ବେଜିଂ: ଭାରତୀୟ ହକି ଟିମ ଆଗରେ ଧରାଶାୟୀ ହୋଇଛି ପାକିସ୍ତାନ ହକି ଟିମ । ଚାଇନାରେ ଚାଲିଥିବା ଏସିଆନ ହକି ଚାମ୍ପିଅନ୍ସ ଟ୍ରଫି (Asian Hockey Champions Trophy ) ୨୦୨୪ ମୁକାବିଲାରେ ପାକିସ୍ତାନକୁ ଧୂଳି ଚଟାଇଛି ଭାରତୀୟ ପୁରୁଷ ହକି ଦଳ । ମ୍ୟାଚ୍କୁ ୨-୧ଗୋଲରେ ଜିତି ନିଜର ଅପରାଜେୟ ଧାରା ଜାରି ରଖିଛି ଭାରତୀୟ ଟିମ୍ । ଗ୍ରୁପ ପର୍ଯ୍ୟାୟରେ ଅପରାଜେୟ ରହି ସେମିଫାଇନାଲ ଖେଳିବାକୁ ଯାଉଛି ଭାରତୀୟ ପୁରୁଷ ହକି ଦଳ ।
Q3 Ends:
— Hockey India (@TheHockeyIndia) September 14, 2024
The game begins with the same intensity but both defences standing tall.
The scoreline remains the same.
India 🇮🇳 2 - 1 🇵🇰Pakistan
Harmanpreet Singh 13' (PC), 19' (PC)
Nadeem Ahmad 8'#IndVsPak #MenInBlue #PrideOfIndia #GameOn #IndiaKaGame #HockeyIndia #ACT24
ପାକ୍କୁ ମାତ ଦେଲା ଭାରତ:
ଏସିଆନ ହକି ଚାମ୍ପିଅନ୍ସ ଟ୍ରଫି ୨୦୨୪ ମୁକାବିଲାରେ ପାକିସ୍ତାନକୁ ହରାଇଛି ଭାରତୀୟ ପୁରୁଷ ହକି ଦଳ । ୨-୧ଗୋଲରେ ପାକ୍ ଟିମକୁ ହରାଇ ପଏଣ୍ଟ ଟେବୁଲର ଶୀର୍ଷରେ ପହଞ୍ଚିଛି ଭାରତ । ଭାରତ ପାଇଁ ୨ଟି ଗୋଲ କରିଛନ୍ତି ଅଧିନାୟକ ହରମନପ୍ରୀତ ସିଂହ । ଲିଗ୍ ପର୍ଯ୍ୟାୟରେ କ୍ରମାଗତ ୫ମ ବିଜୟ ସହ ଅପରାଜେୟ ଭାବେ ସେମିଫାଇନାଲରେ ପ୍ରବେଶ କରିଛି ଭାରତ ।
| ଏହା ମଧ୍ୟ ପଢ଼ନ୍ତୁ...ପାକିସ୍ତାନ ଆର୍ଥିକ ଅବସ୍ଥା ଶୋଚନୀୟ; ଚୀନ ଯିବାକୁ ଟଙ୍କା ଉଦ୍ଧାର ନେଲା ହକି ଟିମ୍ - Pakistan Hockey Team |
୧୩ତମ ମିନିଟ ସ୍ଥିତି ୧-୧:
ତେବେ ଆଜି ଭାରତ ତାର ଚିରାଚରିତ ପ୍ରତିଦ୍ବନ୍ଦ୍ବୀ ପାକିସ୍ତାନକୁ ସାମ୍ନା କରିଥିବା ବେଳେ ମ୍ୟାଚର ୮ମ ମିନିଟରେ ପାକିସ୍ତାନ ଖେଳାଳି ଅହମ୍ମଦ ନଦିମ ଗୋଲ ସ୍କୋର କରି ପାକିସ୍ତାନକୁ ୧-୦ରେ ଆଗୁଆ ରହି ଭାରତୀୟ ଟିମକୁ ଚିନ୍ତାରେ ପକାଇ ଦେଇଥିଲା । ହେଲେ ହାର ମାନିବା ମୁଡରେ ନଥିଲେ ଭାରତୀୟ ଖେଳାଳି । ପରେ ଭାରତ ସତର୍କତାର ସହ ଖେଳିଥିଲା । ଅଧିନାୟକ ହରମନପ୍ରୀତ ସିଂ ୧୩ତମ ମିନିଟରେ ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରି ୧-୧ରେ ମ୍ୟାଚକୁ ବରାବର ରଖିଥିଲେ ।
୧୯ତମ ମିନିଟ ଭାରତ ପାଇଁ ହେଲେ ଲକି :
ଏହାପରେ ଭାରତ ଆକ୍ରମଣାତ୍ମକ ଖେଳ ଖେଳିଥିଲା । ଦ୍ୱିତୀୟ କ୍ୱାର୍ଟରରେ ୧୯ତମ ମିନିଟରେ ଦଳକୁ ପୁଣି ଏକ ପେନାଲ୍ଟି କର୍ଣ୍ଣର ମିଳିଥିଲା । ଏଥର ମଧ୍ୟ ହରମନପ୍ରୀତ ସିଂହ ଚମତ୍କାର ପଦର୍ଶନ ଦେଖାଇଥିଲେ । ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରି ଭାରତ ୨-୧ରେ ଅଗ୍ରଣୀ କରାଇଥିଲେ । ଏହାପରେ ତୃତୀୟ ଓ ଚତୁର୍ଥ କ୍ୱାର୍ଟରରେ ଉଭୟ ଦଳକୁ ସୁଯୋଗ ମିଳିଥିଲେ ହେଁ କେହି ଗୋଲ୍ ସ୍କୋର କରିପାରନଥିଲେ । ଫଳରେ ଭାରତ ମ୍ୟାଚ୍କୁ ୨-୧ଗୋଲରେ ଜିତି ସେମିଫାଇନାଲରେ ପ୍ରବେଶ କରିଛି । ତେବେ ଆସନ୍ତା ୧୬ ତାରିଖ (ସୋମବାର) ସେମିଫାଇନାଲ ଟକ୍କର ହେବାକୁ ଥିବା ବେଳେ ୧୭ ତାରିଖରେ ଫାଇନାଲ ମ୍ୟାଚ ଅନୁଷ୍ଠିତ ହେବ ।
