କାନପୁର (ଉତ୍ତର ପ୍ରଦେଶ) : ଭାରତ ଓ ବାଂଲାଦେଶ ମଧ୍ୟରେ ଆରମ୍ଭ ହୋଇଥିବା ଦ୍ବିତୀୟ ଟେଷ୍ଟର ଦ୍ବିତୀୟ ଦିନ ସମ୍ପୂର୍ଣ୍ଣ ଧୋଇ ନେଇଛି ବର୍ଷା । ଉତ୍ତର ପ୍ରଦେଶର କାନପୁରସ୍ଥିତ ଗ୍ରୀନ ପାର୍କ ଷ୍ଟାଡିୟମରେ ମ୍ୟାଚ୍ର ପ୍ରଥମ ଦିନ ବର୍ଷା କାରଣରୁ ଖେଳ ପ୍ରାୟ ଅଢ଼େଇ ଘଣ୍ଟା ପୂର୍ବରୁ ଶେଷ ହୋଇଥିଲା । ହେଲେ ଦ୍ବିତୀୟ ଗୋଟିଏ ହେଲେ ବଲ୍ ପଡ଼ିବା ସମ୍ଭବ ହୋଇନାହିଁ । ଲଗାଣ ବର୍ଷା ପରେ ଶେଷରେ ଷ୍ଟାଡିୟମରୁ ହୋଟେଲ ଫେରିଯାଇଛନ୍ତି ଉଭୟ ଭାରତୀୟ ଓ ବାଂଲାଦେଶୀ ଖେଳାଳି ।
Update from Kanpur 🚨
— BCCI (@BCCI) September 28, 2024
Play has been called off for Day 2 due to rains.#TeamIndia | #INDvBAN | @IDFCFIRSTBank pic.twitter.com/HD98D6LK9K
ହୋଟେଲ ଫେରିଗଲେ ଖେଳାଳି :-
କାନପୁରରେ ଖେଳାଯାଉଥିବା ଦ୍ବିତୀୟ ଟେଷ୍ଟରେ ବର୍ଷା ଭିଲିଆନ୍ ହୋଇ ରହିଛି । ପ୍ରଥମ ଦିନରେ କେବଳ 35 ଓଭର ଖେଳାଯାଇଥିଲା ଏବଂ ଦ୍ବିତୀୟ ଦିନରେ ଗୋଟିଏ ବି ବଲ୍ ବୋଲିଂ ନହୋଇ ଖେଳକୁ ଶେଷ କରାଯାଇଛି । ବର୍ତ୍ତମାନ ANI ଏକ ଭିଡିଓ ସେୟାର କରିଛି ଯେଉଁଥିରେ, ଟିମ୍ ଇଣ୍ଡିଆ ଷ୍ଟାଡିୟମରୁ ହୋଟେଲରେ ଯାଇ ପହଞ୍ଚିଛି । ଏହି ଭିଡିଓରେ ଭାରତୀୟ ଦଳ ବସ୍ ଯୋଗେ ଟିମ୍ ହୋଟେଲକୁ ଫେରୁଥିବା ଦେଖାଯାଇଛି । ବର୍ଷା ଛାଡିବାର କୌଣସି ସମ୍ଭାବନା ଦେଖାଯାଇନଥିଲା ଏବଂ ଗ୍ରୀନ୍ ପାର୍କରେ ଦ୍ବିତୀୟ ଦିନର ଖେଳ ସମ୍ପୂର୍ଣ୍ଣ ଧୋଇ ହୋଇଯାଇଛି ।
ଅଢ଼େଇ ଘଣ୍ଟା ପୂର୍ବରୁ ସରିଥିଲା ପ୍ରଥମ ଦିନ ଖେଳ :-
ଭାରତ ଓ ବାଂଲାଦେଶ ବିପକ୍ଷରେ ଆଜି (ଶୁକ୍ରବାର)ଠାରୁ ଆରମ୍ଭ ହୋଇଥିବା ଦ୍ବିତୀୟ ଟେଷ୍ଟର ପ୍ରଥମ ଦିନ ଖେଳ ଶେଷ ହୋଇଛି । ପ୍ରାୟ ଅଢ଼େଇ ଘଣ୍ଟା ପୂର୍ବରୁ ଆଜିର ଖେଳକୁ ବନ୍ଦ କରିଦିଆଯାଇଛି । ତେବେ କାନପୁରରେ ବର୍ଷା କାରଣରୁ ଆଜିର ଖେଳ ଆଗକୁ ବଢ଼ିପାରି ନାହିଁ । ମ୍ୟାଚ୍ରେ ଟସ୍ ପଡ଼ିବାରେ ମଧ୍ୟ ବିଳମ୍ବ ହୋଇଥିଲା । ବର୍ଷା କାରଣରୁ ଲଞ୍ଚ ବ୍ରେକ୍ ମଧ୍ୟ ଶୀଘ୍ର ହୋଇଥିଲା । ଶେଷରେ ପୁଣିଥରେ ବର୍ଷା ବ୍ୟାଘାତ କାରଣରୁ ଖେଳକୁ ଆଜି ଶୀଘ୍ର ଶେଷ କରିଦିଆଯାଇଛି । ଆଜିର ଖେଳ ଶେଷ ସୁଦ୍ଧା ବାଂଲାଦେଶ 35 ଓଭର ବ୍ୟାଟିଂ କରିବା ସହ 3 ବହୁମୂଲ୍ୟ ୱିକେଟ ହରାଇ 107 ରନ ସ୍କୋର କରିଛି ।
ଏହା ମଧ୍ୟ ପଢ଼ନ୍ତୁ :-
- ଅଢ଼େଇ ଘଣ୍ଟା ପୂର୍ବରୁ ଶେଷ ହେଲା ପ୍ରଥମ ଦିନ ଖେଳ; ଜାଣନ୍ତୁ କାରଣ - IND vs BAN 2nd Test
- ଷ୍ଟାଡିୟମରେ ବାଂଲାଦେଶୀ ପ୍ରଶଂସକଙ୍କୁ ମାଡ଼ ! ହସ୍ପିଟାଲରେ ଭର୍ତ୍ତି କଲା ପୋଲିସ; ଦେଖନ୍ତୁ ଭିଡିଓ, - IND vs BAN 2nd Test
- ଏମିତି ଫ୍ୟାନ୍ ! କୋହଲିଙ୍କୁ ଦେଖିବାକୁ 58 କିମି ସାଇକେଲରେ ଆସିଲେ 15 ବର୍ଷୀୟ ଛାତ୍ର - Virat Kohli
ବ୍ୟୁରୋ ରିପୋର୍ଟ, ଇଟିଭି ଭାରତ
