ହାଇଦ୍ରାବାଦ: ବିଶ୍ୱର ସବୁଠୁ ଦାମୀ ଲିଗ ମ୍ୟାଚ IPL-୨୦୨୪ ରବିବାର ଶେଷ ହୋଇଛି । ଟ୍ରଫି ସହ ବିଜୟୀ ଟିମ କେକେଆର ସେଲିବ୍ରେସନ କରିବାରେ ଲାଗିଛି । ଟ୍ରଫି ସହ କେକେଆରର ଫଟୋ ସେସନ ସୋସିଆଲ ମିଡିଆରେ ଜୋରଦାର ଭାଇରାଲ ହେଉଛି ।ତେବେ ଆପଣ ଜାଣନ୍ତି କି ଏହି ଟ୍ରଫିର ମୂଲ୍ୟ କେତେ ? ଆଇପିଏଲ ଟ୍ରଫି ଓ ବିଶ୍ୱକପ ଟ୍ରଫି ମଧ୍ୟରେ ଅଧିକ ଦାମୀ ?
IPL ଟ୍ରଫିର ମୂଲ୍ୟ କେତେ ?
ଆଇପିଏଲ-୨୦୨୪ ଚମ୍ପିଆନ ସାଜିଛି କେକେଆର । ବିଜୟୀ ଟିମକୁ ପୁରସ୍କାର ରାଶି ଆକାରରେ ମିଳିଛି ୨୦କୋଟି ଟଙ୍କା । ତେବେ ଆଇପିଏଲ ଟ୍ରଫି ସୁନାରେ ତିଆରି ହୋଇଥାଏ । ଏଥିରେ ରୁପା ମଧ୍ୟ ରହିଥାଏ । ବିସିସିଆଇ ପକ୍ଷରୁ ଏହି ଟ୍ରଫିର ନିର୍ମାଣ କରାଯାଇଛି ଓ ଯେଉଁ ଟିମ ବିଜେତା ହୋଇଥାଏ ସେହି ଟିମ ନାଁରେ ଏହି ଟ୍ରଫି କରାଯାଇଥାଏ । ଏହାର ଓଜନ ପାଖାପାଖି ୬ କେଜି ଅଟେ । ଏହି ଟ୍ରଫିକୁ ଦେଶର ଏକ ପ୍ରସିଦ୍ଧ ଅଳଙ୍କାର ନିର୍ମାତା କମ୍ପାନୀ ଦ୍ୱାରା କରାଯାଇଛି । ତେବେ ଏହାର ସଠିକ ମୂଲ୍ୟ ଅଧିକାରୀକ ଭାବେ ଘୋଷଣା କରାଯାଇନାହିଁ । କିନ୍ତୁ ଯଦି ବିଭିନ୍ନ ମିଡିଆ ରିପୋର୍ଟକୁ ଦେଖିବା ତେବେ ଏହାର ମୂଲ୍ୟ ୫୦ ଲକ୍ଷ ଟଙ୍କାରୁ ଅଧିକ ବୋଲି କୁହାଯାଏ । ଏହା ବିଶ୍ୱକପ ଠାରୁ ଅଧିକ ଦାମୀ ବୋଲି କୁହାଯାଏ ।
ଟ୍ରଫି ଉପରେ କଣ ଲେଖାଯାଇଥାଏ ?
ଆଇପିଏଲ ଟ୍ରଫି ଉପରେ କିଛି ଲେଖାଯାଇଥିବା ଦେଖିବାକୁ ମିଳେ । ତେବେ ଏହା ଉପରେ କଣ ଲେଖାଯାଇଛି ଆସନ୍ତ ଜାଣିବା । ଏହି ଟ୍ରଫି ଉପରେ ସଂସ୍କୃତରେ 'ୟତ୍ର ପ୍ରତିଭା ଅବସରା ପ୍ରାପ୍ତୋତିହି' ଲେଖାଯାଇଥାଏ । ଏହାର ଅର୍ଥ ହେଉଛି ଯେଉଁଠି ପ୍ରତିଭା ଓ ଅବସରର ମିଳନ ହୋଇଥାଏ ।
ଏହାମଧ୍ୟ ପଢନ୍ତୁ..T-20 ବିଶ୍ୱକପ, ନ୍ୟୁୟର୍କରେ ପହଞ୍ଚିଲା ଟିମ ଇଣ୍ଡିଆ - T20 World Cup
ବିଶ୍ୱକପ ଟ୍ରଫିର ମୂଲ୍ୟ କେତେ ?
ବିଶ୍ୱ କପ ଟ୍ରଫିର ଆନୁମାନିକ ମୂଲ୍ୟ ପାଖାପାଖି ୩୦ ହଜାର ଡଲାର ଅର୍ଥାତ ୨୪ ଲକ୍ଷ ଟଙ୍କାରୁ ଅଧିକ ଅଟେ । ୨୦୨୩ରେ ଅଷ୍ଟ୍ରେଲିଆ ବିଶ୍ବକପ ଟ୍ରଫି ହାସଲ କରିଥିଲା । ତେବେ ଯଦି ଆଇପିଏଲ ଟ୍ରଫି ଓ ବିଶ୍ୱକପ ଟ୍ରଫି ମଧ୍ୟରେ ତୁଳନା କରାଯାଏ ତେବେ ଆଇପିଏଲ ଟ୍ରଫି ଅଧିକ ଦାମୀ ଅଟେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
