ଭୁବନେଶ୍ବର: ନିଜ ନିର୍ବାଚନୀ ଇସ୍ତାହାରର ଏକ ବଡ ପ୍ରତିଶ୍ରୁତି ପୂରଣ କରିଛନ୍ତି ବିଜେପି ସରକାର । ରାଜ୍ୟରେ ଭାରତୀୟ ଜନତା ପାର୍ଟି ସରକାର କ୍ଷମତାକୁ ଆସିଲେ, ଚାଷୀଙ୍କୁ ଧାନର ‘ସର୍ବନିମ୍ନ ସହାୟକ ମୂଲ୍ୟ’ (ଏମଏସପି) 3,100 ଟଙ୍କା ଦେବା ପାଇଁ ପ୍ରତିଶ୍ରୁତି ଦେଇଥିଲା ଦଳ । ଆଜି ଏହା ପୂରଣ କରିଛି ମୋହନ ମାଝୀଙ୍କ ନେତୃତ୍ବାଧୀନ ସରକାର । ବରଗଡର ସୋହେଲାରେ ବିଶାଳ ଚାଷୀ ସମ୍ମିଳନୀରେ ଚାଷୀଙ୍କ ବ୍ୟାଙ୍କ ଖାତାକୁ 8ଶହ ଟଙ୍କାର ଇନପୁଟ୍ ସହାୟତା ରାଶି ରିଲିଜ୍ କରିଛନ୍ତି ନିଜେ ମୁଖ୍ୟମନ୍ତ୍ରୀ ମୋହନ ମାଝୀ । ଏହି ବିଶାଳ ସମାବେଶରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ସମେତ ଉପ-ମୁଖ୍ୟମନ୍ତ୍ରୀ କେ.ଭି ସିଂହଦେଓ, ଯୋଗାଣ ମନ୍ତ୍ରୀ, ସମବାୟ ମନ୍ତ୍ରୀ, ରାଜସ୍ୱ ମନ୍ତ୍ରୀ ଏବଂ ସ୍ଥାନୀୟ ସାଂସଦଙ୍କ ସହ ସ୍ଥାନୀୟ ବିଧାୟକ ଉପସ୍ଥିତ ଥିଲେ ।
- ନିର୍ବାଚନରେ ବଡ ମୁଦ୍ଦା ଥିଲା ଧାନ ଏମଏସପି:-
ଚଳିତ ନିର୍ବାଚନରେ ଏହାକୁ ବଡ ନିର୍ବାଚନୀ ମୁଦ୍ଦା କରିଥିଲା ଭାରତୀୟ ଜନତା ପାର୍ଟି । ରାଜ୍ୟରେ ଦଳ ସରକାର ଗଢିଲେ ଧାନ ଏମଏସପି 31 ଟଙ୍କା କରିବ ବୋଲି କହିଥିଲା ବିଜେପି । ତେବେ ଦଳ କ୍ଷମତାକୁ ଆସିବା ପରେ ପ୍ରତିଶ୍ରୁତିର କ୍ରିୟାନ୍ବୟନ ମଧ୍ୟ କରିଛି । ସରକାର ଧାନ କୁଇଣ୍ଟାଲ ପିଚ୍ଛା ଚାଷୀଙ୍କୁ 23 ଶହ ଟଙ୍କା ସହ ଅତିରିକ୍ତ 8 ଶହ ଟଙ୍କାର ଇନପୁଟ ସହାୟତା ରାଶି ପ୍ରଦାନ କରିବେ ବୋଲି ଘୋଷଣା କରିଥିଲେ । ଫଳରେ ଏଥର କୁଇଣ୍ଟାଲ ପିଚ୍ଛା 31ଶହ ଟଙ୍କାରେ ଧାନ ସଂଗ୍ରହ ହୋଇଛି ।
" ଶ୍ରୀମନ୍ଦିରର ଚାରି ଦ୍ୱାର ଖୋଲା ହେବା ହେଉ କିମ୍ବା ଶ୍ରୀମନ୍ଦିର ଉନ୍ନତିକରଣ ପାଇଁ ୫୦୦ କୋଟି ଟଙ୍କାର କର୍ପସ ଫଣ୍ଡ ହେଉ; ସୁଭଦ୍ରା ଯୋଜନା ହେଉ କିମ୍ବା ଚାଷୀଙ୍କୁ କୁଇଣ୍ଟାଲ ପିଛା ୩୧୦୦ ଟଙ୍କା ହେଉ- ଆଜି ଆମ ସରକାର ଆପଣମାନଙ୍କୁ ଦେଇଥିବା ଚାରିଟି ଯାକ ପ୍ରତିଶ୍ରୁତି, ସରକାର ଗଠନ ହେବାର ୬ ମାସ ମଧ୍ୟରେ ପୁରଣ କଲେ।" -ମୋହନ ଚରଣ ମାଝୀ… pic.twitter.com/fAGNefvjYd
— CMO Odisha (@CMO_Odisha) December 8, 2024
ଏହା ମଧ୍ୟ ପଢନ୍ତୁ:- ମୁଖ୍ୟମନ୍ତ୍ରୀ ମୋହନ ମାଝୀଙ୍କ ବଡ଼ ନିଷ୍ପତ୍ତି, ୪୮ ଘଣ୍ଟାରେ ଚାଷୀଙ୍କ ଆକାଉଣ୍ଟକୁ ବର୍ଦ୍ଧିତ MSP ଏହା ମଧ୍ୟ ପଢନ୍ତୁ :- ମଣ୍ଡିରେ ପଡି ରହିଛି ଧାନ, ଚିନ୍ତାରେ ଚାଷୀ - paddy procurement |
- ବିଭିନ୍ନ ଜିଲ୍ଲାସ୍ତରୀୟ କାର୍ଯ୍ୟକ୍ରମରେ ସାମିଲ ହେଲେ ମନ୍ତ୍ରୀ-ବିଧାୟକ
ରାଜ୍ୟର ଭାତହାଣ୍ଡି କୁହାଯାଉଥିବା ବରଗଡ ଜିଲ୍ଲାରୁ ଏଥର ପ୍ରଥମ ଧାନ ସଂଗ୍ରହ କରାଯାଇଥିଲା । ବର୍ଦ୍ଧିତ ‘ଏମଏସପି’ ସହ କଟନୀ-ଛଟନୀ ବନ୍ଦ କରି ପାରଦର୍ଶୀ ମଣ୍ଡି ବ୍ୟବସ୍ଥା ସହ ରାଜ୍ୟ ସରକାର ଧାନ ସଂଗ୍ରହ ଆରମ୍ଭ କରିଥିଲେ । ସେହିକ୍ରମରେ ବରଗଡରୁ ହିଁ ଚାଷୀଙ୍କ ଖାତାକୁ ପ୍ରଥମ ଇନପୁଟ୍ ସବସିଡି ଭେଟି ଦେଇଛନ୍ତି ମୁଖ୍ୟମନ୍ତ୍ରୀ । ସେହିପରି ଆଜି ବରଗଡ଼ ସମେତ ପୁରୀ, ଖୋର୍ଦ୍ଧା, ବାଲେଶ୍ଵର, କନ୍ଧମାଳ, ଜଗତସିଂହପୁର, ଭଦ୍ରକ, କୋରାପୁଟ, ସମ୍ବଲପୁର, ଗଞ୍ଜାମ, କଳାହାଣ୍ଡି, ମୟୂରଭଞ୍ଜରେ ମଧ୍ୟ ଚାଷୀ ସମାବେଶ ହୋଇଛି । ଏହି ସବୁ ଜିଲ୍ଲାରେ ସେଠାକାର ମନ୍ତ୍ରୀ ଓ ସ୍ଥାନୀୟ ବିଧାୟକ ସମାବେଶକୁ ସମ୍ବୋଧିତ କରିଛନ୍ତି ।
ଇଟିଭି ଭାରତ, ଭୁବନେଶ୍ବର
