ଭୁବନେଶ୍ବର: କେନ୍ଦୁଝର ବିଧାୟକ ତଥା ବିଜେପି ନେତା ମୋହନ ଚରଣ ଆଦର୍ଶ ଆଚରଣ ବିଧି ଉଲ୍ଲଙ୍ଘନ କରିଥିବା ଅଭିଯୋଗ । ମୋହନ ଶିକ୍ଷାନୁଷ୍ଠାନରେ ରାଜନୈତିକ କାର୍ଯ୍ୟକ୍ରମ କରିଥିବା ଅଭିଯୋଗ ଆଣିଛି ବିଜେଡି । ଏନେଇ ଆଜି(ସୋମବାର) ଦିନ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ଦ୍ୱାରସ୍ଥ ହୋଇଛି ବିଜୁ ଜନତା ଦଳ । କେନ୍ଦୁଝର ମୋହନ ଚରଣ ବିଧାୟକ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦଳ ଦାବି କରିଛି ।
ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିବା ପରେ ପ୍ରତିକ୍ରିୟା ରଖିଛନ୍ତି ବିଜେଡ଼ି ମୁଖପାତ୍ର ମହିକ୍ଷୀତା ମିଶ୍ର । ମହିକ୍ଷୀତା କହିଛନ୍ତି ଯେ, ନିର୍ବାଚନ ଆଚରଣ ବିଧି ଉଲ୍ଲଙ୍ଘନ କରିବା ବିଜେପି ପ୍ରାର୍ଥୀଙ୍କର ଅଭ୍ୟାସ ହୋଇଗଲାଣି । ଆମେ ପୂର୍ବରୁ ନିର୍ବାଚନ ଅଧିକାରୀଙ୍କୁ ଭେଟି ଅଭିଯୋଗ କରିଛି । ନିର୍ବାଚନ ପ୍ରକ୍ରିୟା ଓ ପ୍ରଚାରରେ ଶିଶୁଙ୍କୁ ସାମିଲ, ସରକାରୀ ଅନୁଷ୍ଠାନରେ ନିର୍ବାଚନ ସଭା କରିବା ନେଇ ଅଭିଯୋଗ କରିଛୁ । ସରକାରୀ କର୍ମଚାରୀଙ୍କୁ ଧମକ ଚମକ ନେଇ ଅଭିଯୋଗ ମଧ୍ୟ କରିଛୁ । ନିର୍ବାଚନ ଆଚରଣ ବିଧି ଉଲ୍ଲଙ୍ଘନ କରିବାରେ ବିଜେପିର କେନ୍ଦୁଝର ବିଧାୟକ ପ୍ରାର୍ଥୀ ମୋହନ ଚରଣ ମାଝୀ ମଧ୍ୟ ସାମିଲ ହୋଇଛନ୍ତି ।
ସେ କହିଛନ୍ତି ଯେ, ଗତ 20 ତାରିଖରେ କେନ୍ଦୁଝର ଜିଲ୍ଲାର ସଦର ବ୍ଲକର ପଦ୍ମପୁର ଗ୍ରାମପଞ୍ଚାୟତରେ ସରସ୍ୱତୀ ଶିଶୁ ମନ୍ଦିରରେ ରାଜନୈତିକ କାର୍ଯ୍ୟକ୍ରମ କରିଥିଲେ । ଶିକ୍ଷାନୁଷ୍ଠାନରେ ରାଜନୈତିକ କାର୍ଯ୍ୟକ୍ରମ ଆଚରଣ ବିଧିର ଉଲ୍ଲଙ୍ଘନ । ଶିକ୍ଷାନୁଷ୍ଠାନରେ ରାଜନୈତିକ କାର୍ଯ୍ୟକ୍ରମ କରିବା ନିନ୍ଦନୀୟ ଘଟଣା । ଆମେ ଏନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ଦ୍ୱାରସ୍ଥ ହୋଇଛୁ । ବିଜେପିର ପ୍ରତିନିଧି ମାନେ ବାରମ୍ବାର ଆଦର୍ଶ ଆଚରଣ ବିଧିର ଉଲ୍ଲଙ୍ଘନ କରୁଛନ୍ତି । ତାହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ । ଏହି ପ୍ରତିନିଧି ଦଳରେ ରାଜ୍ୟସଭା ସାଂସଦ ସସ୍ମିତ ପାତ୍ର, ସୁଲତା ଦେଓ, ସ୍ବୟଂ ପ୍ରକାଶ ମହାପାତ୍ରା, ଓମ ପ୍ରକାଶ ସାହୁ, ମଧୁସ୍ମିତା ନାୟକ, ପ୍ରିୟବ୍ରତ ମାଝୀ, ଇପ୍ସିତା ସାହୁ ପ୍ରମୁଖ ଉପସ୍ଥିତ ଥିଲେ ।
