ପୁରୀ: ସୀମା ଟପିଲା ବର୍ବରତା । ସ୍ବାମୀ ଆଗରେ ସ୍ତ୍ରୀକୁ କଲେ ଦୁଷ୍କର୍ମ । ସାଙ୍ଗ ସାଜିଲା ବଇରି । କେବଳ ସେତିକି ନୁହେଁ ଛୋଟ ଛୁଆକୁ ମଧ୍ୟ ଆକ୍ରମଣ କରିବାକୁ ପଛାଇନଥିଲେ ସଇତାନ । ଏଭଳି ଏକ ଅଭାବନୀୟ ଘଟଣା ଘଟିଛି ବ୍ରହ୍ମଗିରି ଅରଖକୁଦା ଥାନା ଅଞ୍ଚଳରେ । ଜଣେ ବ୍ୟକ୍ତିଙ୍କୁ ତାଙ୍କର କିଛି ସାଙ୍ଗ ମାଡ଼ମାରି ଲହୁ ଲୁହାଣ କରିବା ସହ ତାଙ୍କ ସ୍ତ୍ରୀ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏନେଇ ଆରଖକୁଦା ଥାନାରେ ପୀଡ଼ିତା ଜଣକ ଅଭିଯୋଗ କରିଛନ୍ତି । ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଏହି ଘଟଣାରେ ଜଣକୁ ଗିରଫ କରିଛି ପୋଲିସ ।
ଅଭିଯୋଗ ଅନୁଯାୟୀ ଗତକାଲି(ଶୁକ୍ରବାର) ବିଳମ୍ବିତ ରାତିରେ ଏହି ଘଟଣା ଘଟିଛି । ପୀଡ଼ିତାଙ୍କ ସ୍ବାମୀ ତାଙ୍କ ବଗିଚାରେ ଥିବା ଘରକୁ କାମ ପାଇଁ ଯାଇଥିଲେ । ତେବେ ସେଠାକୁ ତାଙ୍କ ସାଙ୍ଗ ତ୍ରିନାଥ ବେହେରା ଓ ତାର ଦୁଇ ଜଣ ସାଥୀ ସେଠାକୁ ଆସିଥିଲେ । ତାଙ୍କ ସ୍ବାମୀଙ୍କୁ ଆକ୍ରମଣ କରିଥଲେ । ଏହି ସମୟରେ ପୀଡ଼ିତା ଜଣଙ୍କ ସେଠାରେ ପହଞ୍ଚି ପ୍ରତିବାଦ କରିଥଲେ । ହେଲେ ତ୍ରିନାଥ ଓ ତାର ଦୁଇ ସହଯୋଗୀ ତାଙ୍କ ସ୍ବାମୀଙ୍କୁ ହାତ ଗୋଡ଼ ବାନ୍ଧି କଣ୍ଟା ବୁଦାକୁ ଫିଙ୍ଗି ଦେଇଥିଲେ ।ଏବଂ ତାଙ୍କୁ ଦୁଷ୍କର୍ମ କରିଥିଲେ ବୋଲି ଥାନାରେ ପୀଡ଼ିତା ଅଭିଯୋଗ କରିଛନ୍ତି ।
ତାଙ୍କୁ ଯେଭଳି ଅତ୍ୟାଚାର କରାଯାଇଛି । ପୋଲିସ ନ୍ୟାୟ ଦେଉ ବୋଲି ପୀଡ଼ିତା ଜଣକ ଦାବି କରିଛନ୍ତି । ଏହି ଘଟଣାକୁ ନେଇ ପୋଲିସ ତଦନ୍ତ ଆରମ୍ଭ କରିଛି । ପୀଡ଼ିତାଙ୍କୁ ଡାକ୍ତରୀ ମାଇନା କରାଯାଇଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି । ଅଭିଯୁକ୍ତଙ୍କୁ ଯଥା ଶୀଘ୍ର ଗିରଫ ପାଇଁ ଦାବି କରିଛନ୍ତି ଗ୍ରମବାସୀ ।
ଏହା ମଧ୍ୟ ପଢନ୍ତୁ .....କାଳ ହେଲା ଅସଦାଚରଣ, ବୃଦ୍ଧଙ୍କୁ ଟାଙ୍ଗିଆରେ ହାଣି ହତ୍ୟା
ସେପଟେ ଅରଖକୁଦା ଥାନା ଅଧିକାରୀ ସସ୍ମିତା ବେହେରା କହିଛନ୍ତି ଯେ, ଏନେଇ ଥାନାରେ ଏକ ଗଣଦୁଷ୍କର୍ମ ମାମଲା ରୁଜୁ ହୋଇଛି । ଦୁଇ ଜଣ ଅଭିଯୁକ୍ତ ଭିତରୁ ଜଣେ ଅଭିଯୁକ୍ତ କୃଷ୍ଣ ପ୍ରସାଦର ବୁଲୁ ଗାର୍ଜୀକୁ ପୋଲିସ ଧରିଥିବାବେଳେ ତାକୁ କୋର୍ଟ ଚାଲାଣ କରାଯିବ । ଆଉ ଜଣେ ଅଭିଯୁକ୍ତ ତ୍ରିନାଥ ବେହେରା ଫେରାର ଥିବାବେଳେ ପୋଲିସ ତାକୁ ଖୁବ ଶୀଘ୍ର ଗିରଫ କରିବ ।
ଇଟିଭି ଭାରତ, ପୁରୀ
