ହାଇଦ୍ରାବାଦ: ଆସନ୍ତା ୨୩ ତାରିଖ ବେଳକୁ ବଙ୍ଗୋପସାଗରରେ ବାତ୍ୟା ସମ୍ଭାବନା । ଆଗାମୀ 24ଘଣ୍ଟାରେ ଲଘୁଚାପ, 22 ତାରିଖ ସକାଳ ସୁଦ୍ଧା ଅବପାତ, 23 ସକାଳ ସୁଦ୍ଧା ପୂର୍ବକେନ୍ଦ୍ରୀୟ ବଙ୍ଗୋପସାଗରରେ ବାତ୍ୟା, 24 ତାରିଖ ସକାଳ ବେଳକୁ ଉତ୍ତରପଶ୍ଚିମ ବଙ୍ଗୋପସାଗର ନିକଟସ୍ଥ ସମୁଦ୍ର ମଧ୍ୟରେ ଓଡିଶା-ପଶ୍ଚିମବଙ୍ଗ ନିକଟରେ ପହଞ୍ଚିବା ସମ୍ଭାବନା ରହିଛି ।
ଗତକାଲି କେନ୍ଦ୍ରୀୟ ଆଣ୍ଡାମାନ ସାଗରରେ ସୃଷ୍ଟ ଘୂର୍ଣ୍ଣିବଳୟ ସହ ଜଡିତ ବାଦଲ ସମୂହ ଏକତ୍ରିକରଣ ହୋଇଥିବା ବେଳେ ଘୂର୍ଣ୍ଣୟମାନ ପବନର ବେଗ ମଧ୍ୟ ବୃଦ୍ଧି ପାଇଥିଲା । ଅର୍ଥାତ ଗତକାଲି ତୁଳନାରେ ଘୂର୍ଣ୍ଣିବଳୟଟି ଅଧିକ ଘନୀଭୂତ ହୋଇଥିଲା l ପ୍ରଭାବରେ ଆସନ୍ତାକାଲି (ସୋମବାର) ୨୧ ତାରିଖରେ ଏକ ଲଘୁଚାପ ସୃଷ୍ଟି ସମ୍ଭାବନା ରହିଛି ।
Fishermen Warning @CMO_Odisha @SecyChief @osdmaodisha @IPR_Odisha pic.twitter.com/CdyzVmrlME
— SRC, Govt of Odisha (@SRC_Odisha) October 20, 2024
ସାମ୍ଭାବ୍ୟ ବାତ୍ୟାର ନାମ ‘ଦାନା’-
ସମ୍ଭାବ୍ୟ ବାତ୍ୟାର ନାମ ‘ଦାନା’ । ନାମକରଣ ରଖିଲା ଆରବ ଦେଶ କାତାର । ଆରବରେ ‘ଦାନା’ର ଅର୍ଥ ସୁନ୍ଦର ଏବଂ ମୂଲ୍ୟବାନ ପଥର । ଏହାପୂର୍ବରୁ ଓଡିଶାରେ ବ୍ୟାପକ କ୍ଷୟକ୍ଷତି ଘଟାଇଥଇଲା ବାତ୍ୟା ୟସ । ୟସ ପରବର୍ତ୍ତୀ ବାତ୍ୟାର ନାଁ ରହିଥିଲା 'ଗୁଲାବ' ।
पूर्व-मध्य बंगाल की खाड़ी पर अगले 24 घंटे के दौरान एक निम्न दबाव का क्षेत्र बनने की संभावना है#IMDWeatherUpdate #imd #bayofbengal #weather #weatherforecast #weatherupdate @moesgoi @ndmaindia @airnewsalerts @DDNewslive@DrJitendraSingh @osdmaodisha @wbdmcd @APSDMA pic.twitter.com/q5thmVipXC
— India Meteorological Department (@Indiametdept) October 20, 2024
ବିଶ୍ବ ପାଣିପାଗ ବିଭାଗ (WMO) ନାମଗୁଡିକର ତାଲିକା ପରିଚାଳନା କରେ ଯାହା ପ୍ରତ୍ୟେକ ବାତ୍ୟା ପାଇଁ ଉପଯୁକ୍ତ । ବଙ୍ଗୋପସାଗର, ଆରବ ସାଗର ଓ ଭାରତ ମହାସାଗରରେ ସୃଷ୍ଟ ବାତ୍ୟାର ନାଁ WMO ଓ ESCAP ପ୍ୟାନେଲ ନିର୍ଣ୍ଣୟ ନେଇଥାଏ । ଆରବ ସାଗର, ଭାରତ ମହାସାଗର ଏବଂ ବଙ୍ଗୋପସାଗରରେ ବାତ୍ୟାର ନାମକରଣ ପ୍ରକ୍ରିୟା ଭିନ୍ନ ଭିନ୍ନ ରହିଥାଏ । ଯେତେବେଳେ ବାତ୍ୟା ପ୍ରଭାବରେ ପବନର ବେଗ ଘଣ୍ଟା ପ୍ରତି 40 ମାଇଲରୁ ଅଧିକ ହୋଇଥାଏ, ସେତେବେଳେ ହିଁ ଏହି ତାଲିକାରୁ ବାତ୍ୟାର ନାମକରଣ କରାଯାଏ ।
Wind warning associated with the anticipated system pic.twitter.com/xWwSjvnFDq
— usd (@usd0705) October 20, 2024
ଏହା ବି ପଢନ୍ତୁ- କେନ୍ଦ୍ରୀୟ ଆଣ୍ଡାମାନ ସାଗରରେ ଘୂର୍ଣ୍ଣିବଳୟ; ୨୧ରେ ଲଘୁଚାପ, ୨୩ରୁ ୩ ଦିନ ପ୍ରବଳ ବର୍ଷା
ଏହା ବି ପଢନ୍ତୁ- ବଡ଼ ଅପଡେଟ ଦେଲା IMD: ୨୩ରେ ବାତ୍ୟା, ୨୪ରେ ଲ୍ୟାଣ୍ଡଫଲ୍ ! କେଉଁଠି ଛୁଇଁବ ଉପକୂଳ ?
"କେନ୍ଦ୍ରୀୟ ଆଣ୍ଡାମାନ ସାଗର ଉପରେ ଗତକାଲିର ଉପର ବାୟୁ ସାଇକ୍ଲୋନିକ୍ ପ୍ରବାହ ଉତ୍ତର ଆଣ୍ଡାମାନ ସାଗର ଉପରେ ରହିଥିଲା । ଏହାର ପ୍ରଭାବରେ ଆସନ୍ତା 24 ଘଣ୍ଟା ମଧ୍ୟରେ ବଙ୍ଗୋପସାଗରର ଇଷ୍ଟ-ସେଣ୍ଟ୍ରାଲ୍ ଉପକୂଳ ଏବଂ ଉତ୍ତର ଆଣ୍ଡାମାନ ସାଗର ସହିତ ନିମ୍ନ ଚାପ କ୍ଷେତ୍ର (ଲଘୁଚାପ) ସୃଷ୍ଟି ହେବାର ସମ୍ଭାବନା ଅଧିକ । ଏହା ପଶ୍ଚିମ-ଉତ୍ତର-ପଶ୍ଚିମ ଦିଗକୁ ଗତି କରିବା ଏବଂ 22 ଅକ୍ଟୋବର ସକାଳ ସୁଦ୍ଧା ଡିପ୍ରେସନ (ଅବପାତ) ହୋଇ ଏବଂ 23 ଅକ୍ଟୋବର, 2024 ସୁଦ୍ଧା ବଙ୍ଗଳାର ଇଷ୍ଟସେଣ୍ଟ୍ରାଲ୍ ଉପସାଗରରେ ଏକ ସାମୁଦ୍ରିକ ଘୂର୍ଣ୍ଣିବଳୟରେ ପରିଣତ ହେବାର ସମ୍ଭାବନା ଅଧିକ । ଏହା ପରେ, 24 ଅକ୍ଟୋବର ସକାଳ ସୁଦ୍ଧା ଉତ୍ତର-ପଶ୍ଚିମ ଦିଗକୁ ଯାଇ ଓଡ଼ିଶା-ପଶ୍ଚିମବଙ୍ଗ ଉପକୂଳରୁ ଉତ୍ତର-ପଶ୍ଚିମ ବଙ୍ଗୋପସାଗରରେ ପହଞ୍ଚିବା ସମ୍ଭାବନା ଅଧିକ," ବୋଲି ଭାରତୀୟ ପାଣିପାଗ ବିଭାଗ ପକ୍ଷରୁ ଜାରି ବିବୃତ୍ତିରେ ଦର୍ଶା ଯାଇଛି ।
Yesterday’s upper air cyclonic circulation over central Andaman Sea lay over North Andaman Sea in the early morning (0530 hours IST) and persisted over the same region in the forenoon (0830 hrs IST) of today, the 20th October 2024. Under its influence, a Low Pressure Area is very…
— India Meteorological Department (@Indiametdept) October 20, 2024
କାହିଁକି ଅକ୍ଟୋବରରେ ବାତ୍ୟା ?
ସାଧାରଣତଃ ଅକ୍ଟୋବରରୁ ଡିସେମ୍ବର ମଧ୍ୟରେ ଉତ୍ତର ଭାରତ ମହାସାଗର ଅଞ୍ଚଳରେ ଏକାଧିକ ବାତ୍ୟା ଆସିଥାଏ । ଏହି ସମୟକୁ ବାତ୍ୟା ସମୟ କୁହାଯାଏ । ଏହି ସମୟରେ ମହାବାତ୍ୟାଠୁ ଆରମ୍ଭ କରି ଭୀଷଣ ବାତ୍ୟା ଆସିଥିଲା । ୧୯୯୯ରେ ମହାବାତ୍ୟା, ୨୦୧୩ରେ ଫାଇଲିନ୍ ଓଡିଶାକୁ ଅକ୍ଟୋବରରେ ମାଡ ହୋଇଥିଲା । ଯାହା ରାଜ୍ୟର ଚିତ୍ର ବଦଳାଇବା ସହିତ ଲୋକଙ୍କ ଜୀବନରେ ସର୍ବାଧିକ ପ୍ରଭାବ ପକାଇଥିଲା ।
