ପ୍ୟାରିସ: ଅଲିମ୍ପିକ୍ସରେ ଦ୍ବିତୀୟ ଦିନରେ ଅଭିଯାନ ଆରମ୍ଭ କରିଛି ଭାରତ । ରୋଇଂ ମେନ୍ସ ସିଙ୍ଗିଲ ଇଭେଣ୍ଟରେ ପଦକ ଆଶା ଉଜ୍ଜୀବିତ । ପୁରୁଷ ସିଙ୍ଗିଲ ସ୍କଲ୍ସ ହିଟ୍ସରେ ଚତୁର୍ଥ ସ୍ଥାନରେ ଭାରତର ରୋଅର ବଲରାଜ ପନୱର । କ୍ବାର୍ଟର ଫାଇନାଲ ପ୍ରବେଶ କରିନଥିଲେ ମଧ୍ୟ ରିପଚେଜ ରାଉଣ୍ଡଙ୍କୁ ଉନ୍ନୀତ ହୋଇଛନ୍ତି । ଆସନ୍ତାକାଲି ସେ ରିପଚେଜ ରାଉଣ୍ଡରେ ସେମି ବା ଫାଇନାଲକୁ ପ୍ରବେଶ କରିବା ପାଇଁ ଖେଳିବେ । ପୁରୁଷ ସିଙ୍ଗଲ୍ସ ସ୍କଲ୍ସ ହିଟ୍ସ ପ୍ରଥମ ତିନୋଟି ସ୍ଥାନରେ ଥିବା ପ୍ରତିଯୋଗୀ କ୍ବାର୍ଟର ଫାଇନାଲ ଖେଳିବେ ।
#TOPSchemeAthlete and star rower @balraj_rowing finishes 4th with a timing of 07:07.11 on Day 1 of #ParisOlympics2024 in Men’s Single Sculls Heats.
— SAI Media (@Media_SAI) July 27, 2024
He progresses to the Repechage round scheduled tomorrow 1:05 PM IST onwards.
Let’s #Cheer4Bharat and let’s support Balraj 👍🏻 pic.twitter.com/rWVHOzxJV0
ଅଲିମ୍ପିକ୍ସରେ ଡେବ୍ୟୁ କରିଛନ୍ତି ବଲରାଜ: ଆଜି ଅଲିମ୍ପିକ୍ସରେ ଡେବ୍ୟୁ କରିଛନ୍ତି ବଲରାଜ ପନୱର । ରୋଇଂ ପୁରୁଷ ସିଙ୍ଗଲ୍ସ ଇଭେଣ୍ଟରେ ସେ ଏକମାତ୍ର ଭାରତୀୟ ଭାବେ ଭାଗ ନେଇଛନ୍ତି । ପ୍ରଥମ ଥର ପାଇଁ ସେ ଅଲିମ୍ପିକ୍ସ ଖେଳି ଚମତ୍କାର ପ୍ରଦର୍ଶନ କରିଛନ୍ତି । ତାଙ୍କ ଠାରୁ ଭାରତର ପଦକ ଆଶା ରହିଛି । ରୋଇଂ ମେନ୍ସ ସିଙ୍ଗିଲ ଇଭେଣ୍ଟରେ ସେ ପଦକ ହାସଲ କରିପାରନ୍ତି ।
ବଲରାଜ ପନୱର ରୋଇଂରେ ଚତୁର୍ଥ ସ୍ଥାନ ହାସଲ କରି ରିପେଚଜରେ ନିଜର ସ୍ଥାନ ସୁରକ୍ଷିତ କରିଛନ୍ତି । ଆସନ୍ତାକାଲି ବ୍ରୋଞ୍ଜ ପଦକ ପାଇଁ ପ୍ରତିଯୋଗିତା କରିବେ । 25 ବର୍ଷୀୟ ବଲରାଜ ପନୱର 7.7.11 ମିନିଟ ସମୟ ନେଇଥିଲେ । ସେ ମିଶରର ଅବଦେଲଖାଲକ ଏଲବାନାଙ୍କ ପଛରେ ଥିଲେ । ସେ 7.05.06 ମିନିଟ୍ ସମୟରେ ତୃତୀୟ ସ୍ଥାନରେ ରହି କ୍ୱାର୍ଟର ଫାଇନାଲରେ ସ୍ଥାନ ପକ୍କା କରିଥିଲେ । ଚୀନରେ ଆୟୋଜିତ ଏସୀୟ ଗେମ୍ସରେ ବଲରାଜ ପନୱର ଚତୁର୍ଥ ସ୍ଥାନରେ ରହି ବ୍ରୋଞ୍ଜ ପଦକ ହାସଲ କରିଥିଲେ ।
ଅନ୍ୟପଟେ 10 ମିଟର ଏୟାର ରାଇଫଲ ମିକ୍ସଡରେ ଭାରତକୁ ନିରାଶ ହେବାକୁ ପଡିଛି । ଏହି ଇଭେଣ୍ଟରେ 628.7 ସ୍କୋର କରି ଷଷ୍ଠ ସ୍ଥାନରେ ରହିଛନ୍ତି ରମିତା ଜିନ୍ଦଲ ଓ ଅର୍ଜୁଲବାବୁଟାଙ୍କ ଜୋଡି । ସେହିପରି ଏଲାଭେନିଲ ଓ ସନ୍ଦୀପ ସିଂଙ୍କ ଯୋଡି 626.3 ସ୍କୋର କରି 12ତମ ସ୍ଥାନରେ ରହିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
