ହାଇଦ୍ରାବାଦ : ଶ୍ରୀଲଙ୍କା ବିପକ୍ଷ ଦିନିକିଆ ଏବଂ ଟି20 ସିରିଜ ପରେ ଭାରତୀୟ କ୍ରିକେଟ୍ ଦଳ ବର୍ତ୍ତମାନ ବିଶ୍ରାମ ନେଇଛି । ଶାନ୍ତ ହୋଇଯାଇଛି ହିଟ୍ମ୍ୟାନଙ୍କ ବ୍ୟାଟ, କିଙ୍ଗ୍ କୋହଲିଙ୍କ ରେକର୍ଡ ବ୍ରେକରେ ଲାଗିଛି ବ୍ରେକ୍ । ଆସନ୍ତା ମାସ 18 ସେପ୍ଟେମ୍ବର ପର୍ଯ୍ୟନ୍ତ ଭାରତୀୟ ଦଳର କୌଣସି ଅନ୍ତର୍ଜାତୀୟ ମ୍ୟାଚ୍ ନାହିଁ । ଟି20 ବିଶ୍ୱକପ୍ ଜିତିବା ପରେ ଭାରତ ଜିମ୍ବାୱେ ଏବଂ ଶ୍ରୀଲଙ୍କା ଗସ୍ତ କରିଥିଲା । ଯେଉଁଠାରେ ଭାରତୀୟ ଦଳ 27 ବର୍ଷ ପରେ ଶ୍ରୀଲଙ୍କା ବିପକ୍ଷରେ ଦିନିକିଆ ସିରିଜ୍ ହାରିବାର ଅନାବଶ୍ୟକ ରେକର୍ଡ କରିଛି । ଆସନ୍ତା ବର୍ଷ ଅନୁଷ୍ଠିତ ହେବାକୁ ଥିବା ଚମ୍ପିଆନ୍ସ ଟ୍ରଫି ପର୍ଯ୍ୟନ୍ତ ଭାରତକୁ କିଛି ଦ୍ବିପାକ୍ଷିକ ସିରିଜ୍ ଖେଳିବାକୁ ପଡିବ । ଦେଖନ୍ତୁ ଫେବୃଆରୀ ପର୍ଯ୍ୟନ୍ତ ଭାରତର ସମ୍ପୂର୍ଣ୍ଣ କ୍ରୀଡ଼ାସୂଚୀ,
ବାଂଲାଦେଶ ବିପକ୍ଷରେ ଟେଷ୍ଟ ଓ ଟି20 ସିରିଜ :-
ଭାରତୀୟ କ୍ରିକେଟ୍ ଦଳ 19 ସେପ୍ଟେମ୍ବରରୁ 12 ଅକ୍ଟୋବର ପର୍ଯ୍ୟନ୍ତ ବାଂଲାଦେଶ ବିପକ୍ଷରେ 2ଟି ଟେଷ୍ଟ ଏବଂ 3 ଟି20 ମ୍ୟାଚ୍ ଖେଳିବ । ଏହି ସମ୍ପୂର୍ଣ୍ଣ ସିରିଜ୍ ଭାରତରେ ହିଁ ଖେଳାଯିବ । ପ୍ରଥମ ଟେଷ୍ଟ 19 ସେପ୍ଟେମ୍ବରରେ ଏବଂ ଦ୍ବିତୀୟଟି 27 ସେପ୍ଟେମ୍ବରରେ ଖେଳାଯିବ । ଏହାପରେ ଅକ୍ଟୋବର 6ରୁ ଅକ୍ଟୋବର 12 ପର୍ଯ୍ୟନ୍ତ 3 ଟି20 ମ୍ୟାଚ୍ ଖେଳାଯିବ । ଏହାର ସିଧାପ୍ରସାରଣ ଜିଓ ସିନେମାରେ ହେବ ।
| କ୍ର.ନଂ | ତାରିଖ | ମ୍ୟାଚ୍ | ଫର୍ମାଟ | ସମୟ | ସ୍ଥାନ |
| 1 | 19 ସେପ୍ଟେମ୍ବରରୁ 23 ସେପ୍ଟେମ୍ବର | ଭାରତ ବନାମ ବାଂଲାଦେଶ | ଟେଷ୍ଟ | ସକାଳ 9.30 | ଏମ୍ଏ ଚିଦାମ୍ବରମ ଷ୍ଟାଡିୟମ, ଚେନ୍ନାଇ |
| 2 | 27 ସେପ୍ଟେମ୍ବରରୁ 01 ଅକ୍ଟୋବର | ଭାରତ ବନାମ ବାଂଲାଦେଶ | ଟେଷ୍ଟ | ସକାଳ 9.30 | ଗ୍ରୀନ ପାର୍କ, କାନପୁର |
| 3 | 06 ଅକ୍ଟୋବର | ଭାରତ ବନାମ ବାଂଲାଦେଶ | T20I | ସନ୍ଧ୍ୟା 7.30 | ଧର୍ମଶାଳା |
| 4 | 9 ଅକ୍ଟୋବର | ଭାରତ ବନାମ ବାଂଲାଦେଶ | T20I | ସନ୍ଧ୍ୟା 7.30 | ଅରୁଣ ଜେଟଲୀ ଷ୍ଟାଡିୟମ, ଦିଲ୍ଲୀ |
| 5 | 12 ଅକ୍ଟୋବର | ଭାରତ ବନାମ ବାଂଲାଦେଶ | T20I | ସନ୍ଧ୍ୟା 7.30 | ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମ, ହାଇଦ୍ରାବାଦ |
ନ୍ୟୁଜିଲାଣ୍ଡ ଓ ଦକ୍ଷିଣ ଆଫ୍ରିକା ବିପକ୍ଷ ସିରିଜ :-
ବାଂଲାଦେଶ ବିପକ୍ଷ ସିରିଜ୍ ପରେ ଭାରତୀୟ ଦଳ ଘରୋଇ ମାଟିରେ ନ୍ୟୁଜିଲାଣ୍ଡ ବିପକ୍ଷରେ 3ଟି ଟେଷ୍ଟ ମ୍ୟାଚ୍ ଖେଳିବ । ଏହି ମ୍ୟାଚଗୁଡିକ 16 ଅକ୍ଟୋବରରୁ 5 ନଭେମ୍ବର ପର୍ଯ୍ୟନ୍ତ ଖେଳାଯିବ । ଏହି ଟେଷ୍ଟ ମ୍ୟାଚ୍ ସିରିଜର 3ଦିନ ପରେ, ଅର୍ଥାତ 8 ନଭେମ୍ବରରୁ ଭାରତୀୟ ଦଳ ଦକ୍ଷିଣ ଆଫ୍ରିକା ଗସ୍ତ କରିବ । ଯେଉଁଠାରେ 15 ନଭେମ୍ବର ପର୍ଯ୍ୟନ୍ତ ଘରୋଇ ଦଳ ବିପକ୍ଷରେ 4 ଟି20 ମ୍ୟାଚ୍ ଖେଳାଯିବ । ଏହି ମ୍ୟାଚ୍ ମଧ୍ଯ ଆପଣ ଜିଓ ସିନେମାରେ ଦେଖିପାରିବେ ।
ନ୍ୟୁଜିଲାଣ୍ଡ ବିପକ୍ଷ ସିରିଜ :-
| କ୍ର.ନଂ | ତାରିଖ | ମ୍ୟାଚ୍ | ଫର୍ମାଟ | ସମୟ | ସ୍ଥାନ |
| 1 | ଅକ୍ଟୋବର 16- ଅକ୍ଟୋବର 20 | ଭାରତ ବନାମ ନ୍ୟୁଜିଲାଣ୍ଡ | ଟେଷ୍ଟ | 9.30 AM | ଏମ୍ ଚିନ୍ନାସ୍ବାମୀ ଷ୍ଟାଡିୟମ, ବେଙ୍ଗାଲୁରୁ |
| 2 | ଅକ୍ଟୋବର 24- ଅକ୍ଟୋବର 28 | ଭାରତ ବନାମ ନ୍ୟୁଜିଲାଣ୍ଡ | ଟେଷ୍ଟ | 9.30 AM | ମହାରାଷ୍ଟ୍ର କ୍ରିକେଟ ଆସୋସିଆସନ ଷ୍ଟାଡିୟମ, ପୁନେ |
| 3 | ନଭେମ୍ବର 01- ନଭେମ୍ବର 05 | ଭାରତ ବନାମ ନ୍ୟୁଜିଲାଣ୍ଡ | ଟେଷ୍ଟ | 9.30 AM | ୱାଙ୍ଖେଡେ ଷ୍ଟାଡିୟମ, ମୁମ୍ବାଇ |
ଦକ୍ଷିଣ ଆଫ୍ରିକା ବିପକ୍ଷ ସିରିଜ :-
| କ୍ର.ନଂ | ତାରିଖ | ମ୍ୟାଚ୍ | ଫର୍ମାଟ | ସମୟ | ସ୍ଥାନ |
| 1 | 08 ନଭେମ୍ବର | ଭାରତ ବନାମ ଦ.ଆଫ୍ରିକା | T20I | - | କିଙ୍ଗସମିଡ୍, ଡରବନ |
| 2 | 10 ନଭେମ୍ବର | ଭାରତ ବନାମ ଦ.ଆଫ୍ରିକା | T20I | - | ସେଣ୍ଟ ଜର୍ଜ ପାର୍କ, ଗୋର୍ବାହ |
| 3 | 13 ନଭେମ୍ବର | ଭାରତ ବନାମ ଦ.ଆଫ୍ରିକା | T20I | - | ସୁପର ସ୍ପୋର୍ଟ ପାର୍କ, ସେଞ୍ଚୁରିୟନ |
| 3 | 15 ନଭେମ୍ବର | ଭାରତ ବନାମ ଦ.ଆଫ୍ରିକା | T20I | - | ୱାଣ୍ଡର୍ସ ଷ୍ଟାଡିୟମ, ଜୋହାନ୍ସବର୍ଗ |
ନଭେମ୍ବରରୁ ଜାନୁଆରୀ ବର୍ଡର ଗାଭାସ୍କର ଟ୍ରଫି :-
22 ନଭେମ୍ବରରୁ ଅଷ୍ଟ୍ରେଲିଆ ବିପକ୍ଷରେ ଭାରତ ସମ୍ମାନଜନକ ବର୍ଡର ଗାଭାସ୍କର ଟ୍ରଫି ଅଭିଯାନ ଆରମ୍ଭ କରିବ । ଚଳିତ ବର୍ଷ ବର୍ଡର ଗାଭାସ୍କର ଟ୍ରଫିରେ 5ଟି ଟେଷ୍ଟ ମ୍ୟାଚ୍ ଖେଳାଯିବ । ଏହି ସିରିଜ ଅଷ୍ଟ୍ରେଲିଆରେ ଆୟୋଜନ କରାଯିବ । ଏହି ଟ୍ରଫି 22 ନଭେମ୍ବରରୁ 7 ଜାନୁଆରୀ ପର୍ଯ୍ୟନ୍ତ ଖେଳାଯିବ । ଏହି ଟୁର୍ଣ୍ଣାମେଣ୍ଟ ଆପଣ ଜିଓ ସିନେମାରେ ଦେଖିପାରିବେ ।
| କ୍ର.ନଂ | ତାରିଖ | ମ୍ୟାଚ୍ | ଫର୍ମାଟ | ସମୟ | ସ୍ଥାନ |
| 1 | 22 ନଭେମ୍ବର- 26 ନଭେମ୍ବର | ଭାରତ ବନାମ ଅଷ୍ଟ୍ରେଲିଆ | ଟେଷ୍ଟ | ଦିନ 12:00 | ପର୍ଥ ଷ୍ଟାଡିୟମ, ପର୍ଥ |
| 2 | 06 ଡିସେମ୍ବର- 10 ଡିସେମ୍ବର | ଭାରତ ବନାମ ଅଷ୍ଟ୍ରେଲିଆ | ଟେଷ୍ଟ | ଦିନ 12:00 | ଆଡିଲେଡ ଓଭାଲ, ଆଡିଲେଡ |
| 3 | 14 ଡିସେମ୍ବର- 18 ଡିସେମ୍ବର | ଭାରତ ବନାମ ଅଷ୍ଟ୍ରେଲିଆ | ଟେଷ୍ଟ | ଦିନ 12:00 | ଦି ଗବା, ବ୍ରିସବେନ |
| 4 | 26 ଡିସେମ୍ବର- 30 ଡିସେମ୍ବର | ଭାରତ ବନାମ ଅଷ୍ଟ୍ରେଲିଆ | ଟେଷ୍ଟ | ଦିନ 12:00 | ସିଡ୍ନୀ କ୍ରିକେଟ ଗ୍ରାଉଣ୍ଡ, ସିଡ୍ନୀ |
| 5 | 3 ଜାନୁଆରୀ- 7 ଜାନୁଆରୀ (2025) | ଭାରତ ବନାମ ଅଷ୍ଟ୍ରେଲିଆ | ଟେଷ୍ଟ | ଦିନ 12:00 | ସିଡ୍ନୀ କ୍ରିକେଟ ଗ୍ରାଉଣ୍ଡ, ସିଡ୍ନୀ |
ଜାନୁଆରୀ-ଫେବୃଆରୀରେ ଭାରତ ଗସ୍ତରେ ଆସିବ ଇଂଲଣ୍ଡ :-
ବର୍ଡର ଗାଭାସ୍କର ଟ୍ରଫି ପରେ ଇଂଲଣ୍ଡ କ୍ରିକେଟ୍ ଦଳ ଭାରତ ଗସ୍ତରେ ଆସିବ । ଏହି ଗସ୍ତ ମଧ୍ୟରେ 22 ଜାନୁଆରୀରୁ 12 ଫେବୃଆରୀ ପର୍ଯ୍ୟନ୍ତ ଭାରତ ବିପକ୍ଷରେ 5 ଟି20 ଏବଂ 3ଟି ODI ମ୍ୟାଚ୍ ଖେଳିବ ଇଂଲଣ୍ଡ । 2 ଫେବୃଆରୀ ପର୍ଯ୍ୟନ୍ତ ଟି20 ମ୍ୟାଚ୍ ଖେଳାଯିବ, ଏହାପରେ ପ୍ରଥମ ଦିନିକିଆ 6 ଫେବୃଆରୀରେ ଏବଂ ଶେଷ ଦିନିକିଆ 12 ଫେବୃଆରୀରେ ଖେଳାଯିବା ନେଇ ଆଇସିସି ସେଡ୍ୟୁଲରେ ପୂର୍ବରୁ ନିର୍ଦ୍ଧାରିତ ହୋଇଛି । ଏହି ସିରିଜ୍ ପରେ ଭାରତ ଚମ୍ପିଅନ୍ସ ଟ୍ରଫି ଖେଳିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
