ବରଗଡ଼: ସାରା ରାଜ୍ୟରେ ନକଲି ସାର୍ଟିଫିକେଟକୁ ନେଇ ଚର୍ଚ୍ଚା ଜୋର ଧରିଛି । ଏହାରି ଭିତରେ ବରଗଡ଼ ଜିଲ୍ଲାରେ ମାଳମାଳ ନକଲି ଶିକ୍ଷକ ଥିବା ଘଟଣା ସାମନାକୁ ଆସିଛି । ବିଗତ ଦିନରେ ଦୁଇଜଣ ଶିକ୍ଷକ ନକଲି ସାର୍ଟିଫିକେଟ ଦ୍ବାରା ଚାକିରି ହାତେଇ ଧରାପଡିବା ପରେ ଜେଲ ଯାଇଥିଲେ । ଜିଲ୍ଲା ଶିକ୍ଷା ବିଭାଗର ଅଧିକ ତଦନ୍ତ ପରେ ବର୍ତ୍ତମାନ ଜିଲ୍ଲାରେ 40 ଜଣ ଶିକ୍ଷକଙ୍କ ସାର୍ଟିଫିକେଟ ନକଲି ହୋଇଥିବା ଜଣାପଡିଛି । ଯାହା ବରଗଡ଼ ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି l
ଏହି ଦୁଇ ଜଣ ଅନ୍ୟ ରାଜ୍ୟରୁ ନକଲି B.Ed ସାର୍ଟିଫିକେଟ ଦାଖଲ କରି ଚାକିରି ହାତେଇ ଥିଲେ । ତେବେ ତରଣୀ ସେଠ୍ ବରପାଲି ଅଞ୍ଚଳର ହୋଇଥିବାବେଳେ ମଙ୍ଗଳ ବିଶ୍ୱାଳ ବରଗଡ଼ ବ୍ଲକ ବାଲିଜୁରୀ ଅଞ୍ଚଳର ଅଟନ୍ତି । ଉଭୟେ ତାମିଲନାଡୁ ରାଜ୍ୟର ଏକ ୟୁନିଭରସିଟିର ଫେକ ସାର୍ଟିଫିକେଟ ଦେଖାଇ ବରଗଡ଼ ଜିଲ୍ଲାରେ ଶିକ୍ଷକତା ଚାକିରି ହାତେଇଥିଲେ । ଉଭୟେ ଧରାପଡି ଜେଲ ଗଲାପରେ ବର୍ତ୍ତମାନ ବରଗଡ଼ ଜିଲ୍ଲାରେ 40 ଜଣ ଶିକ୍ଷକ ଥିବା ଘଟଣା ସାମନାକୁ ଆସିଛି । ତେବେ ଦୀର୍ଘ ବର୍ଷର ଚାକିରି ପରେ ମଧ୍ୟ ଜଣେ ନକଲି ସାର୍ଟିଫିକେଟରେ ଚାକିରି କରୁଛି ନାଁ ସାଟିଫିକେଟ ଟି ଅସଲି ତାହା ସରକାର ଜାଣିନପାରିବା ଆଶ୍ଚର୍ଯ୍ୟର ବିଷୟ l ବରଗଡ଼ ଜିଲ୍ଲାରେ ଏପରି ଅନେକ ନକଲି ଶିକ୍ଷକଙ୍କ କାରଣରୁ ବହୁ ଲୋକେ ଚାକିରିରୁ ବଞ୍ଚିତ ହୋଇଯାଇଛନ୍ତି । ତେଣୁ ଏଭଳି ନକଲି ଶିକ୍ଷକଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଭିଭାବକ ମହାସଂଘ ଦାବି ଜଣାଇଛି ।
ଇଟିଭି ଭାରତ, ବରଗଡ଼
