର ଅଗ୍ରୱାଲ କହିଛନ୍ତି, "ପ୍ରାୟ 4 ବର୍ଷ ପୂର୍ବରୁ ବୌଦ୍ଧ ଜିଲ୍ଲାର ଏଭଳି ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ସ୍ଥାନର ବିକାଶ ପାଇଁ ଜିଲ୍ଲା ପ୍ରଶାସନ ପକ୍ଷରୁ 'ଅକ୍ସି ଟୁରିଜିମ' ମାଧ୍ୟମରେ ଏହାର ପ୍ରଚାର ପ୍ରସାର ଆରମ୍ଭ ହୋଇଥିଲା । ଏପରିକି ନନ୍ଦନବନ, ନାଏକପଡା ଗୁମ୍ଫା, ଡମ୍ବରୁଗଡ, ତାମ୍ବିଦରହ, ଖଣ୍ଡିକନପା ଭଳି କେତେକ ସ୍ଥାନର ଉନ୍ନତି ପାଇଁ କୋଟି କୋଟି ଟଙ୍କା ଖର୍ଚ୍ଚ କରାଯାଇଥିଲା । ହେଲେ ଅନେକ ପର୍ଯ୍ୟଟନସ୍ଥଳୀ ଅତ୍ୟନ୍ତ ଅବହେଳିତ ହୋଇ ପଡିରହିଛି ।"
On this World Tourism Day, let the beauty of Odisha inspire you to explore its wonders and connect with it's vibrant culture. #ExploreOdisha #WorldTourismDay pic.twitter.com/CqOqSLH3iL
— Mohan Charan Majhi (@MohanMOdisha) September 27, 2024
ସୋନପୁରରେ ଶିକ୍ଷା ଓ ପର୍ଯ୍ୟଟନ ବିକାଶ ଦାବି, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କୁ ଏକାଧିକ ସଂଗଠନର ଦାବିପତ୍ର ଏହା ବି ପଢନ୍ତୁ...ବିକାଶ ହେବ ରାୟଗଡାର ପର୍ଯ୍ୟଟନ କ୍ଷେତ୍ର, ଆକୃଷ୍ଟ ହେବେ ପର୍ଯ୍ୟଟକ |
ରାଜ୍ୟ ସଙ୍ଗୀତ ଆମ ପର୍ଯ୍ୟଟନ ସମ୍ଭାବନାର ଦର୍ପଣ@odisha_tourism #WorldTourismDay2024 pic.twitter.com/1Mw0CMxKwa
— Pravati Parida (@PravatiPOdisha) September 27, 2024
'ପର୍ଯ୍ୟଟକଙ୍କ ପାଇଁ ନାହିଁ ଆନୁସଙ୍ଗିକ ବ୍ୟବସ୍ଥା'
ସବୁଠାରୁ ଆଶ୍ଚର୍ଯ୍ୟର କଥା ବୌଦ୍ଧ ଜିଲ୍ଲାରେ ପର୍ଯ୍ୟଟନ କାର୍ଯ୍ୟାଳୟ କିମ୍ବା ପର୍ଯ୍ୟଟନ ଅଧିକାରୀ ଜଣେ ନାହାନ୍ତି । ଆନୁସଙ୍ଗିକ ସୁବିଧା ଅଭାବରୁ ଜିଲ୍ଲାକୁ ଆସୁଥିବା ପର୍ଯ୍ୟଟକମାନେ ନିରାଶ ହୋଇ ଜିଲ୍ଲାରୁ ଫେରିଯାଉଛନ୍ତି । ଆଜି ବିଶ୍ବ ପର୍ଯ୍ୟଟନ ଦିବସ ଅବସରରେ ବୌଦ୍ଧ ଜିଲ୍ଲାର ପର୍ଯ୍ୟଟନ ଶିଳ୍ପର ବିକାଶ ପାଇଁ ସ୍ଥାନୀୟ ବାସିନ୍ଦା ଓ ବୁଦ୍ଧିଜୀବୀ ନୂଆ ସରକାରଙ୍କୁ ସ୍ବତନ୍ତ୍ର ଦୃଷ୍ଟି ଦେବାକୁ ଅନୁରୋଧ କରିଛନ୍ତି ।
ଇଟିଭି ଭାରତ, ବୌଦ୍ଧ
