ହାଇଦ୍ରାବାଦ: କୃଷକଙ୍କୁ 'ସିଏମ କିଷାନ ଯୋଜନା' ଭେଟି ଦେଇଛନ୍ତି ରାଜ୍ୟ ସରକାର । ନୂଆଖାଇ ଏବଂ ଅକ୍ଷୟ ତୃତୀୟାରେ ଦୁଇଟି କିସ୍ତିରେ ମିଳିବ ସିଏମ କିଷାନ ଟଙ୍କା । ଏହି ଯୋଜନାରେ ଥିବା 45 ଲକ୍ଷ 76 ହଜାର 524 କ୍ଷୁଦ୍ର ଓ ନାମମାତ୍ର ଚାଷୀ ଏବଂ 19 ଲକ୍ଷ 12 ହଜାର 122 ଭୂମିହୀନ ଚାଷୀ ପାଇବେ ଏହି ଟଙ୍କା । ଏହାସହ ଭୂମିହୀନ ଚାଷୀଙ୍କୁ 3ଟି କିସ୍ତିରେ ମିଳିବ 12ହଜାର 500 ଟଙ୍କା । ପ୍ରଥମ କିସ୍ତି ବାବଦକୁ ହିତାଧିକାରୀଙ୍କ ଆକାଉଣ୍ଟକୁ ୨ ହଜାର ଟଙ୍କା ଲେଖାଏଁ ପଠାଯାଇଛି । ଗତ ୮ ସେପ୍ଟେମ୍ବରରେ ନୂଆଖାଇ ଅବସରରେ ଏହି ଯୋଜନାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।
- ଯୋଜନା ଦ୍ବାରା କେଉଁ ସୁବିଧା ମିଳିବ?
ଚାଷୀଙ୍କୁ ୪ହଜାର ଟଙ୍କାର ଅର୍ଥରାଶି ମିଳିବ । ଏହାସହ ଭୂମିହୀନ ଚାଷୀଙ୍କୁ 12ହଜାର 500 ଟଙ୍କାର ସହାୟତା ପ୍ରଦାନ କରାଯିବ । ଏହି ଟଙ୍କା ସିଧାସଳଖ ହିତାଧିକାରୀଙ୍କ ଆକାଉଣ୍ଟକୁ ପଠାଯିବ । ଫଳରେ ଚାଷୀମାନେ ଅତ୍ୟାଧୁନିକ ଯନ୍ତ୍ରପାତି କିଣିବା ସହ ବିହନ, ସାର ଆଦି ସୁବିଧାରେ କିଣିପାରିବେ ।
- କାଳିଆ ଯୋଜନା ବନାମ ସିଏମ କିଷାନ ଯୋଜନା:
ପୂର୍ବତନ ବିଜେଡି ସରକାର ଆଣିଥିବା କାଳିଆ ଯୋଜନାକୁ ନାମ ପରିବର୍ତ୍ତନ କରି ସିଏମ କିଷାନ ଯୋଜନା କରିଛନ୍ତି ରାଜ୍ୟ ସରକାର । ତେବେ ଯୋଗ୍ୟତା ଥାଇ ପିଏମ କିଷାନ ଯୋଜନାରେ ବାଦ ପଡିଥିବା ଚାଷୀଙ୍କୁ ଏହି ଯୋଜନାରେ ସାମିଲ କରାଯିବ ।
- କେମିତି କରିବେ ଆବେଦନ ? ଜାଣନ୍ତୁ
- ଆବେଦନକାରୀଙ୍କ ଯୋଗ୍ୟତା:
୧. ଆବେଦନକାରୀ ଓଡ଼ିଶାର ମୂଳ ବାସିନ୍ଦା ହୋଇଥିବା ଆବଶ୍ୟକ । ୨. ଆବେଦନକାରୀ ଜଣେ କ୍ଷୁଦ୍ର ଚାଷୀ ହୋଇଥିବା ଆବଶ୍ୟକ । |
- ଆବଶ୍ୟକୀୟ ଡକ୍ୟୁମେଣ୍ଟ:
୧. ଆଧାରକାର୍ଡ ୨. ରାସନ କାର୍ଡ ୩. ମୋବାଇଲ ନମ୍ବର ୪. ଇଲେକ୍ଟ୍ରି ବିଲ୍ ୫. ପରିଚୟ ପତ୍ର ୬. ପାନ୍ କାର୍ଡ |
ଆଜି ପବିତ୍ର ନୂଆଁଖାଇ ଅବସରରେ ମୁଖ୍ଯମନ୍ତ୍ରୀ ଶ୍ରୀ ମୋହନ ଚରଣ ମାଝୀ ସିଏମ୍ କିଷାନ୍ ଯୋଜନାରେ ଚାଷୀମାନଙ୍କୁ ଆର୍ଥିକ ସହାୟତା ପ୍ରଦାନ କାର୍ଯ୍ୟର ଶୁଭାରମ୍ଭ କରିଛନ୍ତି। ରାଜ୍ୟର ପ୍ରାୟ ୪୬ ଲକ୍ଷ ଚାଷୀଙ୍କ ବ୍ୟାଙ୍କ୍ ଆକାଉଣ୍ଟ୍କୁ ସିଧାସଳଖ ଭାବରେ ସହାୟତା ପ୍ରଦାନ କରାଯାଇଛି। ସମ୍ବଲପୁରରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କେନ୍ଦ୍ର… pic.twitter.com/LVIh2w21ZQ
— CMO Odisha (@CMO_Odisha) September 8, 2024
- ଅନଲାଇନରେ କିପରି କରିବେ ଆବେଦନ:
୧.ଯେଉଁ ଆବେଦନକାରୀ ଏହି ଯୋଜନା ପାଇଁ ପୂର୍ବରୁ ଆବେଦନ କରିସାରିଥିବେ, ସେମାନେଙ୍କୁ ସିଏମ କିସାନ ଅଫିସିଆଲ ୱେବସାଇଟ(https://cmkportal.odisha.gov.in/)କୁ ଯିବାକୁ ହେବ । ୨. ଏହାପରେ ସ୍କ୍ରିନ ଉପରେ ଆସିଥିବା ୱେବସାଇଟରେ ବେନିଫିସିଆରୀ ଲିଷ୍ଟରେ କ୍ଲିକ୍ କରନ୍ତୁ । ୩. ଏହାପରେ ଏକ ନୂଆ ପେଜ୍ ଆସିବ । ଯେଉଁଥିରେ ଦିଆଯାଇଥିବା ବକ୍ସରେ ଆବେଦନକାରୀଙ୍କୁ ନିଜର ଗ୍ରାମ ପଞ୍ଚାୟତ, ବ୍ଲକ ଏବଂ ଜିଲ୍ଲା ଆଦି ପୂରଣ କରିବାକୁ ପଡ଼ିବ । ୪. ଏସବୁ ତଥ୍ୟ ଦେବା ପରେ ସବମିଟ୍ (Submit) ବଟନରେ କ୍ଲିକ କରନ୍ତୁ । ୫. ଏହା ଗ୍ରହଣ କରାଯାଇଛି ନା ନାକଚ ହୋଇଛି, ସେନେଇ ଚେକ୍ ଷ୍ଟାଟସ(Check Status)ରେ କ୍ଲିକ କରି ଆବେଦନକାରୀ ଚେକ୍ କରିପାରିବେ । |
ଏହା ବି ପଢନ୍ତୁ...CM KISAN MONEY; ଚାଷୀଙ୍କ ପାଇଁ ମୋହନ ସରକାରଙ୍କ ବଡ ଘୋଷଣା, ବର୍ଷକୁ 2 ଥର ସିଏମ କିଷାନ ଟଙ୍କା, ଜାଣନ୍ତୁ କେବେ ମିଳିବ କେତେ ଟଙ୍କା ? e-kyc ନହେଲେ କଟିବନି ରାସନ କାର୍ଡ ! - CM KISAN Yojana ଏହା ବି ପଢନ୍ତୁ...ରାଜ୍ୟରେ ବନ୍ଦ ହେଲା ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା, ବଦଳିଲା ‘କାଳିଆ’ - Odisha Budget 2024 |
