ନୂଆଦିଲ୍ଲୀ : ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ତଥା ଷ୍ଟାର ବ୍ୟାଟର ବିରାଟ କୋହଲି ଆଜିର ଦିନରେ ଭାରତ ପାଇଁ ଅନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିଥିଲେ । 18 ଅଗଷ୍ଟ 2008ରେ ସେ ଭାରତୀୟ ଜର୍ସିରେ ଶ୍ରୀଲଙ୍କା ବିପକ୍ଷରେ ଡେବ୍ୟୁ କରିଥିଲେ । ଆଜି ତାଙ୍କର ଆନ୍ତର୍ଜାତୀୟ କ୍ରିକେଟ୍ କ୍ୟାରିୟର 16 ବର୍ଷ ପୂରଣ ହୋଇଛି । ଏହି ଅବସରରେ କିଙ୍ଗ କୋହଲିଙ୍କୁ ଶୁଭେଚ୍ଛା ଜଣାଇଛନ୍ତି ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମା ଏବଂ ମୁଖ୍ୟ କୋଚ ଗୌତମ ଗମ୍ଭୀର । ଷ୍ଟାର୍ ସ୍ପୋର୍ଟସ୍ ଉଭୟଙ୍କର ଏକ ଭିଡିଓ ସେୟାର କରିଛି, ଯେଉଁଥିରେ ଉଭୟ ବିରାଟ କୋହଲିଙ୍କ ବିଷୟରେ ବଡ଼ କଥା କହୁଥିବା ଦେଖିବାକୁ ମିଳିଛି ।
𝟏𝟔 𝐘𝐞𝐚𝐫𝐬 𝐎𝐟 𝐕𝐢𝐫𝐚𝐭 𝐊𝐨𝐡𝐥𝐢! ♥️
— Star Sports (@StarSportsIndia) August 18, 2024
As wishes flood in for @imVkohli 's 16-year journey, @ImRo45 leads the way in paying tribute to the cricketing legend! 😇#KingKohli #16YearsOfVirat #ViratKohli pic.twitter.com/XYFi8Hizqp
କ୍ରିକେଟରେ କୋହଲିଙ୍କ ଭୋକ ଏବଂ ଉତ୍ସାହର କୌଣସି ତୁଳନା ନାହିଁ :- ରୋହିତ ଶର୍ମା
ଷ୍ଟାର୍ ସ୍ପୋର୍ଟସ୍ ସେୟାର କରିଥିବା ଭିଡିଓରେ ରୋହିତ କହିଛନ୍ତି, "ଆମେ ସମସ୍ତେ ଜାଣୁ, ତାଙ୍କର (କୋହଲିଙ୍କର) କ୍ରିକେଟ ପାଇଁ ଭୋକ ଏବଂ ଉତ୍ସାହ ଅତୁଳନୀୟ । ଆପଣ ଦେଖିଥିବେ, ସେ ପ୍ରତ୍ୟେକ ଥର ଭିନ୍ନ ଶକ୍ତିର ସହ ଆସନ୍ତି ଏବଂ ଦଳ ପାଇଁ ଭଲ ପ୍ରଦର୍ଶନ କରନ୍ତି । ସେ ଅଭିଜ୍ଞ, ସେ ଭାରତ ପାଇଁ ଅନେକ ମ୍ୟାଚ୍ ଖେଳିଛନ୍ତି । ଏହା ସମସ୍ତଙ୍କ ପାଇଁ ସମ୍ଭବ ନୁହେଁ ଯେ ଆପଣ ପଡ଼ିଆକୁ ଯାଇ ଯାହା ଚାହିଁବେ କରିଦେବେ । ଏହା କେବଳ ଆପଣଙ୍କ ଅଭିଜ୍ଞତା, ସଂଘର୍ଷ ଏବଂ ଆପଣ ଦେଖିଥିବା କଠିନ ପରିସ୍ଥିତି ହିଁ ସମ୍ଭବ କରିଥାଏ । ସେ ଏଭଳି କରିବାରେ ପାରଙ୍ଗମ । ସେ ପ୍ରତ୍ୟେକ ଥର ନିଜ ଖେଳକୁ ଆହୁରି ଉଚ୍ଚସ୍ତରକୁ ଉଠାନ୍ତି । ମୁଁ ତାଙ୍କୁ ଭବିଷ୍ୟତ ପାଇଁ ଅଭିନନ୍ଦନ ଜଣାଉଛି ।"
𝟏𝟔 𝐘𝐞𝐚𝐫𝐬 𝐎𝐟 𝐕𝐢𝐫𝐚𝐭 𝐊𝐨𝐡𝐥𝐢! ♥️
— Star Sports (@StarSportsIndia) August 18, 2024
Team India coach, @GautamGambhir takes us down memory lane, reflecting on @imVkohli’s early days, crediting his match-winning ability and relentless hunger as the key to his success! 💪🏻#KingKohli #16YearsOfVirat #ViratKohli pic.twitter.com/a79P2UdvgH
ବିରାଟ ଜଣେ ମହାନ ଖେଳାଳି :- ଗମ୍ଭୀର
ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର କହିଛନ୍ତି, "ଯେତେବେଳେ ସେ (ବିରାଟ) ଶ୍ରୀଲଙ୍କାରେ ଡେବ୍ୟୁ କରିଥିଲେ ଏବଂ ତାଙ୍କର ପ୍ରଥମ ODI ଖେଳିଥିଲେ, ମୋର ମନେ ଅଛି ସେ ସେଦିନ ଶୀଘ୍ର ଆଉଟ୍ ହୋଇଯାଇଥିଲେ । କିନ୍ତୁ ସେ ଯେପରି ନେଟ୍ରେ ବ୍ୟାଟିଂ କରୁଥିଲେ, ସେଥିରୁ ଆମକୁ ଲାଗୁଥିଲା ଯେ ସେ ଏପରି ଜଣେ ଖେଳାଳି ଯିଏ ଦୀର୍ଘ ଦିନ ପର୍ଯ୍ୟନ୍ତ ଦେଶ ପାଇଁ ଖେଳି ପାରିବେ । ସେ ଯାହା କରୁଛନ୍ତି, ସେଥିରେ ଆଶ୍ଚର୍ଯ୍ୟଜନକ କିଛି ନାହିଁ । ସେ ଜଣେ ମହାନ ଖେଳାଳି । ନିଜ ଦଳକୁ ମ୍ୟାଚ୍ ଜିତାଇବା ପାଇଁ କିପରି ଲଢିବାକୁ ହେବ ସେ ଜାଣନ୍ତି । ଯେତେବେଳେ ସେ ପ୍ରଥମେ ଦଳରେ ଯୋଗ ଦେଇଥିଲେ, ସେ କିପରି ଭାବରେ ନିଜ ଦଳକୁ ମ୍ୟାଚ୍ ଜିତାଉଥିଲେ ତାହା ତାଙ୍କ କ୍ରିକେଟ୍ କ୍ୟାରିୟରର ସବୁଠାରୁ ବଡ ସକରାତ୍ମକ ବିଷୟ ଥିଲା ।"
16 years of the King, and an eternity-old Kingdom of magic. 🌟
— Royal Challengers Bengaluru (@RCBTweets) August 18, 2024
All hail, all hail King Kohli. 🙌#PlayBold #OnThisDay #ViratKohli #16YearsOfViratKohli pic.twitter.com/TbmA98vLk4
ଏମିତି ରହିଛି କୋହଲିଙ୍କ 16 ବର୍ଷର କ୍ୟାରିୟର :-
ଭାରତ ପାଇଁ ଏପର୍ଯ୍ୟନ୍ତ 113 ଟେଷ୍ଟ ମ୍ୟାଚ୍ ଖେଳି ବିରାଟ 8848 ରନ୍ ସଂଗ୍ରହ କରିଛନ୍ତି । ଏହି ଲମ୍ବା ଫର୍ମାଟରେ ତାଙ୍କ ନାମରେ 29 ଶତକ ଏବଂ 30 ଅର୍ଦ୍ଧଶତକ ସାମିଲ ଅଛି । ତାଙ୍କର ODI କ୍ୟାରିୟର ବିଷୟରେ କହିବାକୁ ଗଲେ ସେ 295ଟି ଦିନିକିଆ ମ୍ୟାଚ୍ ଖେଳି 13,906 ରନ୍ ସ୍କୋର କରିଛନ୍ତି । ସେ ଏହି ଫର୍ମାଟରେ ସର୍ବାଧିକ 50 ଶତକ ହାସଲ କରିଛନ୍ତି । ସେହିଭଳି 125 ଟି20 ମ୍ୟାଚ୍ରେ ବିରାଟ 4188 ରନ୍ ସଂଗ୍ରହ କରିଛନ୍ତି । ତାଙ୍କ ନାମରେ T20ରେ ମାତ୍ର ଗୋଟିଏ ଶତକ ରହିଛି । ହେଲେ ଏହି ଫର୍ମାଟରେ ସେ ସର୍ବାଧିକ 38 ଅର୍ଦ୍ଧଶତକ ହାସଲ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
