ହାଇଦ୍ରାବାଦ: ଆସିଲା ଓଡ଼ିଶା ବିଧାନସଭା ନିର୍ବାଚନର ଏକଜିଟ୍ ପୋଲ । ଇଣ୍ଡିଆ ଟୁଡେ-ଆକ୍କିସ ସର୍ଭେ ମୁତାବକ ବିଜେଡି ମୁକାବିଲା ମଧ୍ୟରେ କଡ଼ା ମୁକାବିଲା ହେବ । ବିଜେଡିକୁ ୬୨ରୁ ୮୦ ଆସନ ମିଳିପାରେ । ସେହିପରି ବିଜେପିକୁ ମଧ୍ୟ ସମାନ ସଂଖ୍ୟକ ଆସନ ମିଳିବ । ଅର୍ଥାତ୍ ବିଜେପି ୬୨-୮୦ ସିଟ୍ ଜିତିପାରେ । ଅନ୍ୟପଟେ କଂଗ୍ରେସ ୫-୮ ଆସନ ହାତେଇପାରେ ।
ଗତକାଲି (ଶନିବାର) ନିର୍ବାଚନ ଶେଷ ହୋଇଛି । ବିଭିନ୍ନ ସଂସ୍ଥା ପକ୍ଷରୁ କରାଯାଇଥିବା ସର୍ଭେ ଅନୁଯାୟୀ ତଥ୍ୟ ସାମନାକୁ ଆସିଛି । ଇଣ୍ଡିଆ ଟିଭିର ଆକଳନ ଅନୁସାରେ, ଓଡିଶାରେ ବିଜେପିକୁ 15ରୁ 17 ଲୋକସଭା ଆସନ ମିଳିପାରେ । ସେହିପରି ବିଜେଡିକୁ 4ରୁ 6 ଆସନ ଓ କଂଗ୍ରେସକୁ 0-1 ଆସନ ମିଳିପାରେ । ଜନ କୀ ବାତର ଆକଳନ ଅନୁସାରେ ବିଜେପି 15 ରୁ 18 ଲୋକସଭା ଆସନ ଜିତିପାରେ । ସେହିପରି ବିଜେଡି ହାତେଇପାରେ 3 ରୁ 7ଆସନ । ହେଲେ କଂଗ୍ରେସ ଶୂନ ଅର୍ଥାତ୍ ଖାତା ଖୋଲିନପାରେ ।
ସେହିପରି ଚାଣକ୍ୟର ଆକଳନ ରହିଛି ଯେ, ବିଜେପି ୧୬ ଲୋକସଭା କ୍ଷେତ୍ର ହାତେଇପାରେ । ବିଜେଡିକୁ ୪ ଆସନ ମିଳିପାରେ । ସେହିପରି କଂଗ୍ରେସ ପାଇପାରେ ୧ ଆସନ । ଅନ୍ୟପଟେ ବିଜେପିକୁ ୧୫ ଆସନ ବିଜେଡି ୩-୮ ଆସନ ହାତେଇପାରେ । କଂଗ୍ରେସ ଖାତା ଖୋଲିନପାରେ ବୋଲି ଆକଳନ କରିଛି NDTV । ମାଟ୍ରିଜ ଆକଳନ କରିଛି ଯେ, ବିଜେପି ଖାତାକୁ ଯାଇପାରେ ୯-୧୨ ଆସନ । ବିଜେଡି ୭-୧୦ ଲୋକସଭା ସିଟ୍ ଜିତିପାରେ ଓ କଂଗ୍ରେସ ୦-୧ ପାଇପାରେ ।
