ଭୁବନେଶ୍ବର: ଆଗାମୀ ଦିନରେ ସମସ୍ତେ କହିବେ ସୁନାର ଓଡ଼ିଶା । ଓଡ଼ିଶାର ପ୍ରାକୃତିକ ସଂପଦକୁ ଓଡ଼ିଶାର ସାମର୍ଥ୍ୟ ବନାଇବୁ । ଓଡ଼ିଶାରେ କଣ ନାହିଁ ବୋଲି ପଚାରିଲେ ପ୍ରଧାନମନ୍ତ୍ରୀ । ବିକାଶ ପାଇଁ ଓଡିଶାରେ ସବୁ ଅଛି କହିଲେ ମୋଦି । ଓଡ଼ିଶାରେ ସବୁ ପ୍ରକାର ସଂପଦ ଭରପୁର ହୋଇରହିଛି । ୫ ବର୍ଷରେ ଓଡ଼ିଶାରେ ରେଲ୍ ଓ ରୋଡ୍କୁ ନୂଆ ସୋପାନକୁ ନେବୁ । ପୁରୀ-କୋଣାର୍କକୁ ରେଳ ଚାଲିବା ଆଉ ବେଶୀ ଦୂର ନୁହେଁ । ବିଭିନ୍ନ ପ୍ରକଳ୍ପ ଯୋଗୁଁ ଓଡ଼ିଶାର ଯୁବକଙ୍କୁ ରୋଜଗାର ମିଳିବ । ୧୦ ବର୍ଷରେ ଯାହା ମିଳୁଥିଲା, ଏବେ ତା ଠାରୁ ଅଧିକ ମିଳିବ । ଓଡ଼ିଶାବାସୀ ଏବେ ଆୟୁଷ୍ମାନ ଭାରତ ସୁବିଧା ବି ପାଇବେ । ୭୦ ବର୍ଷରୁ ଅଧିକ ସମସ୍ତ ବୟସ୍କଙ୍କୁ ଆୟୁଷ୍ମାନ ଭାରତ ସୁବିଧା ମିଳିବ । ମୋଦି ତା ଗ୍ୟାରେଣ୍ଟି ପୂରା କରି ଦେଖାଉଛି ବୋଲି ସୁଭଦ୍ରା ଯୋଜନା ଶୁଭାରମ୍ଭ ଅବସରରେ ଜନତା ମଇଦାନରେ ଏହା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ସବୁ ଅପେକ୍ଷାରେ ହେଲା ଅନ୍ତ । ବ୍ୟାଙ୍କ୍ ଆକାଉଣ୍ଟକୁ ଗଲା ସୁଭଦ୍ରା ଯୋଜନାର ଟଙ୍କା । ଆଜି ନିଜ ଜନ୍ମଦିନରେ ଓଡ଼ିଶା ଆସି ସୁଭଦ୍ରା ଯୋଜନାର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏଥିପାଇଁ ରାଜଧାନୀର ଜନତା ମୈଦାନରେ ଭବ୍ୟ ଆୟୋଜନ କରାଯାଇଥିଲା । ପୂର୍ବରୁ ପ୍ରଧାନମନ୍ତ୍ରୀ ଭୁବନେଶ୍ବର ଏୟାରପୋର୍ଟରେ ପହଞ୍ଚି ସିଧା ଗାଡ଼କଣ ଗାଁକୁ ଯାଇଥିଲେ । ସେଠାରେ ଗାଡକଣ ଗାଁରେ ପିଏମ୍ ଆବାସ ହିତାଧୀକାରୀଙ୍କ ସହ ଆଲୋଚନା କରିଥିଲେ ପ୍ରଧାନମନ୍ତ୍ରୀ ମୋଦି । ଏହାସହ ଗୋଠପାଟଣା ସ୍ପୋର୍ଟସ ଭ୍ୟାଲିର ବି ଶିଳାନ୍ୟାସ କରିଥିଲେ ମୋଦି । ପ୍ରଧାନମନ୍ତ୍ରୀ ୧୦ ଲକ୍ଷ ପିଏମ୍ ଆବାସ ଗ୍ରାମୀଣ ହିତାଧିକାରୀଙ୍କୁ ଯୋଜନାର ପ୍ରଥମ କିସ୍ତି ପ୍ରଦାନ କରିଛନ୍ତି ।
ଜୟ ଜଗନ୍ନାଥ କହି ଭାଷଣ ଆରମ୍ଭ କଲେ ପ୍ରଧାନମନ୍ତ୍ରୀ ମୋଦୀ-
ଏହାପରେ ଭୁବନେଶ୍ୱର ଜନତମଇଦାନ ଠାରେ ଆୟୋଜିତ ସମାରୋହରେ ଯୋଗଦେଇ ସୁଭଦ୍ରା ଯୋଜନାର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୨୫ ଲକ୍ଷ୍ୟ ୧୧ ଜଣ ହିତାଧିକାରୀଙ୍କ ଆକାଉଣ୍ଟକୁ ସୁଭଦ୍ରାର ପ୍ରଥମ କିସ୍ତି ଟଙ୍କା ପଠାଇଛନ୍ତି। ତେବେ ପ୍ରଧାନମନ୍ତ୍ରୀ ଜନତା ମଇଦାନରୁ ନିଜର ଅଭିଭାଷଣ ଦେଇଛନ୍ତି । ଜୟ ଜଗନ୍ନାଥ କହି ଭାଷଣ ଆରମ୍ଭ କଲେ ପ୍ରଧାନମନ୍ତ୍ରୀ ମୋଦୀ । ଓଡ଼ିଶାରେ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ । କହିଲେ, ଓଡ଼ିଶାର ପ୍ରିୟ ଭାଇ ଓ ଭଉଣୀ ମାନଙ୍କୁ ଅଗ୍ରୀମ ହାର୍ଦ୍ଦିକ ଶୁଭେଚ୍ଛା ।
A very special visit to the home of the Nayak family in Bhubaneswar. pic.twitter.com/rtETraB2pA
— Narendra Modi (@narendramodi) September 17, 2024
ଓଡ଼ିଶାରେ ପ୍ରାକୃତିକ ସମ୍ପଦ ଭରପୁର ଅଛି-
ଓଡ଼ିଶାର ବିକାଶ କେନ୍ଦ୍ର ସରକାର ପାଇଁ ପ୍ରାଥମିକତା । 10 ବର୍ଷ ତଳେ ଯେତିକି ଅର୍ଥ ମିଳୁଥିଲା, ଏବେ ତା ଠାରୁ 3 ଗୁଣ ଅଧିକ ମିଳୁଛି । ଆୟୁଷ୍ମାନ ଯୋଜନାର ଲାଭ ମଧ୍ୟ ଓଡ଼ିଶାରେ ମିଳିବ । 70 ବର୍ଷରୁ ଅଧିକ ବୟସ୍କଙ୍କ ଚିକିତ୍ସା ପାଇଁ 5 ଲକ୍ଷ ସହାୟତା ମିଳିବ । ଆଦିବାସୀ ମାନଙ୍କ ବିକାଶ ପାଇଁ ଅଲଗା ମନ୍ତ୍ରଣାଳୟ ତିଆରି ହୋଇଛି । ଆଗାମୀ 5 ବର୍ଷରେ ରେଳ ଓ ଜାତୀୟ ରାଜପଥ କ୍ଷେତ୍ରରେ ଓଡ଼ିଶା ସମୃଦ୍ଧ ହେବ । ସେହିଭଳି ଆଜି ପ୍ରଧାନମନ୍ତ୍ରୀ ଆବାସ ଯୋଜନା 2.0 ଶୁଭାରମ୍ଭ କଲେ ପ୍ରଧାନମନ୍ତ୍ରୀ ମୋଦି । 1 କୋଟି ଘର ପାଇଁ 10 ଲକ୍ଷ କୋଟି ବ୍ୟୟବରାଦ । ସେହିପରି 26 ଲକ୍ଷ ଆବାସ ହିତାଧିକାରୀଙ୍କ ଗୃହ ପ୍ରବେଶ ଉତ୍ସବର ଶୁଭାରମ୍ଭ କଲେ ପ୍ରଧାନମନ୍ତ୍ରୀ । 10 ଲକ୍ଷ ହିତାଧିକାରୀଙ୍କୁ ପ୍ରଥମ କିସ୍ତି ବାବଦରେ 3180 କୋଟି ଟଙ୍କା ଦେଲେ ପ୍ରଧାନମନ୍ତ୍ରୀ ।
ଜୀବନ ପରିବର୍ତ୍ତନ କରୁଛି ପ୍ରଧାନମନ୍ତ୍ରୀ ଆବାସ ଯୋଜନା ! ଏହା କିପରି, ଓଡ଼ିଶାର ଏହି ବାର୍ତ୍ତାଳାପ ତାହା ବର୍ଣ୍ଣନା କରୁଛି... pic.twitter.com/coItt6hagt
— Narendra Modi (@narendramodi) September 17, 2024
ଦେଶ ବାସୀଙ୍କୁ ବିଶ୍ଵକର୍ମା ପୂଜାର ଶୁଭେଚ୍ଛା ଜଣାଇଲେ ମୋଦି-
"ଏଭଳି ପବିତ୍ର ଦିନରେ ସୁଭଦ୍ରା ଯୋଜନାର ଶୁଭାରମ୍ଭ କରିବାର ସୌଭାଗ୍ୟ ମିଳିଲା । ସ୍ଵୟଂ ଇନ୍ଦ୍ର ଦେବତା ଆଶୀର୍ବାଦ ଦେବା ପାଇଁ ଆସିଲେ । ଦେଶର 30 ଲକ୍ଷ ରୁ ଅଧିକ ଲୋକଙ୍କୁ ପକ୍କା ଘର ଦିଆଗଲା । 26 ଲକ୍ଷ ଘର ଦେଶର ଗାଁ ଗୁଡିକରେ ଓ 4 ଲକ୍ଷ ଘର ସହର ମାନଙ୍କରେ ଦିଆଯାଇଛି । ଓଡ଼ିଶାରେ ବିଜେପି ନେତୃତ୍ୱରେ ନୂଆ ସରକାର ହେବା ସମୟରେ ଶପଥ ଗ୍ରହଣ ସମାରୋହରେ ଆସିଥିଲି । ତାପରେ ଏହା ମୋର ପ୍ରଥମ ଗସ୍ତ । ନିର୍ବାଚନ ବେଳେ କହିଥିଲି, ଡବଲ ଇଞ୍ଜିନ ସରକାର ହେଲେ ଓଡ଼ିଶା ନୂଆ ବିକାଶର ଶିଖରରେ ପହଞ୍ଚିବ । ଯେଉଁ ସ୍ବପ୍ନ ମା ଓ ଭଉଣୀ ମାନେ ଦେଖିଥିଲେ, ଯୁବକ ମାନେ ଦେଖିଥିଲେ, ସବୁ ସ୍ବପ୍ନ ପୂରଣ ହେବ ବୋଲି ବିଶ୍ୱାସ ଅଛି । ମହାପ୍ରଭୁଙ୍କ ଆଶୀର୍ବାଦ ଅଛି । ସବୁ ପ୍ରତିଶ୍ରୁତି ଅଭୂତପୂର୍ବ ଗତିରେ ପୂରଣ ହେଉଛି । ଆମେ ଆଗରୁ କହିଥିଲୁ ଶ୍ରୀମନ୍ଦିର ଚାରି ଦ୍ଵାରା ଖୋଲିଲା, ରତ୍ନଭଣ୍ଡାର ଖୋଲିଲା । ଦିନ ରାତି ବିଜେପି ସରକାର କାମ କରୁଛି । ସବୁ ମନ୍ତ୍ରୀ ମାନଙ୍କ ନେତୃତ୍ୱରେ ସରକାର ଲୋକଙ୍କ ପାଖକୁ ଯାଉଛି, ସମସ୍ୟା ସମାଧାନ ଲାଗି ପ୍ରୟାସ କରୁଛନ୍ତି । ପୁରା ମନ୍ତ୍ରୀ ଟିମକୁ ପ୍ରଶଂସା କଲେ ମୋଦି । ଆଜି କେନ୍ଦ୍ରର ଏନଡିଏ ସରକାରର 100 ଦିନ ପୂରଣ ହେଉଛି । ଗରିବ, କୃଷକ, ଯୁବକ ଏବଂ ନାରୀ ଶକ୍ତିର ସଶକ୍ତିକରଣ ପାଇଁ ବଡ ବଡ ନିଷ୍ପତି ନିଆଯାଇଛି । ଗତ 100 ଦିନ ଭିତରେ 3 କୋଟି ଗରିବଙ୍କ ପାଇଁ ପକ୍କା ଘର ତିଆରି ହେବ," ବୋଲି କହିଛନ୍ତି ପିଏମ ମୋଦି ।
Upon landing in Bhubaneswar, went to the home of Antrajamai Nayak and Jahaja Nayak. They have benefitted from the Pradhan Mantri Awas Yojana and are proud home owners. Also met their family including their adorable grandchild, Soumyajit. The Nayak family also served delicious… pic.twitter.com/0HkAd6Lxsn
— Narendra Modi (@narendramodi) September 17, 2024
ସେହିପରି ଯୁବକଙ୍କ ପାଇଁ ପିଏମ ପ୍ୟାକେଜ ଘୋଷଣା-
ଘରୋଇ କମ୍ପାନୀରେ ଯୁବକଙ୍କ ପ୍ରଥମ ଦରମା ସରକାର ଦେବେ । 75 ହଜାର ନୂଆ ମେଡିକାଲ ସିଟ ଖୋଲାଯିବ । ବଜେଟରେ ଜନଜାତିଙ୍କ ପାଇଁ ଦୁଇ ଗୁଣ ବୃଦ୍ଧି କରାଯାଇଛି । 60 ହଜାର ଆଦିବାସୀ ଗାଁ ପାଇଁ ଯୋଜନା ଘୋଷଣା କରିଛି । ସରକାରୀ କର୍ମଚାରୀ ମାନଙ୍କ ପାଇଁ ପେନସନ୍ ଯୋଜନାର ଘୋଷଣା କରାଯାଇଛି । ଦୋକାନୀ ଓ ମଧ୍ୟମ ବର୍ଗ ଉଦ୍ୟୋଗୀ ମାନଙ୍କ ପାଇଁ ଆୟକର ହ୍ରାସ କରାଯାଇଛି । 11 ଲକ୍ଷ ନୂଆ ଲକ୍ଷପତି ଦିଦି ତିଆରି ହୋଇଛନ୍ତି । ଖରିଫ ଫସଲରେ ଏମଏସପି ବୃଦ୍ଧି କରାଯାଇଛି । 2 ଲକ୍ଷ କୋଟିର ଲାଭ ହେବ କୃଷକ ମାନଙ୍କୁ । ମହିଳାଙ୍କ ଉନ୍ନତି, ବଢୁଥିବା ସାମର୍ଥ୍ୟ ଓଡ଼ିଶା ବିକାଶର ମୂଳମନ୍ତ୍ର ହେବ । ଓଡ଼ିଶାର 1 କୋଟିରୁ ଅଧିକ ମହିଳାଙ୍କୁ ଲାଭ ମିଳିବ । 50 ହଜାର ଟଙ୍କାର ସହାୟତା ମିଳିବ । ଡିବିଟି ମାଧ୍ୟମରେ ସିଧା ଆକାଉଣ୍ଟକୁ ଯିବ ପଇସା । ସୁଭଦ୍ରା ଯୋଜନା ମା ଓ ଭଉଣୀ ମାନଙ୍କୁ ସଶକ୍ତ କରୁ । ମାଆ ସୁଭଦ୍ରାଙ୍କ ନିକଟରେ ଏହା ମୋର ପ୍ରାର୍ଥନା ।
ଭୁବନେଶ୍ୱରରେ ପହଞ୍ଚିବା ପରେ ଅନ୍ତର୍ଯ୍ୟାମୀ ନାୟକ ଓ ଯହଜା ନାୟକଙ୍କ ଘରକୁ ଯାଇଥିଲି। ସେମାନେ ପ୍ରଧାନମନ୍ତ୍ରୀ ଆବାସ ଯୋଜନାରୁ ଉପକୃତ ହୋଇଛନ୍ତି ଏବଂ ଗର୍ବିତ ଘର ମାଲିକ ଅଟନ୍ତି । ନାତି ସୌମ୍ୟଜିତଙ୍କ ସମେତ ସେମାନଙ୍କ ପରିବାରକୁ ଭେଟିଥିଲି। ନାୟକ ପରିବାର ମଧ୍ୟ ସ୍ୱାଦିଷ୍ଟ କ୍ଷୀରି ପରିବେଷଣ କରିଥିଲେ। pic.twitter.com/qlwj3DBHUJ
— Narendra Modi (@narendramodi) September 17, 2024
