ହାଇଦ୍ରାବାଦ: ପ୍ୟାରିସ ଅଲିମ୍ପିକ୍ସ 2024ରେ ଭାରତର ପଦକ ଆଶା ନେଇ ଯାଇଥିବା ବକ୍ସର ନିଶାନ୍ତ ଦେବ କ୍ବାର୍ଟର ଫାଇନାଲରୁ ବାଦ ପଡିଛନ୍ତି । ଶନିବାର ରାତିରେ ମେକ୍ସିକୋ ବକ୍ସରଙ୍କ ବିପକ୍ଷରେ ପରାଜୟ ପରେ ଅଲିମ୍ପିକ୍ସ ଅଭିଯାନ ଶେଷ କରିଛନ୍ତି ନିଶାନ୍ତ ଦେବ । ହେଲେ ଏହି ପରାଜୟକୁ ଗ୍ରହଣ କରିପାରିନାହାନ୍ତି ଦେଶବାସୀ । ଅନେକ ଭାରତୀୟ ସୋସିଆଲ ମିଡିଆରେ ନିଶାନ୍ତଙ୍କ ପ୍ରଦର୍ଶନକୁ ପ୍ରଶଂସା କରିବା ସହିତ ବିଚାରପତିଙ୍କ ନିଷ୍ପତ୍ତି ଉପରେ ପ୍ରଶ୍ନ ଉଠାଇଛନ୍ତି । ଏପରିକି ପୂର୍ବତନ ବକ୍ସର ବିଜେନ୍ଦର ସିଂହ ଏବଂ ଅଭିନେତା ରଣଦୀପ ହୁଡ୍ଡା ମଧ୍ୟ ମ୍ୟାଚରେ ସ୍କୋରିଂ ସିଷ୍ଟମ ଉପରେ ପ୍ରଶ୍ନ ଉଠାଇଛନ୍ତି ।
I don’t know what’s the scoring system but I think very close fight..he play so well..koi na bhai #NishantDev
— Vijender Singh (@boxervijender) August 3, 2024
ଏହି ମ୍ୟାଚରେ ସ୍ପଷ୍ଟ ଭାବରେ ଦେଖାଯାଉଥିଲା ଯେ ନିଶାନ୍ତ ପ୍ରଥମ ଦୁଇ ରାଉଣ୍ଡରେ ଅଧିକ ପ୍ରଭାବଶାଳୀ ଥିଲେ । 23 ବର୍ଷୀୟ ନିଶାନ୍ତ ପ୍ରଥମ ରାଉଣ୍ଡରେ ଜବରଦସ୍ତ ପ୍ରଦର୍ଶନ କରି ଜିତିଥିଲେ । କିନ୍ତୁ ପରବର୍ତ୍ତୀ ଦୁଇ ରାଉଣ୍ଡରେ ବିଚାରପତିମାନେ ମେକ୍ସିକୋ ବକ୍ସରଙ୍କୁ ବିଜେତା ଘୋଷଣା କରିଥିଲେ । ଏହା ଦେଖି ଖୋଦ ନିଶାନ୍ତ ମଧ୍ୟ ଆଶ୍ଚର୍ଯ୍ୟ ହୋଇଗଲେ । କାରଣ ସେ ତାଙ୍କ ପ୍ରଦର୍ଶନରୁ ବିଜୟ ଆଶା କରିଥିଲେ । ସେ ବିଚାରପତିଙ୍କ ଫଳାଫଳ ଶୁଣି ଆଶ୍ଚର୍ଯ୍ୟ ହୋଇଯାଇଥିଲେ ।
Nishant had won it .. कती सूत दिया था मेक्सिकन .. what’s this scoring ? Robbed of the medal but won hearts .. Sad!! Many more to go छोरे !! #NishantDev #OlympicGames #Paris2024 pic.twitter.com/idg6exkOq1
— Randeep Hooda (@RandeepHooda) August 3, 2024
2008 ଅଲିମ୍ପିକ୍ ବ୍ରୋଞ୍ଜ ପଦକ ବିଜେତା ବିଜେନ୍ଦର ନିଶାନ୍ତଙ୍କ ଉତ୍କୃଷ୍ଟ ପ୍ରଦର୍ଶନକୁ ପ୍ରଶଂସା କରିବା ସହିତ ମ୍ୟାଚର ସ୍କୋରିଂ ସିଷ୍ଟମ ଉପରେ ପ୍ରଶ୍ନ ଉଠାଇଛନ୍ତି । ସେ ନିଜ ଏକ୍ସ ହ୍ୟାଣ୍ଡେଲରେ ଲେଖିଛନ୍ତି, 'ସ୍କୋରିଂ ସିଷ୍ଟମ୍ କ’ଣ ମୁଁ ଜାଣେନାହିଁ, କିନ୍ତୁ ମୁଁ ଭାବୁଛି ଏହା ଏକ କଡ଼ା ମ୍ୟାଚ୍ ଥିଲା... ସେ (ନିଶାନ୍ତ) ବହୁତ ଭଲ ଖେଳିଥିଲେ... କିଛି କଥା ନାହିଁ ଭାଇ ନିଶାନ୍ତ ଦେବ...।' ଅନ୍ୟପଟେ ଅଭିନେତା ରଣଦୀପ ହୁଡ୍ଡାଙ୍କ କହିବା କଥା ହେଉଛି, ନିଶାନ୍ତଙ୍କୁ ହରାଇ ତାଙ୍କଠାରୁ ଅଲିମ୍ପିକ୍ସ ପଦକ ଛଡ଼ାଇ ନିଆଯାଇଛି । ସେ ନିଜ ଏକ୍ସ ହ୍ୟାଣ୍ଡେଲରେ ଲେଖିଛନ୍ତି, 'ନିଶାନ୍ତ ଜିତି ସାରିଥିଲେ, ଏ କି ପ୍ରକାର ସ୍କୋରିଂ ? ପଦକ ଛଡ଼ାଇ ନିଆଗଲା କିନ୍ତୁ ହୃଦୟ ଜିତିଗଲେ ନିଶାନ୍ତ । ଦୁଃଖର ବିଷୟ, ତଥାପି ବହୁତ କିଛି କରିବାକୁ ବାକି ଅଛି ଭାଇ...।'
THIS IS ROBBERY!! Nishant Dev was the clear winner. Boxing is so rigged, no one knows how the judges are scoring. No transparency, just unorganised & based on favouritism & luck. WWE matches make more sense than this clownery they calling boxing rn!#Boxing #Olympics #Paris2024 pic.twitter.com/qyra7K7qVV
— sohom (@AwaaraHoon) August 3, 2024
ସୋସିଆଲ ମିଡିଆରେ ଅନ୍ୟଜଣେ ୟୁଜର ଲେଖିଛନ୍ତି, "ଏହା ଏକ ଲୁଟ୍ । ନିଶାନ୍ତ ଦେବ ସ୍ପଷ୍ଟ ବିଜେତା ହୋଇଥିଲେ । ବକ୍ସିଂରେ ଏତେ ରିଗିଂ ଅଛି ଯେ ବିଚାରପତିମାନେ କିପରି ସ୍କୋର କରୁଛନ୍ତି ତାହା କେହି ଜାଣନ୍ତି ନାହିଁ । କୌଣସି ସ୍ବଚ୍ଛତା ନାହିଁ, କେବଳ ଅସଂଗଠିତ ଏବଂ ପକ୍ଷପାତିତା ଏବଂ ଭାଗ୍ୟ ଉପରେ ଆଧାରିତ ଖେଳ । WWE ମ୍ୟାଚ୍ ଗୁଡିକ ମଧ୍ୟ ବକ୍ସିଂ ଅପେକ୍ଷା ଅଧିକ ଭଲରେ ବୁଝିହୁଏ ।" ଆଉ ଜଣେ ଲେଖିଛନ୍ତି, "କଳ୍ପନା କରନ୍ତୁ ଗୋଟିଏ ଦେଶ ଏବଂ ଏହାର ପ୍ରଶଂସକମାନେ ପ୍ରତ୍ୟେକ ପଦକ ପାଇଁ ଚାହିଁ ରହିଛନ୍ତି, ଏବଂ ବିଳମ୍ବିତ ରାତି ପର୍ଯ୍ୟନ୍ତ ସେମାନଙ୍କ ଖେଳାଳିଙ୍କୁ ଉତ୍ସାହିତ କରିବାକୁ ଚାହିଁ ରହିଛନ୍ତି । ହେଲେ ତା’ପରେ ଏକ ହାସ୍ୟାସ୍ପଦ ନିଷ୍ପତ୍ତି ମାଧ୍ୟମରେ ଆମ ଖେଳାଳିଙ୍କଠାରୁ ପଦକ ଛଡ଼ାଇ ନିଆଯାଉଛି । ନିଶାନ୍ତ ଦେବ ଆଜି ବିଜେତା ବକ୍ସର ଥିଲେ । ଆୟୋଜକ ଏବଂ ରେଫରିମାନଙ୍କୁ ଲଜ୍ଜ୍ୟା ଲାଗିବା ଉଚିତ । ପ୍ରତ୍ୟେକ ଭାରତୀୟ ଏହା ବିରୋଧରେ ସ୍ବର ଉତ୍ତୋଳନ କରିବା ଉଚିତ୍, ଯେମିତି ପ୍ରତିବାଦର ସ୍ବର ପ୍ୟାରିସ ପର୍ଯ୍ୟନ୍ତ ଶୁଣାଯିବ ।
🚨A MOMENT OF SHAME IN OLYMPICS!
— Roshan Rai (@RoshanKrRaii) August 3, 2024
Imagine a country and its fans desperate for every medal staying up late just to cheer on their athletes.
& then they are robbed of a medal in broad daylight by an absolute joke of a judgement.
Nishant Dev was the better boxer today, by a… pic.twitter.com/oHV0KvIs5u
ଏହା ମଧ୍ୟ ପଢ଼ନ୍ତୁ...ବକ୍ସିଂରେ ପଦକ ଆଣିପାରିଲେନି ନିଶାନ୍ତ, ଏବେ ଏକମାତ୍ର ଭରସା ଲୋଭଲିନା - Paris Olympics 2024
ବ୍ୟୁରୋ ରିପୋର୍ଟ, ଇଟିଭି ଭାରତ
