ପ୍ୟାରିସ: ପ୍ୟାରିସ ପାରାଲିମ୍ପିକ୍ସରେ ଦମଦାର ପ୍ରଦର୍ଶନ କରି ଗୋଟିଏ ପରେ ଗୋଟିଏ ପଦକ ହାସଲ କରିଚାଲିଛନ୍ତି ଭାରତୀୟ ପାରା ଅଥଲେଟ୍ସ । ସପ୍ତମ ଦିନରେ ଭାରତକୁ ଆସିଲା 4 ପଦକ । 2ଟି ଗୋଲ୍ଡ ଓ 2ଟି ସିଲଭର ପଦକ ଭାରତକୁ ମିଳିଛି । ତୀରନ୍ଦାଜୀରେ ହରବିନ୍ଦର ସିଂ ଓ ପୁରୁଷ କ୍ଲବ ଥ୍ରୋ F51ରେ ଐତିହାସିକ ସ୍ବର୍ଣ୍ଣ ପଦକ ଜିତିଛନ୍ତି ଧରମବୀର । ସେହିପରି ପ୍ରଣବ ସୋର୍ମା ପୁରୁଷ କ୍ଲବ ଥ୍ରୋ F51ରେ ରୌପ୍ୟ ଓ ପୁରୁଷ ସଟଫୁଟରେ ସଚିନ ଖିଲାରିଙ୍କୁ ରୌପ୍ୟ ପଦକ ମିଳିଛି । ଏହାକୁ ମିଶାଇ ଭାରତର ପଦକ ସଂଖ୍ୟା 24ରେ ପହଞ୍ଚିଛି । ଯାହା ସର୍ବକାଳିନ ରେର୍ଡ ।
A 1-2 finish For #TeamIndia!🇮🇳🥳#ParaAthletics: Men's Club Throw F51 Final👇🏻
— SAI Media (@Media_SAI) September 4, 2024
What an incredible 🤩 day for India🇮🇳 as Dharambir and Pranav Soorma clinch #Gold🥇 and #Silver🥈 with the best throws of 34.92 and 34.59 metres respectively.
This is the first time, India🇮🇳 has won… pic.twitter.com/cbyW9vGFC5
ଇତିହାସ ରଚିଲେ ହରବିନ୍ଦର: ପ୍ରଥମ ଭାରତୀୟ ଭାବେ ପୁରୁଷ ବ୍ୟକ୍ତିଗତ ରିକର୍ଭ ଓପନରେ ପ୍ରବେଶ କରି ସ୍ବର୍ଣ୍ଣ ଜିତି ଇତିହାସ ରଚିଛନ୍ତି ହରବିନ୍ଦର । ପ୍ରଥମ ଭାରତୀୟ ଭାବେ ସେ ତୀରନ୍ଦାଜୀରେ ସ୍ବର୍ଣ୍ଣ ପଦକ ହାସଲ କରିଛନ୍ତି । ଫାଇନାଲରେ ପୋଲାଣ୍ଡର ଲୁକାଶ ସିସଜେକଙ୍କୁ 6-0ରେ ପରାଜିତ କରି ଦେଶ ପାଇଁ ଗୋଲ୍ଡ ଆଣିଥିଲେ ।
ପୁରୁଷ କ୍ଲବ ଥ୍ରୋ F51ରେ ଭାରତକୁ 2 ପଦକ: ଏହି ଇଭେଣ୍ଟରେ ଭାରତକୁ 2 ପଦକ ଆସିଛି । ପ୍ରଥମ ଓ ଦ୍ବିତୀୟ ସ୍ଥାନରେ ରହି ଭାରତକୁ ସ୍ବର୍ଣ୍ଣ ଓ ରୌପ୍ୟ ଭେଟିଦେଇଛନ୍ତି ଧରମବୀର ଓ ପ୍ରଣବ ସୋର୍ମା । ଧରମବୀର କ୍ଲବକୁ 34.92 ମିଟର ଥ୍ରୋ' କରି ପ୍ରଥମ ସ୍ଥାନରେ ରହିଥିବା ବେଳେ ପ୍ରଣବ 34.59 ମିଟର ଥ୍ରୋ' କରି ଦ୍ୱିତୀୟ ସ୍ଥାନରେ ରହିଥିଲେ । ପ୍ରଥମ ଥର ପାଇଁ ପୁରୁଷ କ୍ଲବ ଥ୍ରୋରେ ଭାରତ ସ୍ବର୍ଣ୍ଣ ପଦକ ଜିତିଛି ।
𝗖𝗵𝗮𝗸 D𝗲 Ph𝗮𝘁𝘁𝗲, G𝗼𝗹𝗱 A𝗮 G𝘆𝗮 Ji🥳
— SAI Media (@Media_SAI) September 4, 2024
Result Update: #ParaArchery🏹 Men's Individual Recurve Open Final👇🏻
The man-in-form @ArcherHarvinder created history by becoming the first and only #Archer from India🇮🇳 to clinch a #Gold medal🥇at the #Paralympics or the… pic.twitter.com/2CyfdVBbh7
ସଟଫୁଟରେ ସଚିନଙ୍କୁ ରୌପ୍ୟ: ପୁରୁଷ ସଟଫୁଟରେ ସଚିନ ଖିଲାରିଙ୍କୁ ରୌପ୍ୟ ପଦକ ମିଳିଛି । ସଟଫୁଟକୁ 16.32 ମିଟର ଥ୍ରୋ କରି ସେ ଦ୍ବିତୀୟ ସ୍ଥାନରେ ରହିଥିଲେ । ଏହା ତାଙ୍କର ପାରାଲିମ୍ପିକ୍ସରେ ପ୍ରଥମ ପଦକ ।
ଭାରତର ପଦକ ସଂଖ୍ୟା 24: ପଦକ ଟାଲିରେ ଭାରତର ଏବେ 13 ତମ ସ୍ଥାନରେ ରହିଛି । 5 ସ୍ବର୍ଣ୍ଣ ପଦକ, 9 ରୌପ୍ୟ ଓ 10 ବ୍ରୋଞ୍ଜ ପଦକ ସହ ଇଣ୍ଡିଆର ପଦକ ସଂଖ୍ୟା 24ରେ ପହଞ୍ଚିଛି । ଯାହା ସର୍ବକାଳିନ ରେକର୍ଡ ।
