ହାଇଦ୍ରାବାଦ: ଟି-20 ବିଶ୍ବକପରେ ଭାରତ-ଲଂଲଣ୍ଡ ସେମି ଫାଇନାଲ ଲଢେଇ ପୂର୍ବରୁ ଭାରତର ଆଇସିସି ଇଭେଣ୍ଟରେ ବ୍ୟାଟରଙ୍କ ପ୍ରଦର୍ଶନ ଉପରେ ଚର୍ଚ୍ଚା ସୃଷ୍ଟି ହୋଇଛି । ବିଗତ କିଛି ଆଇସିସି ଇଭେଣ୍ଟର ନକ୍ ଆଉଟ୍ ମ୍ୟାଚ ଡାଟା ଦେଖିଲେ ବୋଲିରଙ୍କ ଅପେକ୍ଷା ବ୍ୟାଟର ଅଧିକ ନିରାଶ କରିଛନ୍ତି । ବିଶେଷ କରି ସେମି ଏବଂ ଫାଇନାଲ ଲଢେଇରେ ବ୍ୟାଟର ହିଁ ନୈରାଶ୍ୟଜନକ ପ୍ରଦର୍ଶନ କରିଛନ୍ତି । ସେ 2023 ବିଶ୍ବକପ ଫାଇନାଲ ହେଉକି 2022 ଟି-20 ବିଶ୍ବକପ ସେମି ଫାଇନାଲ, ବ୍ୟାଟରଙ୍କ ଖରାପ ପ୍ରଦର୍ଶନ ଟିମ୍ ଇଣ୍ଡିଆ ପାଇଁ କାଳ ସାଜୁଛି । ତେବେ ନଜର ପକାନ୍ତୁ କେଉଁ କେଉଁ ବ୍ୟାଟର ଭାରତ ପାଇଁ ଆଇସିସି ଇଭେଣ୍ଟରେ ଶ୍ରେଷ୍ଠ ଇଂନିସ ଖେଳି ତ୍ରାଣକର୍ତ୍ତା ସାଜିଛନ୍ତି । ତେବେ ଶେଷ 10 ଟି ଆଇସିସି ଇଭେଣ୍ଟ ଦେଖିଲେ ଭାରତ ପକ୍ଷରୁ ରୋହିତ ଶର୍ମା, ବିରାଟ କୋହଲି, କେଏଲ ରାହୁଲ ଏବଂ ଶେଖର ଧାଓ୍ୱନ ଟପ ସ୍କୋରର ରହିଛନ୍ତି ।
ଆଇସିସି ଇଭେଣ୍ଟରେ ବେଷ୍ଟ ବ୍ୟାଟର-
2012 ଟି-20 ବିଶ୍ବକପରେ ବିରାଟ କୋହଲି ଭାରତର ବେଷ୍ଟ ବ୍ୟାଟର ଥିଲେ । ସେ 185 ରନ ସ୍କୋର କରିଥିଲେ ।
2013 ଚମ୍ପିଆନ୍ସଟ୍ରଫିରେ ଶିଖର ଧାଓ୍ବନ 363 ରନ ସ୍କୋର କରିଥିଲେ ।
2014 ଟି-20 ବିଶ୍ବକପରେ ବିରାଟ କୋହଲି 319 ରନ ସ୍କୋର କରିଥିଲେ ।
2015 ଦିନିକିଆ ବିଶ୍ବକପରେ ଶିଖର ଧାଓ୍ବନ 412 ରନ ସ୍କୋର କରିଥିଲେ ।
