ଭୁବନେଶ୍ବର: ଏକତରଫା ପ୍ରେମର କରୁଣ ପରିଣତି । 20 ଦିନର ଏକତରଫା ପ୍ରେମରେ ମାଲିକାଣୀକୁ ହତ୍ୟା । ଗିରଫ ହେଲା ହତ୍ୟାକାରୀ କାଠମିସ୍ତ୍ରୀ । ଝରଣା ବସ୍ତି ମାଲିକାଣୀ ହତ୍ୟା ମାମଲାରେ ଖୋର୍ଦ୍ଧା ସାରୁଅରୁ କାଳିଆକୁ ଗିରଫ କଲା କମିଶନରେଟ୍ ପୋଲିସ । ମୃତ ମହିଳା ଜଣଙ୍କ ହେଉଛନ୍ତି ବାଲେଶ୍ବରର ଗୀତାଞ୍ଜଳି ରଞ୍ଜିତ । 6 ଦିନ ଧରି ହତ୍ୟାକାରୀ ଲୁଚିଥିବା ବେଳେ ଗିରଫ କରି କ୍ରାଇମ୍ ସିନ ରିକ୍ରିଏସନ କରିଛି କମିଶନରେଟ୍ ପୋଲିସ । କିଭଳି ରଚିଥିଲା ହତ୍ୟାକାଣ୍ଡ ତାହା ଜାଣିବା ପାଇଁ ଝରଣାବସ୍ତିକୁ ଆଣିଛି ପୋଲିସ । ଗତ 27 ତାରିଖରେ ଗୀତାଞ୍ଜଳିଙ୍କୁ ଆକ୍ରମଣ ହୋଇଥିବା ବେଳେ 28 ତାରିଖରେ ତାଙ୍କର ମୃତ୍ୟୁ ହୋଇଥିଲା । ପୋଲିସର କହିବା ଅନୁସାରେ, ଅଭିଯୁକ୍ତର ନାମ ନନ୍ଦ କିଶୋର ଓଝା ଓରଫ କାଳିଆ ଅଟେ ।
ତେବେ ମିଳିଥିବା ସୂଚନା ମୁତାବକ, ଅଭିଯୁକ୍ତ ଜଣଙ୍କ ଜଣେ କାଠ ମିସ୍ତ୍ରୀ । ସେ ହତ୍ୟା କରିଥିବା ଗୀତାଞ୍ଜଳୀଙ୍କ ସ୍ବାମୀଙ୍କର ମୋବାଇଲ ଦୋକାନର କାଠ କାମ କରିଥିଲେ । ଏପରିକି ଦୋକାନର ଇଣ୍ଟେରିୟର କାମ କରୁଥିବା ବେଳେ ମହିଳାଙ୍କର ପ୍ରେମରେ ପଡିଯାଇଥିଲେ । ଆଉ ୨୦ଦିନ ପ୍ରେମରେ ଉବୁଟୁବୁ କାଠ ମିସ୍ତ୍ରୀ ଶେଷରେ ତାକୁ ପାଇବା ପାଇଁ ପ୍ରେମ ନିବେଦନ କଲା । ଏକତରଫା ପ୍ରେମକୁ ପାଇବା ପାଇଁ ପ୍ରାଣ ପଣେ ଚେଷ୍ଟା କରିଥିଲା କାଠମିସ୍ତ୍ରୀ । ରାଜି ନହେବାରୁ ଶେଷରେ ତାକୁ ଛୁରି ଭୁସି ହତ୍ୟା କରିଥିଲା । ଏପରିକି ହତ୍ୟା ପରେ ଘଟଣା ସ୍ଥଳରୁ ଫେରାର ହୋଇଥିଲା। ଗତ 27 ତାରିଖରେ ଛୁରୀରେ ଆକ୍ରମଣ କରିବା ପରେ ପ୍ରଥମେ ମହିଳାଙ୍କୁ ସ୍ଥାୟୀ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ଚିକିତ୍ସାଧୀନ ଅବସ୍ଥାରେ ଗତ 28 ତାରିଖ ବୁଧବାର ଦିନ ସେ ପ୍ରାଣ ହରାଇଥିଲେ । ଏହାପରେ ପୋଲିସ ଏକ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା ।
ଏହା ମଧ୍ୟ ପଢନ୍ତୁ: ରାଜଧାନୀରେ ଚାଞ୍ଚଲ୍ୟ; ନିଶା ପାଇଁ ଯୁବକଙ୍କୁ ହତ୍ୟା ଅଭିଯୋଗ
ଗୀତାଞ୍ଜଳୀ କୁଞ୍ଜ ବିହାରି ନାମକ ବ୍ୟକ୍ତିକୁ ବିବାହ କରି ଏଠାରେ ଝରଣା ବସ୍ତିରେ ରହୁଥିଲା । ଏନେଇ ଅଭିଯୁକ୍ତ ବିବାହିତା ମହିଳାର ଦୋକାନରେ କାମ କରୁଥିବା ମାଲିକାଣୀ ସହ ପ୍ରେମ ହୋଇଥିଲା । ଏନେଇ ମାଲିକାଣୀକୁ ନେଇ ଫେରାର ହେବା ପାଇଁ ମନସ୍ଥ କରିଥିଲା । ଏହି ପ୍ରସ୍ତାବରେ ଗୀତାଞ୍ଜଳି ରାଜି ନହେବା କାରଣରୁ ପ୍ରେମିକ ଛୁରୀ ଭୁସି ହତ୍ୟା କରିଥିଲା । ତେବେ ଏକତରଫା ପ୍ରେମର କରୁଣ ପରିଣତି ଯେ ଏତେ ଭୟଙ୍କର ହୋଇପାରେ ଏଥିରୁ ସ୍ପଷ୍ଟ ବାରି ହେଉଛି ।
ଅଭିଯୁକ୍ତ ନନ୍ଦ କିଶୋର ଓଝା ଓରଫ କାଳିଆ ଖୋଜିବା ମୁସ୍କିଲ ଥିଲା । ଏନେଇ କ୍ୟାପିଟାଲ ଥାନା ଆଇଆଇସିଙ୍କ ଟିମ ଅଭିଯୁକ୍ତକୁ ଗିରଫ କରିବା ସହ ବ୍ୟବହୃତ ଛୁରିକୁ ମଧ୍ୟ ଜବତ କରାଯାଇଛି । ଯାହାକୁ ଏକ ଡଷ୍ଟବିନରେ ପକାଇଥିଲା ଅଭିଯୁକ୍ତ । ସାଇଣ୍ଟିଫିକ ପ୍ରମାଣ ସହ ପ୍ରତ୍ୟକ୍ଷଦର୍ଷୀଙ୍କର ବୟାନ ନିଆଯାଇଛି । କେସ ନମ୍ବର ୯୭ରେ ୩୦୨ରେ କୋର୍ଟ ଚାଲାଣ କରାଯିବା ନେଇ ସୂଚନା ଦେଇଛନ୍ତି ଭୁବନେଶ୍ବର ଡିସିପି ।
ଇଟିଭି ଭାରତ, ଭୁବନେଶ୍ବର
