ରାଉରକେଲା: ରାଗ ଚିହ୍ନିଲା ନାହିଁ ରକ୍ତ ସମ୍ପର୍କ । ବାପାର ଟାଙ୍ଗିଆ ଚୋଟରେ ପୁଅ ମୃତ । ବେକକୁ ଚୋଟ ମାରି ବିଭତ୍ସ ହତ୍ୟା କଲା ନିଜ ବାପା । ଏଭଳି ଏକ ଅଭାବନୀୟ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲାରେ । ନିଜ ରକ୍ତ ସାଜିଲା ନିଜ ରକ୍ତର ହତ୍ୟାକାରୀ । ରାଗରେ ଉତ୍ୟକ୍ତ ହୋଇ ନିଜ ଜନ୍ମ କଲା ପୁଅକୁ ହାଣିଲା ବାପା । ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ଅଭିଯୁକ୍ତକୁ ଗିରଫ କରାଯାଇଛି ।
ଏଭଳି ବିଭତ୍ସ ହତ୍ୟାକାଣ୍ଡ ଘଟିଛି ସୁନ୍ଦରଗଡ଼ ଜିଲ୍ଲା ଲହୁଣୀ ପଡ଼ା ଥାନାର ବୁଢାଭୂଇଁ ଗାଁରେ । ମୃତକ ଜଣକ ହେଲେ ପାତରସ ଓରାମ । ପୁତ୍ର ହତ୍ୟାକାରୀ ପିତାକୁ ବର୍ତ୍ତମାନ ପୋଲିସ ଗିରଫ କରିଛି । ବହୁ ଦିନ ହେବ ପୁଅ ପାତରସ ଓରାମ ଓ ବାପା ଫ୍ରାନସିସ ଓରାମଙ୍କ ମଧ୍ୟରେ ପାରିବାରିକ କଳହ ଲାଗି ରହିଥିଲା । ଯାହାଫଳରେ ଉଭୟଙ୍କ ମଧ୍ୟରେ ତିକ୍ତତା ବଢ଼ିବାରେ ଲାଗିଥିଲା । ଦୁହିଁଙ୍କ ମଧ୍ୟରେ କୌଣସି କାରଣରୁ ଝଗଡ଼ା ହୋଇଥିଲା । ଝଗଡା ଏଭଳି ହୋଇଥିଲା ଯେ ଦୁହେଁ ଉତ୍ୟକ୍ତ ହୋଇ ଉଠିଥିଲେ । ବାପ-ପୁଅଙ୍କ ଭିତରେ କଥା କଟାକଟି ସହ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା ।
ଝଗଡ଼ାର କିଛି ସମୟ ପରେ ବାପ ପୁଅ ଘରକୁ ଆସିଥିଲେ । ହେଲେ ବାପା ରାଗ କମିନଥିଲା । ବାପାର ରାଗ ମୁଣ୍ଡରେ ଚଢି ଅଗ୍ରରୂପ ନେଇଥିଲା ଏବଂ ପୁଅକୁ କେମିତି ଜୀବନରୁ ମାରିବାକୁ ନେଇ ଚିନ୍ତା କରିଥିଲେ । ତେବେ ସୁଯୋଗ ଖୋଜିଥିଲା ହତ୍ୟା କରିବାକୁ ଘରେ ପୁଅ ପାତରସ ଶୋଇଥିବା ବେଳେ ବାପା ଏକ ଧାରୁଆ ଟାଙ୍ଗିଆ ନେଇ ପୁଅର ବେକକୁ ଚୋଟ ମାରିଥିଲା । ତେବେ ଏଭଳି ବିଭତ୍ସ ହତ୍ୟାକାଣ୍ଡ ଯୋଗୁଁ ଘଟଣା ସ୍ଥଳରେ ହିଁ ପୁଅର ମୃତ୍ୟୁ ହୋଇଥିଲା । ପାଖ ପଡୋଶୀ ପୋଲିସକୁ ଖବର ଦେବାରୁ ଘଟଣା ସ୍ଥଳରେ ପୋଲିସ ପହଞ୍ଚି ବାପାକୁ ଗିରଫ କରିଥିଲା । ସେପଟେ ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ଜଣାପଡ଼ିଛି ।
ଇଟିଭି ଭାରତ, ସୁନ୍ଦରଗଡ଼
