ନୂଆଦିଲ୍ଲୀ: ଭାରତୀୟ କ୍ରିକେଟ ବୋର୍ଡ ବିସିସିଆଇ ଦୁନିଆର ସବୁଠୁ ଧନୀ କ୍ରିକେଟ ବୋର୍ଡ । ବିସିସିଆଇ ପକ୍ଷରୁ ଭାରତୀୟ କ୍ରିକେଟଙ୍କୁ ଗୋଟିଏ ଗୋଟିଏ ମ୍ୟାଚ ପାଇଁ ଲକ୍ଷ ଲକ୍ଷ ଟଙ୍କା ମିଳୁଛି । ଭାରତୀୟ କ୍ରିକେଟ ଟିମରେ ଖେଳାଳିମାନେ ଶାନଦାର ପ୍ରଦର୍ଶନ କରି ଜଣେ ଜଣେ ବ୍ରାଣ୍ଡ ବନିଯାଉଛନ୍ତି । ଏହା ପରେ ଖେଳାଳିମାନେ ବିଭିନ୍ନ ଉତ୍ସରୁ ଆୟ କରନ୍ତି । ଯେପରିକି ବିଜ୍ଞାପନ, ବ୍ରାଣ୍ଡ ଆମ୍ବାସେଡାର ସହିତ ବିଭିନ୍ନ ବ୍ୟବସାୟ କରି ମଧ୍ୟ କୋଟି କୋଟି ରୋଜଗାର କରୁଛନ୍ତି ଷ୍ଟାର ଭାରତୀୟ କ୍ରିକେଟର । ରିପୋର୍ଟରେ ଖୁଲାସା ହୋଇଛି କି କେଉଁ ଭାରତୀୟ କ୍ରିକେଟର କେତେ ଟଙ୍କା ଟ୍ୟାକ୍ସ ଦେଉଛନ୍ତି ।
ବିରାଟ କୋହଲି-
Fortune India ରିପୋର୍ଟ ମୁତାବାକ, ଭାରତୀୟ କ୍ରିକେଟର ବିରାଟ କୋହଲି ଦେଶରେ ସମସ୍ତ କ୍ରୀଡାବିତଙ୍କ ତୁଳନାରେ ସବୁଠୁ ଅଧିକ ଟ୍ଯାକ୍ସ ପ୍ରଦାନକାରୀ ଖେଳାଳି । କୋହଲି ବିତ୍ତୀୟ ବର୍ଷ 2024 ପାଇଁ 66 କୋଟି ଟଙ୍କାର ଟ୍ୟାକ୍ସ ଭରିଛନ୍ତି । ସେଥିପାଇଁ କ୍ରିକେଟରେ ସବୁଠୁ ଅଧିକ କର ଦାତା ଖେଳାଳି ହେଲେ ବିରାଟ କୋହଲି । ଏହା ସହିତ କୋହଲି ଦେଶର ଅଧିକ କର ଦାତା 5ମ ସେଲିବ୍ରେଟୀ ହୋଇଛନ୍ତି ।
ଏମଏସ ଧୋନୀ-
ପୂର୍ବତନ ଭାରତୀୟ କ୍ରିକେଟର ତଥା କ୍ୟାପଟେନ୍ କୁଲ୍ ମହେନ୍ଦ୍ର ସିଂ ଧୋନୀ ମଧ୍ୟ ଟ୍ୟାକ୍ସ ପ୍ରଦାନରେ ପଛରେ ନାହାଁନ୍ତି । ଧୋନୀ ଦେଶରେ ସବୁଠୁ ଅଧିକ କର ଦାତା କ୍ରିକେଟରଙ୍କ ମଧ୍ୟରେ ଦ୍ବିତୀୟରେ ରହିଛନ୍ତି । ଧୋନୀ ବର୍ଷ 2024 ପାଇଁ 38 କୋଟି କର ଦେଇଛନ୍ତି ।
ସଚିନ ତେନ୍ଦୁଲକର-
କ୍ରିକେଟର ଭେଟେରାନ ଖେଳାଳି ତଥା କ୍ରିକେଟର ଭଗବାନ, ଅବସର ଗ୍ରହଣ ପରେ ମଧ୍ୟ ବିଭିନ୍ନ କାର୍ଯ୍ୟକ୍ରମରେ ସାମିଲ ହେବାର ନଜର ଅଛି । ତେନ୍ଦୁଲକର 2024ରେ 28 କୋଟି ଟଙ୍କା ଟ୍ୟାକ୍ସ ଦେଇଛନ୍ତି ।
ସୌରଭ ଗାଙ୍ଗୁଲି-
ସୋରଭ ଗାଙ୍ଗୁଲି, ହାର୍ଦ୍ଦିକ ପଣ୍ଡ୍ୟା ଏବଂ ରିଷଭ ପନ୍ତ ଟପ୍-10 ଅଧିକ କର ତାଦା କ୍ରିକେଟରଙ୍କ ମଧ୍ୟରେ ସାମିଲ ହୋଇଛନ୍ତି । ଗାଙ୍ଗୁଲି ବର୍ଷ 2024 ପାଇଁ 23 କୋଟି ଟଙ୍କାର କର ଭରିଛନ୍ତି ।
ହାର୍ଦ୍ଦିକ ପାଣ୍ଡ୍ୟା- ରିଷଭ ପନ୍ତ-
ମୈଦାନରେ ଦୁଇ କ୍ରିକେଟର ରିଷଭ ଏବଂ ହାର୍ଦ୍ଦିକ ଦୁହେଁ ଦମଦାର କ୍ରିକେଟ ଖେଳିଥାନ୍ତି । ହାର୍ଦ୍ଦିକ ପାଣ୍ୟା 2024 ବର୍ଷ ପାଇଁ 13 କୋଟି ଏବଂ ପନ୍ତ 10 କୋଟି କର ଭରିଛନ୍ତି ।
