ନୂଆଦିଲ୍ଲୀ: 16ଦିନ ପରେ ଶେଷ ହୋଇଛି ପ୍ୟାରିସ ଅଲିମ୍ପିକ୍ସ । ଚଳିତ ଥର ଭାରତୀୟ ଆଥଲେଟ୍ଙ୍କ ପ୍ରଦର୍ଶନ ନୈରାଶ୍ୟଜନକ ରହିଥିଲେ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉଦଯାପନୀ ଅବସରରେ ଭାରତୀୟ କଣ୍ଟିଜେଣ୍ଟଙ୍କୁ ପ୍ରଂଶସା କରିଛନ୍ତି । ସମସ୍ତ ଆଥଲେଟ୍ ସେମାନଙ୍କର ଶ୍ରେଷ୍ଠ ପ୍ରଦର୍ଶନ କରିଛନ୍ତି ଏବଂ ଭାରତ ସେମାନଙ୍କ ପାଇଁ ଗର୍ବିତ ବୋଲି କହିଛନ୍ତି ପ୍ରଧାନମନ୍ତ୍ରୀ । ଚଳିତ ଅଲିମ୍ପିକ୍ସରେ ଭାତର ମାତ୍ର 6ଟି ମେଡାଲ ହାସଲ କରି ମେଡାଲ ଟାଲିର 71 ତମ ସ୍ଥାନରେ ରହିଛି । 6 ପଦକ ମଧ୍ୟରୁ ଗୋଟିଏ ସିଲଭର ହୋଇଥିବା ବେଳେ 5ଟି ବ୍ରୋଞ୍ଜ । କୌଣସିବି ଭାରତୀୟ ଆଥଲେଟ୍ ସ୍ବର୍ଣ୍ଣ ପଦକ ହାସଲ କରିବାରେ ସକ୍ଷମ ହୋଇନଥିଲେ ।
'ଅଲିମ୍ପିଆନ୍ସଙ୍କ ପାଇଁ ଦେଶ ଗର୍ବିତ': ପ୍ୟାରିସ ଅଲିମ୍ପିକ୍ସ ସମାପ୍ତ ହୋଇଛି । ଏଥିରେ ଭାଗ ନେଇଥିବା ସମସ୍ତ ଭାରତୀୟ ଖେଳାଳିଙ୍କ ଉଦ୍ୟମକୁ ମୁଁ ପ୍ରଶଂସା କରୁଛି । ସମସ୍ତ ଆଥଲେଟ୍ ସେମାନଙ୍କର ଶ୍ରେଷ୍ଠ ପ୍ରଦର୍ଶନ ଦେଇଛନ୍ତି ଏବଂ ପ୍ରତ୍ୟେକ ଭାରତୀୟ ସେମାନଙ୍କ ପାଇଁ ଗର୍ବିତ। ଆମର କ୍ରୀଡା ହିରୋଙ୍କୁ ସେମାନଙ୍କର ଆଗାମୀ ପ୍ରୟାସ ପାଇଁ ଶୁଭେଚ୍ଛା ।
As the Paris #Olympics conclude, I appreciate the efforts of the entire Indian contingent through the games. All the athletes have given their best and every Indian is proud of them. Wishing our sporting heroes the best for their upcoming endeavours.
— Narendra Modi (@narendramodi) August 11, 2024
ଅଲିମ୍ପିକ୍ସରେ ପଦକ ହାସଲ କରିଥିଲା ଖେଳାଳିଙ୍କୁ ଶୁଭେଚ୍ଛା ଜଣାଇଥିଲେ ମୋଦି: ପ୍ୟାରିସ ଅଲିମ୍ପିକ୍ସରେ ଭାରତ ମାତ୍ର 6ଟି ପଦକ ଜିତିଛି । ପଦକ ହାସଲ କରିବା ପରେ ପ୍ରଧାନମନ୍ତ୍ରୀ ଖେଳାଳିଙ୍କୁ ଫୋନ କରିବା ସହ ଟ୍ବିଟ ଯୋଗେ ଶୁଭେଚ୍ଛା ଜଣାଉଥିଲେ । ଫୋନରେ କଥା ହେବା ସମୟରେ ସେମାନଙ୍କ ଉଦ୍ୟମକୁ ପ୍ରଶଂସା କରିଥିଲେ । ସୁଟର ମନୁ ଭାକର, ସରବଜୋତ ସିଂ, ସ୍ବପ୍ନିଲ କୁସାଲେ, ଭାରତୀୟ ହକି ଟିମ୍, ନୀରଜ ଚୋପ୍ରା, ଅମନ ସେରାୱତ ପଦକ ହାସଲ କରିଛନ୍ତି ।
117 ଜଣ ଖେଳାଳି ଭାଗ ନେଇଥିଲେ, ଆସିଲା 6 ପଦକ: ଚଳିତ ବର୍ଷ ଭାରତ 117 ଖେଳାଳି ଅଲିମ୍ପିକ୍ସରେ ସାମିଲ ହୋଇଥିଲେ। ସେମାନଙ୍କ ମଧ୍ୟରୁ କେବଳ 4 ଜଣ ବ୍ୟକ୍ତିଗତ ଇଭେଣ୍ଟରେ ପଦକ ହାସଲ କରିଛନ୍ତି । ମନୁ ଭାକର ପ୍ରଥମ ଭାରତୀୟ ଭାବେ ଅଲିମ୍ପିକ୍ସର ଗୋଟିଏ ସଂସ୍କରଣରେ 2ଟି ପଦକ ଜିତିଥିଲେ । ଭାରତୀୟ ପୁରୁଷ ହକି ଦଳ ବ୍ରୋଞ୍ଜ ପଦକ ହାସଲ କରିଥିଲା । ନୀରଜ ଚୋପ୍ରା ଜାଭେଲିନରେ ରୌପ୍ୟ ପଦକ, ଅମନ ସେରାୱତ କୁସ୍ତିରେ ବ୍ରୋଞ୍ଜ, ମନୁ ଭାକର ଓ ସରବଜୋତ ସିଂହଙ୍କ ଯୋଡ଼ି ଅଲିମ୍ପିକ୍ସରେ ଶୁଟିଂ ଯୋଡ଼ି ଭାବେ ମିଶ୍ରିତ ଇଭେଣ୍ଟରେ ବ୍ରୋଞ୍ଜ ପଦକ ହାସଲ କରିଥିଲେ । ସ୍ବପ୍ନିଲ 50 ମିଟର ଏୟାର ରାଇଫଲ 3Pରେ ଭାରତ ପାଇଁ ବ୍ରୋଞ୍ଜ ପଦକ ଜିତିଥିଲେ ।
