ପ୍ୟାରିସ୍ (ଫ୍ରାନ୍ସ): ପ୍ୟାରିସ୍ ଅଲିମ୍ପିକ୍ସ 2024ରେ ଭାରତୀୟ ମହିଳା ବକ୍ସରଙ୍କୁ ମିଳିଛି କଡ଼ା ଚ୍ୟାଲେଞ୍ଜ । କାରଣ ଗୁରୁବାର ଏହି ଇଭେଣ୍ଟକୁ ଡ୍ର' ଘୋଷଣା କରିଦିଆଯାଇଛି । ଅର୍ଥାତ ଭାରତୀୟ ମହିଳା ବକ୍ସର ନିଖତ୍ ଜରିନ୍ ଏବଂ ଲଭଲିନା ବୋର୍ଗୋହେନଙ୍କୁ କଡ଼ା ମୁକାବିଲା ସାମ୍ନା କରିବାକୁ ହେବ । ମହିଳା 50 କିଲୋଗ୍ରାମ ବର୍ଗରେ ନିଖତ ଜରିନ 32 ରାଉଣ୍ଡରେ ଜର୍ମାନୀର ମ୍ୟାକ୍ସି କ୍ଲୋଏଜରଙ୍କୁ ଭେଟିବେ । ଡ୍ର' ଗେମ୍ ଟୁର୍ଣ୍ଣାମେଣ୍ଟ ଅନୁଯାୟୀ, ଦୁଇଥର ବିଶ୍ୱ ଚମ୍ପିଆନ୍ ହୋଇଥିବା ନିଖତ 16 ତମ ରାଉଣ୍ଡରେ ଚୀନ୍ର ଡିଫେଣ୍ଡିଂ ଏସୀୟ ଗେମ୍ସ ଚମ୍ପିଆନ୍ ୱୁ ୟୁଙ୍କୁ ସାମ୍ନା କରିପାରନ୍ତି ।
Punching for Glory, Fighting for India 🥊🇮🇳
— Boxing Federation (@BFI_official) July 26, 2024
Wishing all the best to our boxers for #Paris2024, make us proud champs 🙌💪#PunchMeinHaiDum#Cheer4Bharat#Boxing pic.twitter.com/bSaDknZFq4
ଲଭଲିନା ବୋର୍ଗୋହେନ: ଲଭଲିନାଙ୍କ ପାଇଁ ମଧ୍ୟ ପଦକ ରାସ୍ତା ଏତେ ସହଜ ହେବନାହିଁ । ସେ ମହିଳା 75 କିଲୋଗ୍ରାମ ବର୍ଗରେ ନରୱେର ସୁନ୍ନିଭା ହଫଷ୍ଟେଡଙ୍କୁ ଭେଟିବେ । ଏହାପରେ ସେ କ୍ୱାର୍ଟର ଫାଇନାଲରେ ଚୀନ୍ର ଲି କିଆନ୍ଙ୍କୁ ଭେଟି ପାରନ୍ତି । ଯାହା ତାଙ୍କ ରାସ୍ତାକୁ ଆହୁରି କଠିନ କରିଦେଇପାରେ ।
Olympic diary day 2️⃣ 🇮🇳📸#PunchMeinHaiDum#Paris2024#1daystogo#Boxing pic.twitter.com/7XIgamx5UJ
— Boxing Federation (@BFI_official) July 25, 2024
ନିଖତ ଜରିନ: ନିଖତଙ୍କ ସମ୍ଭାବ୍ୟ ପ୍ରତିଦ୍ବନ୍ଦ୍ବୀ ଚୀନର ୱୁ ୟୁ ବିଶ୍ବରେ ତାଙ୍କ ବର୍ଗର ଶୀର୍ଷ ମାନ୍ୟତାପ୍ରାପ୍ତ ବକ୍ସର ଅଟନ୍ତି ଏବଂ 52 କିଲୋଗ୍ରାମରେ ବର୍ତ୍ତମାନର ବିଶ୍ୱ ଚମ୍ପିଆନ୍ ମଧ୍ୟ ଅଟନ୍ତି । ଯଦି ଚୀନର ଏହି ହେଭିୱେଟ୍ଙ୍କ ଚ୍ୟାଲେଞ୍ଜକୁ ନିଖତ ମାତ ଦେଇ ଆଗକୁ ବଢ଼ନ୍ତି, ତେବେ ସେ କ୍ୱାର୍ଟର ଫାଇନାଲରେ ଥାଇଲାଣ୍ଡର ଚୁଥାମତ ରକ୍ସତ କିମ୍ବା ଉଜବେକିସ୍ତାନର ସବିନା ବବୋକୁଲୋଭାଙ୍କୁ ଭେଟିବେ । ଚଳିତ ବର୍ଷ ଆରମ୍ଭରେ ଖେଳାଯାଇଥିବା ଷ୍ଟ୍ରେଣ୍ଡଜା ମେମୋରିଆଲ ଫାଇନାଲରେ ନିଖତ ବବୋକୁଲୋଭାଙ୍କ ବିପକ୍ଷରେ ପରାଜୟ ବରଣ କରିଥିଲେ । ଏଥିସହ ଗତବର୍ଷ ଏସୀୟ କ୍ରୀଡ଼ା ସେମିଫାଇନାଲରେ ମଧ୍ୟ ନିଖତଙ୍କୁ ପରାସ୍ତ କରିଥିଲେ ଥାଇଲାଣ୍ଡର ଚୁଥାମତ ରକ୍ସତ । ତେଣୁ ଉଭୟ ଚ୍ୟାଲେଞ୍ଜ ଭାରତୀୟ ବକ୍ସରଙ୍କ ଲାଗି କଷ୍ଟସାଧ୍ୟ ରହିପାରେ ।
#Boxing,#Paris2024, Nikhat's draw analysis: The problem with us Indians is that we easily get scared with draws..
— Vishank Razdan (@VishankRazdan) July 25, 2024
However, if I were Nikhat, I'd be smirking sheepishly as one is always rusty starting off their campaign while Nikhat will be in her 2nd bout against Wu..
(1/2) pic.twitter.com/QkRMqeMz57
ଜସ୍ମିନ ଲେମ୍ବୋରାଇ: ମହିଳା 57 କିଲୋଗ୍ରାମ ବର୍ଗରେ ଫିଲିପାଇନ୍ସର ଟୋକିଓ 2020 ଅଲିମ୍ପିକ୍ସର ରୌପ୍ୟ ପଦକ ବିଜେତା ନେଷ୍ଟି ପେଟେସିଓଙ୍କ ବିପକ୍ଷରେ ଅଲିମ୍ପିକ୍ ଅଭିଯାନ ଆରମ୍ଭ କରିବେ ଭାରତୀୟ ମହିଳା ବକ୍ସର ଜସ୍ମିନ ଲେମ୍ବୋରାଇ । ଯଦି ଏହି ବାଜି ଜିତନ୍ତି, ତେବେ ଜସ୍ମିନ ପରବର୍ତ୍ତୀ ରାଉଣ୍ଡରେ ଫ୍ରାନ୍ସର ତୃତୀୟ ରାଙ୍କପ୍ରାପ୍ତ ଅମିନା ଜିଦାନିଙ୍କୁ ଭେଟିବେ ।
ଅମିତ ପଂଘାଲ ଓ ନିଶାନ୍ତ ଦେବ: ଏସୀୟ କ୍ରୀଡ଼ାର ବ୍ରୋଞ୍ଜ ପଦକ ବିଜେତା ପ୍ରୀତି ପାୱାରଙ୍କୁ 32 ରାଉଣ୍ଡରେ ଭିଏତନାମର ଭୋ ଥି କିମ୍ ଆନଙ୍କ ବିପକ୍ଷରେ ଡ୍ର' ଘୋଷଣା କରାଯାଇଛି । ଅନ୍ୟପଟେ ଅମିତ ପଂଘାଲ ଏବଂ ନିଶାନ୍ତ ଦେବ ସେମାନଙ୍କର ପ୍ରାରମ୍ଭିକ ମ୍ୟାଚ ଖେଳିବେ । ଅମିତ ତାଙ୍କ ଉଦଘାଟନୀ ମ୍ୟାଚରେ ଜାମ୍ବିଆର ପାଟ୍ରିକ୍ ଚିନ୍ବେମ୍ବାଙ୍କୁ ଭେଟିବାକୁ ଥିବାବେଳେ ନିଶାନ୍ତ ଦେବ ଇକ୍ୱାଡୋରର ଜୋସ୍ ରୋଡ୍ରିଗ୍ସ ଟେନୋରିଓଙ୍କୁ ଭେଟିବେ ।
#Boxing, #Paris2024, Amit Panghal's draw analysis: Finally Amit has got a somewhat decent draw.. Had he got this draw in Tokyo he'd have definitely won a medal.. However, if his fitness stays intact, I don't see him coming empty handed from Paris!
— Vishank Razdan (@VishankRazdan) July 25, 2024
Go for glory, Amit..
👏🇮🇳 pic.twitter.com/YCNIs6oIhT
ପ୍ରକାଶ ଥାଉ, ଆଜି (ଜୁଲାଇ 26)ଠାରୁ ଶୁଭ ଉଦ୍ଘାଟନ ହେବ ପ୍ୟାରିସ୍ ଅଲିମ୍ପିକ୍ସ 2024 । ଆସନ୍ତାକାଲି, ଅର୍ଥାତ ଜୁଲାଇ 27ରେ ଏରିନା ପ୍ୟାରିସ୍ ନର୍ଡରେ ପ୍ରାରମ୍ଭିକ ରାଉଣ୍ଡରୁ ବକ୍ସିଂ ପ୍ରତିଯୋଗିତା ଆରମ୍ଭ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
