କଟକ: ଭିନୋ ମଙ୍କଡ ଟ୍ରଫି ପାଇଁ ଘୋଷଣା ହେଲା ଓଡିଶା ଅଣ୍ଡର-19 ପୁରୁଷ ଦଳ । ସାମ୍ବାଦିକ ସମ୍ମିଳନୀରେ 17 ଜଣିଆ ଦଳ ଘୋଷଣା କଲେ ଓଡ଼ିଶା କ୍ରିକେଟ ଆସୋସିଏସନ ଜୁନିୟର ଚୟନ କମିଟି ଅଧ୍ୟକ୍ଷ ପ୍ରଭଞ୍ଜନ ମଲ୍ଲିକ । ଏହି ଦଳରେ ସମ୍ବିତ କୁମାର ବେଜାଙ୍କ କାନ୍ଧରେ ନ୍ୟସ୍ତ ରହିଛି ଅଧିନାୟକ ଭାର । ଆସନ୍ତା ଅକ୍ଟୋବର 4 ତାରିଖରୁ ରାଜସ୍ଥାନର ଜୟପୁରରେ ଅଭିଯାନ ଆରମ୍ଭ କରିବାକୁ ଯାଉଥିବା ଓଡ଼ିଶା ଦଳ ଏହି ଟୁର୍ଣ୍ଣାମେଣ୍ଟରେ ଭଲ ପ୍ରଦର୍ଶନ କରିବ ବୋଲି ଆଶା ରଖିଛି ଓସିଏ ।
ଏମିତି ରହିଛି ଟିମ :-
ସମ୍ବିତ କୁମାର ବେଜାଙ୍କ ନେତୃତ୍ବାଧୀନ ଦଳରେ ହେମନ୍ତ ରଥୀ, ଶ୍ରେୟାଂସ ଭରଦ୍ବାଜ, ସୟଦ ଟି ଅହମ୍ମଦଙ୍କ ଭଳି ଧୂଆଁଧାର ବ୍ୟାଟରଙ୍କୁ ଚୟନ କରିଛି ଓସିଏ । ଟିମରେ ଦୁଇ ୱିକେଟ କିପର ପନକାଲ ମୋକ୍ଷିତ ଓ ଆକାଶ ମହାପାତ୍ରଙ୍କୁ ମିଳିଛି ସୁଯୋଗ । ବୋଲିଂ ବିଭାଗ ଉପରେ ନଜର ପକାଇଲେ, ରୋହିତ ପ୍ରଧାନ, ଅର୍ଣ୍ଣବ ପଟ୍ଟନାୟକ, କୃଷ୍ଣା ମହାନ୍ତିଙ୍କୁ ଦଳରେ ସାମିଲ କରିଛି ଓସିଏ । ଆଗମୀ ଅକ୍ଟୋବର 4 ତାରିଖରୁ ରାଜସ୍ଥାନର ଜୟପୁରରେ ଟିମ୍ ଓଡିଶା ଏହାର ଅଭିଯାନ ଆରମ୍ଭ କରିବ । ପ୍ରଥମ ମ୍ୟାଚ୍ରେ ମିଜୋରାମକୁ ଭେଟିବ ଓଡିଶା । ଏହାପରେ ପଞ୍ଜାବ, ତାମିଲନାଡୁ, ଜାମୁ-କାଶ୍ମୀର ଓ ତ୍ରିପୁରାକୁ ଭେଟିବ ଭ୍ରମଣକାରୀ ଓଡିଶା । ଓସିଏ ଜୁନିୟର ଚୟନ କମିଟି ଅଧ୍ୟକ୍ଷ ପ୍ରଭଞ୍ଜନ ମଲ୍ଲିକ କହିଛନ୍ତି, "ଏହି ଟ୍ରଫି ପାଇଁ ଓଡିଶା ଟିମର ପ୍ରସ୍ତୁତି ଭଲ ରହିଛି । ଅଭ୍ୟାସ ମ୍ୟାଚ୍, କ୍ୟାମ୍ପ ଜରିଆରେ ଏହି ମଜଭୁତ ଟିମ ଚୟନ କରାଯାଇଛି । ତେଣୁ ଏହି ପ୍ରତିଯୋଗିତାରେ ଟିମ ଓଡ଼ିଶାର ପଦର୍ଶନ ଭଲ ରହିବ ବୋଲି ଆମେ ଆଶା କରୁଛୁ ।"
Official Announcement: Odisha U19 Men’s Team for Vinoo Mankad Trophy 2024-25!
— Odisha Cricket Association (@cricket_odisha) September 30, 2024
The Odisha U19 Men’s team for the Vinoo Mankad Trophy (One-Day Format) was officially announced by *Mr. Subhrajit Sahoo* (Member of the Odisha Junior Men Selection Committee) and *Head Coach Mr.… pic.twitter.com/qCWKDADeM7
ଭିନୋ ମଙ୍କଡ ଟ୍ରଫି ପାଇଁ ଓଡ଼ିଶା ଦଳ :-
ଶ୍ରେୟଂସ ଭରଦ୍ବାଜ, ସମ୍ବିତ କୁମାର ବେଜା (ଅଧିନାୟକ), ହେମନ୍ତ ରଥି, ସୟଦ ଟି ଅହମ୍ମଦ, ପନକାଲ ମୋକ୍ଷିତ (ୱିକେଟ କିପର), ଆକାଶ ମହାପାତ୍ର (ୱିକେଟ କିପର), ଆୟୁଷ ଚାନ୍ଦ, ସୌଭାଗ୍ୟ ଓଝା, ଅଭିନୀତ ପଟ୍ଟନାୟକ, ଆୟୁଷ କେ ସୂତାର, ପନକାଲ ଶସାଂକ, ରୁଦ୍ର ପ୍ରସାଦ ମଲ୍ଲିକ, ଉଦିତ ନାରାୟଣ ଜଟା, ଶ୍ରୀରାଜ ପଟ୍ଟନାୟକ, କ୍ରିଷ୍ଣା ମହାନ୍ତି, ଅର୍ଣ୍ଣବ ପଟ୍ଟନାୟକ, ରୋହିତ ପ୍ରଧାନ
- ଏହା ମଧ୍ୟ ପଢ଼ନ୍ତୁ :-
ସିକେ ନାଇଡୁ ଟ୍ରଫି ପାଇଁ ଘୋଷଣା ହେଲା ଓଡିଶା ଦଳ - C K Nayudu Trophy - U19 ଟି20 ଟ୍ରଫି ପାଇଁ ଓଡିଶା ଦଳ ଘୋଷିତ, ପୂଜା ଯାଦବଙ୍କ ନେତୃତ୍ବରେ ଖେଳିବ ଦଳ - Womens U19 T20 Trophy
- ସିନିୟର ମହିଳା ଟି20 ଟ୍ରଫି ପାଇଁ ଘୋଷଣା ହେଲା ଓଡିଶା ଦଳ; ମାଧୁରୀ ମେହଟା କ୍ୟାପ୍ଟେନ - Senior Womens T20 Trophy
ବ୍ୟୁରୋ ରିପୋର୍ଟ, ଇଟିଭି ଭାରତ
