ବାଲେଶ୍ୱର: ଦିନେ ପର ଅଧୀନରେ ଚାକିରି କରୁଥିଲେ । ହେଲେ ଆଜି ଅନେକ ଲୋକଙ୍କୁ ସେ ରୋଜଗାର ଦେଇଛନ୍ତି । ନିଜେ ଭଲ ରୋଜଗାର କରିବା ସହ ଅନ୍ୟମାନଙ୍କ ପାଇଁ ପ୍ରେରଣା ଏବଂ ରୋଜଗାରର ମାଧ୍ୟମ ପାଲଟିଛନ୍ତି । କୋଭିଡ କଟକଣା ପାଇଁ ବାହାର ରାଜ୍ୟରୁ ନିଜ ଅଞ୍ଚଳକୁ ଚାଲି ଆସି ନିଜସ୍ୱ ଉଦ୍ୟମରେ ବ୍ୟବସାୟ ଆରମ୍ଭ କରିଥିଲେ । ଆଉ ଏବେ ସେହି ବ୍ୟବସାୟ ତାଙ୍କୁ ସଫଳତା ଦେଇଛି । ଜଣେ ଭଲ ଫୁଲ ଡେକୋରେଟର ଭାବେ ନିଜେ ସ୍ବାବଲମ୍ବୀ ହେବା ସହ ଅନ୍ୟମାନଙ୍କୁ ମଧ୍ୟ ରୋଜଗାର ଦେଇଛନ୍ତି ବାଲେଶ୍ଵର ଜିଲ୍ଲା ସିମୁଳିଆ ବ୍ଲକ ସବଙ୍ଗ ଅଞ୍ଚଳର ଶଶିକାନ୍ତ ସାହୁ । ଯିଏକି ଏବେ ଫୁଲରେ ସାଜସଜ୍ଜା କରି ଲକ୍ଷାଧିକ ଟଙ୍କା କମାଉଥିବା ବେଳେ ନିଜ ଅଞ୍ଚଳର ପିଲାମାନଙ୍କୁ ମଧ୍ୟ ଏଥିରେ ନିୟୋଜିତ କରି ସେମାନଙ୍କୁ ରୋଜଗାରକ୍ଷମ କରାଇଛନ୍ତି ।
ପୂର୍ବରୁ ଶଶିକାନ୍ତ ଦିଲ୍ଲୀରେ ଏକ ଆର୍ଟିଫିସିଆଲ ଫ୍ଲାୱାର କମ୍ପାନୀରେ କାର୍ଯ୍ୟ କରୁଥିଲେ । କୋଭିଡ ସମୟରେ ସବୁକିଛି ବନ୍ଦ ହୋଇଯିବା ଫଳରେ ଶଶିକାନ୍ତ ନିରାଶ ହୋଇ ନିଜ ଗାଁକୁ ଫେରି ଆସିଥିଲେ । କୋଭିଡ କଟକଣା ହଟିବା ପରେ ସେ ପ୍ରଥମେ ସିମୁଳିଆ ବଜାର ଉପରେ ଏକ ଆର୍ଟିଫିସିଆଲ ଫୁଲ ଦୋକାନଟିଏ କରିଥିଲେ । ପ୍ରଥମେ ପ୍ରଥମେ ସିମୁଳିଆ ବଜାରରେ ଏମିତି ଦୋକାନର ଚାହିଦା ନଥିବା ବେଳେ ଶଶିକାନ୍ତ ଅନେକ ସମୟରେ ଗ୍ରାହକଙ୍କୁ ଅପେକ୍ଷା କରିରୁହନ୍ତି । ହେଲେ ଅନେକ ସମୟରେ କିଛି ବେପାର ମଧ୍ୟ ହୁଏ ନାହିଁ । ଧିରେ ଧିରେ ସମୟ ବଦଳିବା ସହ ଫୁଲ ଦୋକାନର ଚାହିଦା ବଢ଼ିଥିଲା ।
ଏହା ମଧ୍ୟ ପଢ଼ନ୍ତୁ...ଚାଷ ପାଇଁ ବଦଳାଇଲେ ପେଷା; ଚାକିରୀ ଛାଡ଼ି ଚାଷକୁ ବେଉସା, ସଫଳ ହଲେ ଚନ୍ଦନ
