ଭୁବନେଶ୍ବର: ଅସହ୍ୟ ତାତି ସହ ପ୍ରଚଣ୍ଡ ଗ୍ରୀଷ୍ମ ପ୍ରବାହରେ ସିଜୁଛି ସମ୍ପୂର୍ଣ୍ଣ ଓଡ଼ିଶା । ଆଜି ରାଜ୍ୟର ବିଭିନ୍ନ ସ୍ଥାନରେ 46 ଡିଗ୍ରୀ ଟପିଛି ତାପମାତ୍ରା । 46.5 ଡିଗ୍ରୀ ସେଲ୍ସିୟସ ସହ ଟିଟିଲାଗଡ଼ ରାଜ୍ୟର ସବୁଠୁ ଉତ୍ତପ୍ତ ସହର ପାଲଟିଛି । ସେହିପରି 4ଟି ସହରର ତାପମାତ୍ରା 46 ଡିଗ୍ରୀରୁ ଅଧିକ ରେକର୍ଡ କରାଯାଇଛି ।
ଆଜି ରାଜ୍ୟରେ ଅସହ୍ୟ ଗୁଳୁଗୁଳି ସହ ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ ୪ ସହରରେ ୪୬ ଡିଗ୍ରୀ ତାପମାତ୍ରା ଛୁଇଁଛି । ସେହିପରି ୪ ସହରରେ ୪୫ ଡିଗ୍ରୀ ଉପରେ ତାପମାତ୍ରା ରହିଛି । ଏହାସହ ୧୬ ସହରରେ ୪୦ ଡିଗ୍ରୀରୁ ଊର୍ଦ୍ଧ୍ବ ତାପମାତ୍ରା ରେକର୍ଡ ହୋଇଛି । ୪୬.୫ ଡିଗ୍ରୀ ତାପମାତ୍ରା ସହ ରାଜ୍ୟର ସବୁଠୁ ଉତ୍ତପ୍ତ ସହର ପାଲଟିଛି ଟିଟିଲାଗଡ । ଏହା ପଛକୁ ବଲାଙ୍ଗୀରରେ 46.4 ଡିଗ୍ରୀ, ସୋନପୁରରେ 46.2 ଡିଗ୍ରୀ ଓ ବରଗଡ଼ରେ 46 ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ସେହିପରି ସମ୍ବଲପୁର, ଝାରସୁଗୁଡ଼ା, ଭବାନୀପାଟଣା ଓ ନୂଆପଡ଼ାରେ 45 ଡିଗ୍ରୀ ଉପରେ ତାପମାତ୍ରା ରେକର୍ଡ କରାଯାଇଛି ।
ଆଜି ବିଭିନ୍ନ ସହରରେ ରେକର୍ଡ କରାଯାଇଥିବା ତାପମାତ୍ରା:
ଟିଟିଲାଗଡ଼: 46.5 ଡିଗ୍ରୀ
ବଲାଙ୍ଗୀର : 46.4 ଡିଗ୍ରୀ
ସୋନପୁର: 46.2 ଡିଗ୍ରୀ
ବରଗଡ଼: 46 ଡିଗ୍ରୀ
ସମ୍ବଲପୁର: 45.2 ଡିଗ୍ରୀ
ଝାରସୁଗୁଡ଼ା: 45 ଡିଗ୍ରୀ
ଭବାନୀପାଟଣା: 45 ଡିଗ୍ରୀ
ନୂଆପଡ଼ା: 45 ଡିଗ୍ରୀ
ହୀରାକୁଦ: 44.7 ଡିଗ୍ରୀ
ବୌଦ୍ଧ: 44 ଡିଗ୍ରୀ
ମାଲକାନଗିରି: 43.7 ଡିଗ୍ରୀ
ଫୁଲବାଣୀ: 43 ଡିଗ୍ରୀ
ସୁନ୍ଦରଗଡ଼: 42 ଡିଗ୍ରୀ
ପାରଳାଖେମୁଣ୍ଡି: 40.5 ଡିଗ୍ରୀ
ନବରଙ୍ଗପୁର: 40.5 ଡିଗ୍ରୀ
ରାୟଗଡ଼ା: 40 ଡିଗ୍ରୀ
ଭୁବନେଶ୍ବର: 34 ଡିଗ୍ରୀ
କଟକ: 35 ଡିଗ୍ରୀ
ପୁରୀ: 34.1 ଡିଗ୍ରୀ
ଅନୁଗୋଳ: 38.7 ଡିଗ୍ରୀ
ବାଲେଶ୍ବର: 31.6 ଡିଗ୍ରୀ
ଏହା ମଧ୍ୟ ପଢ଼ନ୍ତୁ...ଆହୁରି ୩ ଦିନ କଲବଲ କରିବ ଗ୍ରୀଷ୍ମ ପ୍ରବାହ, ଅରେଞ୍ଜ ଆଲର୍ଟ ଜାରି - Odisha Weather
ପାଣିପାଗ ବିଭାଗର ସୂଚନା ଅନୁଯାୟୀ, ରାଜ୍ୟରେ ଆହୁରି 3 ଦିନ ଗ୍ରୀଷ୍ମ ପ୍ରବାହ ଜାରି ରହିବା । କିଛି କିଛି ଜିଲ୍ଲାରେ ପ୍ରବଳରୁ ଅତି ପ୍ରବଳ ତାତି ରହିବ । ଆସନ୍ତାକାଲି ଅର୍ଥାତ ଜୁନ୍ 1 ତାରିଖରେ ହିଟୱାଭ ସହ ୱାର୍ମ ନାଇଟ ରହିବା ସମ୍ଭାବନା ରହିଛି । ଯାହାକୁ ନେଇ ବିଭିନ୍ନ ଜିଲ୍ଲାକୁ ଅରେଞ୍ଜ ଆର୍ଲଟ ଜାରି କରାଯାଇଛି । ଜିଲ୍ଲା ଗୁଡ଼ିକ ହେଲା ନୂଆପଡ଼ା, ସୋନପୁର, ବଲାଙ୍ଗୀର, ବୌଦ୍ଧ, ଝାରସୁଗୁଡା, ସମ୍ବଲପୁର, କଳାହାଣ୍ଡି ଓ କନ୍ଧମାଳ । ଆସନ୍ତା 2 ତାରିଖରେ ନୂଆପଡା, ବଲାଙ୍ଗୀର, ବୌଦ୍ଧ ଓ ସୋନପୁରକୁ ମଧ୍ୟ ଆର୍ଲଟ ଜାରି କରାଯାଇଛି । ଏହାସହ ଆଗାମୀ 5 ଦିନ ପର୍ଯ୍ୟନ୍ତ ମୁଖ୍ୟତଃ ଓଡ଼ିଶାର ଉପକୂଳ ଜିଲ୍ଲା ଗୁଡ଼ିକରେ ଗରମ ସହ ଗୁଳୁଗୁଳି ଅନୁଭୂତ ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ଓଡ଼ିଶାରେ ୮୦ ପ୍ରତିଶତରୁ ଅଧିକ ଆର୍ଦ୍ରତା ରହୁଥିବାରୁ ଅସହ୍ୟ ଗୁଳୁଗୁଳି ଲାଗିରହିଛି ।
ଇଟିଭି ଭାରତ, ଭୁବନେଶ୍ବର
