ହାଇଦ୍ରାବାଦ : ଭାରତୀୟ କ୍ରିକେଟ୍ ଦଳର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଆଜି (ଶୁକ୍ରବାର) ତାଙ୍କ ଜନ୍ମଦିନ ପାଳନ କରୁଛନ୍ତି । 11 ଅକ୍ଟୋବର 1993ରେ ଜନ୍ମ ହୋଇଥିବା ହାର୍ଦ୍ଦିକ ଆଜି 31 ବର୍ଷ ବୟସରେ ପାଦ ଦେଇଛନ୍ତି । ତାଙ୍କ ଜନ୍ମଦିନରେ ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଏହାର ଅଫିସିଆଲ୍ ସୋସିଆଲ୍ ମିଡିଆ ଆକାଉଣ୍ଟରେ ପୋଷ୍ଟ କରି ତାଙ୍କୁ ଅଭିନନ୍ଦନ ଜଣାଇଛି ।
201 intl. matches 👌
— BCCI (@BCCI) October 11, 2024
3895 intl. runs 👏
188 intl. wickets 🔝
ICC Men's T20 World Cup 2024 Winner 🏆🫡
Here’s wishing #TeamIndia all-rounder Hardik Pandya a very Happy Birthday! 🎂👏@hardikpandya7 pic.twitter.com/T0nEbqrMBF
ଶୁଭେଚ୍ଛା ଜଣାଇଲା BCCI :-
ବିସିସିଆଇ ପାଣ୍ଡ୍ୟାଙ୍କ ଉଦ୍ଦେଶ୍ୟରେ କରିଥିବା ପୋଷ୍ଟରେ ଲେଖିଛି, '201 ଅନ୍ତର୍ଜାତୀୟ ମ୍ୟାଚ୍, 3895 ଅନ୍ତର୍ଜାତୀୟ ରନ, 188 ଅନ୍ତର୍ଜାତୀୟ ୱିକେଟ, ଆଇସିସି ପୁରୁଷ ବିଶ୍ବକପ୍ ବିଜେତା, ଟିମ୍ ଇଣ୍ଡିଆର ଅଲ୍ରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ଜନ୍ମଦିନର ହାର୍ଦ୍ଦିକ ଶୁଭେଚ୍ଛା ।' ଆଜିର ଦିନରେ ଭାରତୀୟ ଦଳର ଦ୍ରୁତ ବୋଲିଂ ଆକ୍ରମଣର ପାଣ୍ଡ୍ୟା ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇପାରିଛନ୍ତି । ସେ ଡେଥ୍ ଓଭରରେ ମଧ୍ୟ ବୋଲିଂ କରୁଛନ୍ତି ।
ଟି20 ବିଶ୍ବକପ୍ରେ ଉତ୍କୃଷ୍ଟ ପ୍ରଦର୍ଶନ :-
ଟି20 ବିଶ୍ବକପ୍ର ଶେଷ ରାଉଣ୍ଡରେ ସେ ନିଜ ବୋଲିଂ ଆଧାରରେ ହାରିଯାଉଥିବା ମ୍ୟାଚ୍ ଦଳକୁ ଜିତାଇଥିଲେ । ବିଶ୍ବକପ୍ ଫାଇନାଲରେ ସେ ବିପଜ୍ଜନକ ଦେଖାଯାଉଥିବା ଦକ୍ଷିଣ ଆଫ୍ରିକା ବ୍ୟାଟର ହେନରିଚ୍ କ୍ଲାସେନଙ୍କୁ ଆଉଟ୍ କରି ମ୍ୟାଚ୍ର ପଥ ପରିବର୍ତ୍ତନ କରିଥିଲେ । ଏହାପରେ ଶେଷ ଓଭରରେ 16 ରନ୍ ଡିଫେଣ୍ଡ କରି ଭାରତକୁ 17 ବର୍ଷ ପରେ ଟି20 ବିଶ୍ବକପ ଜିତାଇବାରେ ସହାୟକ ହୋଇଥିଲେ । ପାଣ୍ଡ୍ୟା ଏହି ଗୁରୁତ୍ବପୂର୍ଣ୍ଣ ମ୍ୟାଚ୍ରେ 3 ଓଭର ବୋଲିଂ କରି କେବଳ 20 ରନ୍ ବ୍ୟୟରେ 3ଟି ବହୁମୂଲ୍ୟ ୱିକେଟ୍ ହାସଲ କରିଥିଲେ ।
ଦୁଇଥର ବିବାହ କରି ବି ସିଙ୍ଗିଲ୍ :-
ନିକଟରେ ହାର୍ଦ୍ଦିକ ପାଣ୍ଡ୍ୟା ଓ ତାଙ୍କ ପତ୍ନୀ ତଥା ମଡେଲ ନତାଶାଙ୍କ ମଧ୍ୟରେ ଛାଡପତ୍ର ହୋଇ ଉଭୟ ଚର୍ଚ୍ଚାରେ ଥିଲେ । ଟି20 ବିଶ୍ବକପ ପରେ ହାର୍ଦ୍ଦିକ ସୋସିଆଲ ମିଡିଆରେ ଏହି ସୂଚନା ଦେଇଥିଲେ । ତେବେ ପାଣ୍ଡ୍ୟା ନତାଶାଙ୍କୁ ଦୁଇଥର ବିବାହ କରିଥିଲେ । ଉଭୟ ଥର ବିଭିନ୍ନ ରୀତିନୀତି ଅନୁଯାୟୀ ଦୁହେଁ ବିବାହ କରିଥିଲେ । ବର୍ତ୍ତମାନ ପାଣ୍ଡ୍ୟା ତାଙ୍କ ପତ୍ନୀଙ୍କଠାରୁ ଅଲଗା ରହୁଛନ୍ତି ଏବଂ ଉଭୟଙ୍କର ଗୋଟିଏ ପୁଅ (ଅଗସ୍ତ୍ୟ) ମଧ୍ୟ ଅଛି ।
ଆଇପିଏଲ୍ 2024ରେ ହୋଇଥିଲେ ଟ୍ରୋଲ :-
ଆଇପିଏଲ୍ 2024ରେ ହାର୍ଦ୍ଦିକ ପାଣ୍ଡ୍ୟା ମୁମ୍ବାଇ ଇଣ୍ଡିଆନ୍ସର ନୂତନ ଅଧିନାୟକ ଭାବେ ରୋହିତ ଶର୍ମାଙ୍କ ସ୍ଥାନ ନେଇଥିଲେ । ଏହା ପରେ ରୋହିତ ଶର୍ମାଙ୍କ ପ୍ରଶଂସକମାନେ ରାଗି ଯାଇଥିଲେ । ଏହି ସିଜିନରେ ହାର୍ଦ୍ଦିକ ପାଣ୍ଡ୍ୟା ଉଭୟ ବ୍ୟାଟିଂ ଏବଂ ବୋଲିଂରେ ଫ୍ଲପ୍ ହୋଇଥିଲେ, ଯେଉଁଥିପାଇଁ ହାର୍ଦ୍ଦିକଙ୍କ ଅଧିନାୟକତ୍ୱ ଉପରେ ପ୍ରଶ୍ନ ଉଠିଥିଲା । ସମଗ୍ର ଆଇପିଏଲ୍ ଋତୁରେ ହାର୍ଦ୍ଦିକଙ୍କୁ ସୋସିଆଲ ମିଡିଆରେ ପ୍ରବଳ ସମାଲୋଚନାର ଶିକାର ହେବାକୁ ପଡ଼ିଥିଲା ।
ଏବେ ବାଂଲାଦେଶ ବିପକ୍ଷରେ ଖେଳୁଛନ୍ତି ପାଣ୍ଡ୍ୟା :-
ହାର୍ଦ୍ଦିକ ବର୍ତ୍ତମାନ ବାଂଲାଦେଶ ବିପକ୍ଷ 3 ମ୍ୟାଚ୍ ବିଶିଷ୍ଟ ଟି20 ସିରିଜରେ ଖେଳୁଛନ୍ତି । ଯେଉଁଥିରେ ପାଣ୍ଡ୍ୟା ତାଙ୍କ ବ୍ୟାଟିଂ, ବୋଲିଂ ଏବଂ ଫିଲ୍ଡିଂରେ ଚମତ୍କାର ପ୍ରଦର୍ଶନ କରୁଛନ୍ତି । ବାଂଲାଦେଶ ବିପକ୍ଷ ପ୍ରଥମ ଟି20 ମ୍ୟାଚରେ ହାର୍ଦ୍ଦିକ ଖେଳିଥିବା କିଛି ନୋ-ଲୁକ୍-ସଟ୍ ଏବଂ ଦ୍ବିତୀୟ ମ୍ୟାଚ୍ରେ ସେ ନେଇଥିବା ଦମଦାର କ୍ୟାଚ୍ ବର୍ତ୍ତମାନ ସମୟରେ ବହୁ ଚର୍ଚ୍ଚାରେ ରହିଛି ।
ଏହା ମଧ୍ୟ ପଢ଼ନ୍ତୁ :-
- ଭାଇରାଲ ହେଉଛି ପାଣ୍ଡ୍ୟାଙ୍କ 'ନୋ-ଲୁକ୍-ଶଟ୍'; ଛକା ମାରିବାରେ କୋହଲିଙ୍କ ରେକର୍ଡ ଭାଙ୍ଗିଲେ ହାର୍ଦ୍ଦିକ - Hardik Pandya break Kohli Record
- ପ୍ରଶଂସକଙ୍କୁ ଜନ୍ମଦିନରେ ସର୍ପ୍ରାଇଜ୍ ଦେଲେ ରୋହିତ ଶର୍ମା; ଦେଖନ୍ତୁ ଭିଡିଓ
- ଅଜବ ଫିଲ୍ଡିଂ ଦେଖି ଅମ୍ପାୟାର ଆଶ୍ଚର୍ଯ୍ୟ, ହସି ହସି ଗଡ଼ିଲେ ଦର୍ଶକ
ବ୍ୟୁରୋ ରିପୋର୍ଟ, ଇଟିଭି ଭାରତ
