ଭୁବନେଶ୍ୱର: ବାତ୍ୟା ଦାନା ଯୋଗୁଁ 22 ଲକ୍ଷ 43 ହଜାର ଘରକୁ ବିଜୁଳି ଯୋଗାଯୋଗ ବିଛିନ୍ନ ହୋଇଛି । ଆଜି ସନ୍ଧ୍ୟା ସୁଦ୍ଧା 14 ଲକ୍ଷ 80 ହଜାରକୁ ବିଜୁଳି ସଂଯୋଗ ହୋଇସାରିଛି । 1 ଲକ୍ଷ 75 ହଜାର ଏକର ଚାଷ ଜମିରେ ଫସଲ କ୍ଷୟକ୍ଷତି ହୋଇଛି । ପୂର୍ଣ୍ଣାଙ୍ଗ ତଥ୍ୟ ମିଳିବା ପରେ କ୍ଷତିପୂରଣ ଘୋଷଣା ହେବ । ବାତ୍ୟା ପରବର୍ତ୍ତୀ ପୁନରୁଦ୍ଧାର କାର୍ଯ୍ୟର ସମୀକ୍ଷା କରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହି ସୂଚନା ଦେଇଛନ୍ତି । ରାଜ୍ୟରେ ସମ୍ପୂର୍ଣ୍ଣ ସ୍ୱାଭାବିକ ପରିସ୍ଥିତି ଫେରାଇ ଆଣିବା ଲାଗି 24 ଘଣ୍ଟା ଲାଗିବ ବୋଲି ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି ।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ସନ୍ଧ୍ୟାରେ ପୁନର୍ବାର ବାତ୍ୟା ପରବର୍ତ୍ତୀ ପୁନରୁଦ୍ଧାର କାର୍ଯ୍ୟର ସମୀକ୍ଷା କରିଛନ୍ତି । ମୁଖ୍ୟମନ୍ତ୍ରୀ ଏସଆରସିଙ୍କ କାର୍ଯ୍ୟାଳୟ ଆସି ରାଜସ୍ୱ ମନ୍ତ୍ରୀ ସୁରେଶ ପୂଜାରୀ, ମୁଖ୍ୟ ଶାସନ ସଚିବ ମନୋଜ ଆହୁଜା, ଏସଆରସି ଦେଓରଞ୍ଜନ କୁମାର ସିଂ ଓ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଛନ୍ତି । ସମୀକ୍ଷା ପରେ ମୁଖ୍ୟମନ୍ତ୍ରୀ କହିଛନ୍ତି, "ମହାପ୍ରଭୁଙ୍କ ଆଶୀର୍ବାଦ ଓ ସରକାରଙ୍କ ଟିମ ୱାର୍କ ଯୋଗୁଁ ବାତ୍ୟା ମୁକାବିଲାରେ ସଫଳ ହୋଇଛୁ । ବାତ୍ୟା ଆଶ୍ରୟ ସ୍ଥଳକୁ 8 ଲକ୍ଷରୁ ଉର୍ଦ୍ଧ୍ବ ଲୋକଙ୍କୁ ସ୍ଥାନାନ୍ତରିତ କରିଥିଲୁ । କିଛି ଲୋକ ଫେରିଗଲେଣି । ଆଉ କିଛି ଲୋକ ପର୍ଯ୍ୟାୟ କ୍ରମେ ଫେରୁଛନ୍ତି । ସନ୍ଧ୍ୟାରେ ବାତ୍ୟା ପରବର୍ତ୍ତୀ ପୁନରୁଦ୍ଧାର କାର୍ଯ୍ୟର ସମୀକ୍ଷା ହୋଇଛି । ନିରନ୍ତର ଭାବେ ଏହି କାର୍ଯ୍ୟ ଚାଲିଛି । ରାସ୍ତା ଓ ବିଜୁଳି ଗୁରୁତ୍ୱପୂର୍ଣ୍ଣ । ଗଛ ଓ ବିଦ୍ୟୁତ ଖୁଣ୍ଟ ପଡିବା ଦ୍ୱାରା ରାସ୍ତା ଅବରୋଧ ହୋଇଥିଲା । ରାସ୍ତା ଅବରୋଧ ହଟେଇବା କାର୍ଯ୍ୟ ସମ୍ପୂର୍ଣ୍ଣ ଭାବେ ସରିଯାଇଛି ।
ସ୍ୱତନ୍ତ୍ର ରିଲିଫ୍ କମିଶନରଙ୍କ କାର୍ଯ୍ୟାଳୟରେ ବାତ୍ୟା ପରବର୍ତ୍ତୀ ସ୍ଥିତିର ସମୀକ୍ଷା କଲି। ଲ୍ୟାଣ୍ଡଫଲ କରିବା ପରେ ବାତ୍ୟାର ପ୍ରଭାବ ଧିରେ ଧିରେ କମିବାରେ ଲାଗିଛି। ପରିସ୍ଥିତିର ଅନୁଧ୍ୟାନ କରିବା ସହ ସ୍ଵଭାବିକ କରିବା ନିମନ୍ତେ ବିସ୍ତୃତ ଆଲୋଚନା କରାଯାଇଛି।
— Mohan Charan Majhi (@MohanMOdisha) October 25, 2024
ବାତ୍ୟା ପରବର୍ତ୍ତୀ ସ୍ଥିତି ଉପରେ ସରକାର ନଜର ରଖିଛନ୍ତି। ବାତ୍ୟା ଦ୍ଵାରା… pic.twitter.com/A0qiIu8qJF
22 ଲକ୍ଷ 43 ହଜାର ଘରକୁ ବିଜୁଳି ବିଛିନ୍ନ-
ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଛନ୍ତି, "ବିଜୁଳି ପୁନରୁଦ୍ଧାର କାର୍ଯ୍ୟ ବିଳମ୍ବ ହେଉଛି । ତୁହାକୁ ତୁହା ବର୍ଷା ଓ ପବନ ବାଧକ ସାଜିବାରୁ ଆଜି ବିଜୁଳି ପୁନରୁଦ୍ଧାର କାର୍ଯ୍ୟ ବିଳମ୍ବ ହୋଇଛି । ବାତ୍ୟା ଯୋଗୁଁ 22 ଲକ୍ଷ 43 ହଜାର ଘରକୁ ବିଜୁଳି ଯୋଗାଯୋଗ ବିଛିନ୍ନ ହୋଇଛି । ଆଜି ସନ୍ଧ୍ୟା ସୁଦ୍ଧା 14 ଲକ୍ଷ 80 ହଜାରକୁ ବିଜୁଳି ସଂଯୋଗ ହୋଇସାରିଛି । ଅନ୍ଧାର ହୋଇଥିବାରୁ କାମ ବିଳମ୍ବ ହେଉଛି । ଶକ୍ତି ବିଭାଗର ପ୍ରମୁଖ ଶାସନ ସଚିବ ହେମନ୍ତ କୁମାର ଶର୍ମାଙ୍କୁ ଆଜି ଗ୍ରାଉଣ୍ଡକୁ ପଠା ଯାଇଛି । ସେ ଭଦ୍ରକ ଓ କେନ୍ଦ୍ରାପଡା ଜିଲ୍ଲାରେ ବିଜୁଳି ସଂଯୋଗ କାର୍ଯ୍ୟ ତଦାରଖ କରିବେ । ଆସନ୍ତାକାଲି ତ୍ୱରିତ ଭାବେ ଏହି କାର୍ଯ୍ୟ କରାଯିବ । ଶନିବାର ଅପରାହ୍ନ ସୁଦ୍ଧା ସବୁଠି ବିଜୁଳି ଆସିଯିବ ।"
ସ୍ୱତନ୍ତ୍ର ରିଲିଫ୍ କମିଶନରଙ୍କ କାର୍ଯ୍ୟାଳୟରେ ବାତ୍ୟା ପରବର୍ତ୍ତୀ ସ୍ଥିତିର ସମୀକ୍ଷା କଲି। ଲ୍ୟାଣ୍ଡଫଲ କରିବା ପରେ ବାତ୍ୟାର ପ୍ରଭାବ ଧିରେ ଧିରେ କମିବାରେ ଲାଗିଛି। ପରିସ୍ଥିତିର ଅନୁଧ୍ୟାନ କରିବା ସହ ସ୍ଵଭାବିକ କରିବା ନିମନ୍ତେ ବିସ୍ତୃତ ଆଲୋଚନା କରାଯାଇଛି।
— Mohan Charan Majhi (@MohanMOdisha) October 25, 2024
ବାତ୍ୟା ପରବର୍ତ୍ତୀ ସ୍ଥିତି ଉପରେ ସରକାର ନଜର ରଖିଛନ୍ତି। ବାତ୍ୟା ଦ୍ଵାରା… pic.twitter.com/A0qiIu8qJF
ଏହା ବି ପଢନ୍ତୁ- ମୁଖ୍ୟମନ୍ତ୍ରୀଙ୍କ ଏରିଅଲ ସର୍ଭେ; 7 ଦିନରେ କ୍ଷୟକ୍ଷତି ରିପୋର୍ଟ: ରାଜସ୍ୱ ମନ୍ତ୍ରୀ
ଏହା ବି ପଢନ୍ତୁ- ଆଶା ଦିଦି ଶିବାନୀଙ୍କ ସହ କଥାହେଲେ ମୋହନ ମାଝୀ; ଭଲ କାମ ପାଇଁ ପ୍ରଶଂସା କଲେ, ମିଳିବ ଘର
1 ଲକ୍ଷ 75 ହଜାର ଏକର ଜମିରେ ଫସଲ କ୍ଷୟକ୍ଷତି-
କୃଷି କ୍ଷେତ୍ରରେ କ୍ଷୟକ୍ଷତି ନେଇ ପ୍ରାରମ୍ଭିକ ଆକଳନ ହୋଇଛି । ସେ ଅନୁସାରେ 1 ଲକ୍ଷ 75 ହଜାର ଏକର ଚାଷ ଜମିରେ ଫସଲ କ୍ଷୟକ୍ଷତି ହୋଇଛି । ପୂର୍ଣ୍ଣାଙ୍ଗ ତଥ୍ୟ ମିଳିବା ପରେ କ୍ଷତିପୂରଣ ଘୋଷଣା ହେବ । ସେହିପରି ଘର ଭଙ୍ଗା ରିପୋର୍ଟ ଆସିଲେ ମଧ୍ୟ ନିଷ୍ପତ୍ତି ହେବ । ଆଂଶିକ କ୍ଷତି ହୋଇଥିଲେ ମରାମତି ଅର୍ଥ ଓ ସମ୍ପୂର୍ଣ୍ଣ ଭାଙ୍ଗିଥିଲେ ପକ୍କା ଘର ବ୍ୟବସ୍ଥା ହେବ । ପାଣି ଘେର ଓ ଭାଙ୍ଗିଯାଇଥିବା ଲୋକଙ୍କୁ ଘରକୁ ଯିବାକୁ ଦେଇନାହୁଁ । ସାପ କାମୁଡ଼ା ଓ କାନ୍ଥ ଭୁଶୁଡ଼ି ପଡିବାର ସମ୍ଭାବନା ଥିବାରୁ ଛାଡିନାହୁଁ । ଆଗାମୀ 7 ଦିନ ପର୍ଯ୍ୟନ୍ତ ଆଶ୍ରୟ ସ୍ଥଳୀରେ ସେମାନେ ରହିପାରିବେ । ସେମାନଙ୍କ ଲାଗି ରନ୍ଧା ଖାଦ୍ୟ ବ୍ୟବସ୍ଥା କରାଯିବ ।
ପ୍ରସବ ସଂଖ୍ୟା 2200କୁ ବୃଦ୍ଧି, 18 ଯୋଡ଼ା ଯମଜ-
ମା' ଗୃହ ଓ ହସ୍ପିଟାଲରେ ପ୍ରସବ କରିବା ମା ଓ ଶିଶୁ ସୁରକ୍ଷିତ ଅଛନ୍ତି । ଏହା ଭିତରେ ପ୍ରସବ ସଂଖ୍ୟା ବଢିଛି ।ମା ଘର ଓ ହସ୍ପିଟାଲରେ ପ୍ରସବ ସଂଖ୍ୟା 2200ରେ ପହଁଚିଛି । 18 ଯୋଡ଼ା ଯମଜ ବା ଯାଆଁଳା ଶିଶୁ ଜନ୍ମ ହୋଇଛନ୍ତି । ସେମାନେ ମଧ୍ୟ ସମସ୍ତେ ସୁସ୍ଥ ଓ ସୁରକ୍ଷିତ ଅଛନ୍ତି ।
ସ୍ଵାଭାବିକ ହେବାକୁ 24ରୁ 48 ଘଣ୍ଟା, ଫୁଲୁଛି ବୁଢ଼ାବଳଙ୍ଗ-
ସମ୍ପୂର୍ଣ୍ଣ ସ୍ଵାଭାବିକ ସ୍ଥିତି ଆଣିବାକୁ ଆମକୁ ଆହୁରି 24ରୁ 48 ଘଣ୍ଟା ପର୍ଯ୍ୟନ୍ତ କାର୍ଯ୍ୟ କରିବାକୁ ପଡିବ । ପୋଲିସ ପ୍ରଶାସନ ଭଲ କାର୍ଯ୍ୟ କରିଛି । ପୋଲିସ ନିଜର ମାନବୀୟ ନିଦର୍ଶନ ଦେଖାଇଛି । ଫିଳରେ ପୋଲିସ ଲୋକଙ୍କ ଶ୍ରଦ୍ଧା ଭାଜନ ହୋଇଛି । ଆଜି ଅନେକ ସ୍ଥାନରେ ଅଧିକ ବର୍ଷା ହେଉଛି । ମୟୁରଭଞ୍ଜ ଓ ବାଲେଶ୍ଵରରେ ବର୍ଷା ହୋଇଛି । ଆଉ କିଛି ସ୍ଥାନରେ ମଧ୍ୟ ବର୍ଷା ହେଉଛି । ଫଳରେ ବୁଢ଼ାବଳଙ୍ଗ ନଦୀ ଫୁଲୁଛି । କିନ୍ତୁ ବିପଦ ସଂକେତ ତଳେ ପ୍ରବାହିତ ହେଉଛି । ବାରିପଦା ସହର ସମେତ ବାଲେଶ୍ଵରର ତଳିଆ ଅଞ୍ଚଳ ଉପରେ ନଜର ରଖାଯାଇଛି । ଲୋକେ ଆତଙ୍କିତ ନହେବାକୁ ପରାମର୍ଶ ଦେଉଛି ।
