ବଲାଙ୍ଗୀର: ସର୍ଚ୍ଚ ଅପରେସନ ବେଳେ ବଲାଙ୍ଗୀର ପୋଲିସକୁ ବଡ଼ ସଫଳତା । କମ୍ବିଂ ଅପରେସନ ବେଳେ ମାଓ ଶିବିର ଠାବ । ବିପୁଳ ମାଓ ସାମଗ୍ରୀ ଜବତ । ପୋଲିସର ଅପରେସନରେ ଛତ୍ରଭଙ୍ଗ ଦେଇଛନ୍ତି ମାଓବାଦୀ ।
ଛତ୍ରାଦଣ୍ଡିରେ ସଂରକ୍ଷିତ ଜଙ୍ଗଲରେ ମାଓ ଶିବିର ଠାବ:
ବଲାଙ୍ଗୀର ତୁରେକେଲା ଥାନା ଅନ୍ତର୍ଗତ ଛତ୍ରାଦଣ୍ଡି ସଂରକ୍ଷିତ ଜଙ୍ଗଲରେ ମାଓ ଗତିବିଧିର ଖବର ପାଇଥିଲା ପୋଲିସ । ଯେଉଁଥିରେ ବଲାଙ୍ଗୀର ଏସପିଙ୍କ ନେତୃତ୍ୱରେ ଡିଭିଏଫ୍ ବାହିନୀ ଏହି ଜଙ୍ଗଲରେ କମ୍ବିଂ ଅପରେସନ କରିଥିଲେ । ତେବେ ଏହି ଅପରେସନରେ ମାଓବାଦୀ ଛତ୍ରଭଙ୍ଗ ଦେଇଥିବା ବେଳେ ଏକ ମାଓ ଶିବିର ଠାବ ହୋଇଥିଲା । ଯେଉଁଥିରେ ମାଓ ବ୍ୟବହୃତ ବିପୁଳ ସାମଗ୍ରୀ ଓ ବନ୍ଧୁକ ଗୁଳି ଭଳି ଅନେକ ସାମଗ୍ରୀ ପୋଲିସ୍ ଜବତ କରିଛି । ତେବେ ଏଥିରେ ଗୋଟିଏ ରାଇଫଲ ସହ ବୋମା ତିଆରି ସାମଗ୍ରୀ ମଧ୍ୟ ପୋଲିସ୍ ଜବତ କରିଛି ।
ଗୁଇନ୍ଦା ସୂଚନା ପରେ କମ୍ବିଂ ଅପରେସନ:
ଏହାକୁ ନେଇ ଆଜି ସମ୍ୱଲପୁର ଡିଆଇଜି ହିମାଂଶୁ ଲାଲ ଓ ବଲାଙ୍ଗୀର ଏସପି ଋଷିକେଶ ଖିଲାରି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଏସପି ଋଷିକେଶ ଖିଲାରୀ କହିଛନ୍ତି, ‘ଏହି ଅଞ୍ଚଳରେ ମାଓଗତି ବିଧି ଥିବାର ପୋଲିସ୍ ପାଖକୁ ନିୟମିତ ଖବର ଆସୁଥିଲା । ପୋଲିସର ଗୁଇନ୍ଦା ବିଭାଗ ଏହାର ଟିକିନିଖି ତର୍ଜମା କରି ଆସୁଥିଲା । ତେବେ ଏହି ଅଞ୍ଚଳରେ ମାଓ ଥିବାର ସ୍ପଷ୍ଟ ଖବର ଆସିବା ପରେ ତୁରେକେଲା ଥାନା ଅଧିକାରୀଙ୍କ ନେତୃତ୍ବରେ ଡିଭିଏଫ ଫୋର୍ସ ତୁରେକେଲା ଛଦ୍ରାଦଣ୍ଡି ଜଙ୍ଗଲରେ କମ୍ବିଂ କରିଥିଲା । ସେଠି ଏକ ମାଓ ଶିବିର ପୋଲିସ୍ ଠାବ କରିଥିଲା । ପୋଲିସର କମ୍ୱିଂ ଯୋଗୁଁ ମାଓବାଦୀ ଖସି ପଳାଇବାରେ ସଫଳ ହୋଇଥିଲେ ।’
- ବଲାଙ୍ଗୀର ଛତ୍ରାଦଣ୍ଡି ସଂରକ୍ଷିତ ଜଙ୍ଗଲରେ ମାଓ ଶିବିର ଠାବ
- ବଲାଙ୍ଗୀର ପୋଲିସକୁ ବଡ଼ ସଫଳତା
- ବିପୁଳ ମାଓ ସାମଗ୍ରୀ ଜବତ
- ପୋଲିସକୁ ଦେଖି ଛତ୍ରଭଙ୍ଗ ଦେଲେ ମାଓବାଦୀ
- ଜୀବନ୍ତ ଗୁଳି, ରାଇଫଲ, ବୋମା ତିଆରି ସାମଗ୍ରୀ ଜବତ
ଛତ୍ରଭଙ୍ଗ ଦେଲେ ମାଓବାଦୀ, ବିପୁଳ ସାମଗ୍ରୀ ଜବତ:
ସେପଟେ ମାଓ ଶିବିରରୁ ବ୍ୟାପକ ମାଓ ସାମଗ୍ରୀ ପୋଲିସ୍ ଜବତ କରିଛି । ଯେଉଁଥିରେ କିଛି ଜୀବନ୍ତ ଗୁଳି ସହ ଏକ ରାଇଫଲ ଓ ବୋମା ତିଆରି ସାମଗ୍ରୀ ମଧ୍ୟ ପୋଲିସ୍ ଜବତ କରିଛି । ତେବେ ଆଗକୁ ମଧ୍ୟ ମାଓବାଦୀ କମ୍ବିଂ ଅପରେସନ ଜାରି ରହିବ ବୋଲି ଏସପି କହିଛନ୍ତି । ତେବେ ଏହି ଅଞ୍ଚଳରେ ବରଗଡ଼ ବଲାଙ୍ଗୀର ମହସମୁନ୍ଦ ମାଓ ଡିଭିଜନ ସକ୍ରିୟ ଅଛନ୍ତି । ଦୀର୍ଘ ଦିନର ବ୍ୟବଧାନ ପରେ ପୋଲିସ୍ ଏହି ସଫଳତା ପାଇଛି ।
ଏହା ମଧ୍ୟ ପଢନ୍ତୁ: 5 ନକଲି ମାଓବାଦୀଙ୍କୁ ଗିରଫ କଲା ମାଲକାନଗିରି ପୋଲିସ ମହିଳା ମାଓବାଦୀ ଗିରଫ, ଏସବୁ ମାଓ ହିଂସାରେ ଥିଲେ ସାମିଲ କନ୍ଧମାଳରେ ପୋଲିସ-ମାଓବାଦୀ ଗୁଳିବିନିମୟ, ଜଣେ ମାଓବାଦୀ ମୃତଦେହ ଠାବ, ଶୁଭେଚ୍ଛା ଜଣାଇଲେ ଡିଜି |
ଇଟିଭି ଭାରତ, ବଲାଙ୍ଗୀର
