ରାୟଗଡ଼ା: ଜଳିଗଲା ୪ଟି ବସ । ପ୍ରଚଣ୍ଡ ଗ୍ରୀଷ୍ମ ତାପ ଯୋଗୁ ଏପରି ଅଘଟଣ ଘଟିଥିବା ସନ୍ଦେହ କରାଯାଉଛି । ରାୟଗଡ଼ା ଜିଲ୍ଲାର ବିଷମକଟକ ଠାରେ ବଡ଼ ଧରଣର ଅଘଟଣ । ପ୍ରଚଣ୍ଡ ଗ୍ରୀଷ୍ମ ତାପରେ ୪ଟି ବସ ହୁତୁହୁତୁ ହୋଇ ଜଳିଯାଇଛି । ପ୍ରଚଣ୍ଡ ଗ୍ରୀଷ୍ମ ପ୍ରବାହ ଯୋଗୁଁ ଆଜି ଅପରାହ୍ନରେ ୪ଟି ଯାତ୍ରୀବାହୀ ବସରେ ନିଆଁ ଲାଗିଯାଇଛି । ଫଳରେ ବସ ଗୁଡ଼ିକ ସମ୍ପୂର୍ଣ୍ଣ ନଷ୍ଟ ହୋଇଯାଇଛି ।
ସୂଚନା ଅନୁସାରେ, ବିଷମକଟକ ବସଷ୍ଟାଣ୍ଡରେ ଠିଆ ହୋଇଥିବାବେଳେ ଏହି ବସରେ ନିଆଁ ଲାଗିଯାଇଥିଲା । 4ଟି ଯାକ ବସ ଜଣେ ମାଲିକଙ୍କର ହୋଇଥିବା ଜଣାପଡ଼ିଛି । ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ବସରେ କୌଣସି ଯାତ୍ରୀ ନଥିବାରୁ କେହି ମୃତାହତ ହୋଇନାହାନ୍ତି । ପ୍ରବଳ ଗରମ ଯୋଗୁ ପ୍ରଥମେ ଗୋଟିଏ ବସ ଓ ପରେ ଅନ୍ୟ 3ଟି ଏପରି ସମସ୍ତ 4ଟି ବସ ଜଳିଯାଇଛି । ଗୋଟିଏ ପଟେ ରାଜ୍ୟରେ ଅସହ୍ୟ ଗରମ ଅନୁଭୂତ ହେଉଥିବାବେଳେ ଅନେକ ସ୍ଥାନରୁ ଅଂଶୁଘାତ ଖବର ମଧ୍ୟ ସାମନାକୁ ଆସିଛି । ଏପରିକି ଅଂଶୁଘାତ ଜନିତ ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି । ଖାଲି ସେତିକି ନୁହେଁ, ଅନେକ ସ୍ଥାନରେ ଅସ୍ବାଭାବିକ ମୃତ୍ୟୁ ପରିଲକ୍ଷିତ ହେଉଛି ।
ଏହା ବି ପଢନ୍ତୁ...ସତର୍କ କଲେ ସିଏସ; କହିଲେ ଆସନ୍ତା କିଛିଦିନ ରୁହ ସଜାଗ - Chief Secretary Pradeep Jena Appeal
ଅସହ୍ୟ ଗରମ କାରଣରୁ ଅଗ୍ନିକାଣ୍ଡ ଘଟିବା ଆଶଙ୍କା ରହିଥିବାବେଳେ ଆଜି ରାୟଗଡ଼ାରେ ବଡ଼ ଧରଣ ଅଘଟଣ ଘଟିଛି । ରାୟଗଡ଼ା ବିଷମକଟକରେ ପ୍ରଚଣ୍ଡ ଗ୍ରୀଷ୍ମ ତାପରେ ୪ଟି ବସ ହୁତୁହୁତୁ ହୋଇ ଜଳିଯାଇଛି । ବସରେ ଯାତ୍ରୀ ନଥିବାରୁ କାହାରି କୌଣସି କ୍ଷତି ହୋଇନାହିଁ । ପ୍ରଚଣ୍ଡ ଗ୍ରୀଷ୍ମ ପ୍ରବାହ ଯୋଗୁଁ ଏଭଳି ଅଘଟଣ ଘଟିଛି । ଜଳିଯାଇଥିବା ସମସ୍ତ ବସ ଜଣେ ବସ ମାଲିକଙ୍କର ହୋଇଥିବା ଜଣାପଡ଼ିଛି । ପ୍ରଥମେ ଗୋଟିଏ ବସ ଓ ପରେ ପରେ ଅନ୍ୟ 3ଟି ସର୍ବମୋଟ୍ 4ଟି ବସ ଜଳିଯାଇଛି । ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁ ଆୟତ୍ତ କରିଥିବା ଜଣାପଡ଼ିଛି । ଏପରି ଘଟଣା ପରେ ଅଞ୍ଚଳବାସୀଙ୍କ ମଧ୍ୟରେ ଭୟର ବାତାବରଣ ଦେଖା ଦେଇଛି ।
ଇଟିଭି ଭାରତ, ରାୟଗଡ଼ା
