ହାଇଦ୍ରାବାଦ: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ପକ୍ଷରୁ ଆଗମୀ ମେଗା ଭାରତୀୟ ପ୍ରିମିୟର୍ ଲିଗ୍ (ଆଇପିଏଲ୍) ନିଲାମୀ ନେଇ ଆସିଲା ବଡ ଅପଡେଟ୍ । "ଇଣ୍ଡିଆନ୍ ଏକ୍ସପ୍ରେସ୍" ରିପୋର୍ଟ ମୁତାବକ ମେଗା ଅକ୍ସନରେ ବିସିସିଆଇ ଆଇପିଏଲ୍ ଫ୍ରାଞ୍ଚାଇଜମାନଙ୍କୁ 5 ଜଣ ଖେଳାଳିଙ୍କୁ ରିଟେନ୍ କରିବା ପାଇଁ ଅନୁମତି ଦେଇପାରେ । ତେବେ ବିସିସିଆଇ ଆଇପିଏଲ୍ ଫ୍ରାଞ୍ଚାଇଜଙ୍କ "ରାଇଟ୍ ଟୁ ମ୍ୟାଚ୍" ଅପ୍ସନକୁ ଉଠାଇ ଦେଇଥିବା ସୂଚନା ରହିଛି । "ରାଇଟ୍ ଟୁ ମ୍ୟାଚ୍" ଅପ୍ସନରେ କୌଣସି ଏକ ଟିମ୍ ଜଣେ ଖେଳାଳିଙ୍କ ଉପରେ ସର୍ବାଧିକ ଟଙ୍କା ଖର୍ଚ୍ଚ କରୁଥିଲା ।
ରିପୋର୍ଟ ମୁତାବକ, ଏକାଧିକ ଫ୍ରାଞ୍ଚାଇଜ ଚାହୁଁଛନ୍ତି 5 କିମ୍ବା ତାଠୁ ଅଧିକ ଖେଳାଳି ରିଟେନ୍ ପାଇଁ । କାରଣ କୋର୍ ଟିମ୍ ଭାଙ୍ଗିଲେ ଟିମ୍ ପ୍ରଦର୍ଶନରେ ପ୍ରଭାବ ପଡିବ ଏହା ସହିତ କମ ଖେଳାଳି ରିଟେନ୍ କଲେ କୋର ଟିମ ଭାଙ୍ଗିବା ଫଳରେ ଟିମର ବ୍ରାଣ୍ଡ ଭାଲ୍ୟୁ ମଧ୍ୟ ଖସିଯିବ । ତେବେ ନୂଆ ରିଟେନସନ୍ ଆଇନ ଫଳରେ ଫ୍ରାଞ୍ଚାଇଜମାନଙ୍କୁ ମେଗା ଅକ୍ସନ ପୂର୍ବରୁ କୋର ଟିମ୍ ସିଜିନ ପାଇଁ ବନାଇବାକୁ ସହଜ ହେବ । ଏହା ହେଲେ ମେଗା ଅକ୍ସନ ସମୟରେ କୋର ଟିମ୍ ସହିତ ଫ୍ରାଞ୍ଚାଇଜ ରାଉଣ୍ଡ ଟିମ୍ ବନାଇପାରିବେ ।
NO RTM CARD FOR IPL 2025.
— Mufaddal Vohra (@mufaddal_vohra) September 25, 2024
- The BCCI set to allow 5 retentions without any RTM card for IPL 2025 Auction. (Express Sports). pic.twitter.com/eG0AcbqzQh
ବର୍ଷ 2022ରେ ହୋଇଥିବା ମେଗା ଅକ୍ସନରେ ଆଇପିଏଲ୍ ଫ୍ରାଞ୍ଚାଇଜମାନଙ୍କୁ 3 ଜଣ ଖେଳାଳିଙ୍କୁ ରିଟେନ୍ କରିବାର ଅନୁମତି ଥିଲା । ବର୍ତ୍ତମାନ 3 ଜଣ ଖେଳାଳି ରିଟେନସନକୁ 3 ବର୍ଷ ପୂରିଛି ଏବଂ ଆଗାମୀ ସିଜିନ ପାଇଁ ଦୁଇ ଜଣ ଅଧିକ ଖେଳାଳିଙ୍କୁ ରିଟେନସନ୍ ପାଇଁ ଅନୁମତି ମିଳିପାରେ ।
ରିଟେନସନ୍ ପଲିସି ନେଇ ଫ୍ରାଞ୍ଚାଇଜ୍ ଭାଗ ଭାଗ-
ବିଶ୍ବର ସବୁଠୁ ଧନୀ ତଥା ବିତ୍ତଶାଳୀ କ୍ରିକେଟ ଲିଗ ହେଇଛି ଆଇପିଏଲ୍ । ଏହି ପ୍ରସିଦ୍ଧ ଲିଗର ଆଗାମୀ ସଂସ୍କରଣ ନେଇ ଗତ ମାସରେ ବିସିସିଆଇ ସମସ୍ତ ଫ୍ରାଞ୍ଚାଇଜ୍ ସହିତ ବୈଠକ କରିଥିଲା । ଗତ ଆଇପିଏଳ୍ ସିଜିନରେ ଭଲ କରିଥିବା ଫ୍ରାଞ୍ଚାଇଜ୍ ସେମାନଙ୍କ କୋର ଟିମ୍ ନଭାଙ୍ଗି, କୋର ଟିମ୍ ସହିତ ନୂଆ ଟିମ୍ ଗଢିବାକୁ ତୟାର ରହିଛନ୍ତି । ଏହି ସବୁ ଫ୍ରାଞ୍ଚାଇଜ୍ 5 ଜଣିଆ ରିଟେନସନ୍ ପଲିସିକୁ ସମର୍ଥନ କରିଥିଲେ । ଏପଟେ ଯେଉଁ ଫ୍ରାଞ୍ଚାଇଜ୍ ଗତ ସିଜିନରେ ଖରାପ ଖେଳିଥିବା ଟିମ୍ କମ ଖେଳାଳି ରିଟେନସନ୍ ପାଇଁ ଯୁକ୍ତି ବାଢିଥିଲେ ।
IPL RETENTION UPDATES....!!!!
— Johns. (@CricCrazyJohns) September 25, 2024
- BCCI is likely to allow 5 Retentions with no RTM option. [Devendra Pandey From Express Sports] pic.twitter.com/BqV6jpPgBH
"ବିସିସିଆଇ ପକ୍ଷରୁ ସମସ୍ତ 10 ଟି ଆଇପିଏଲ୍ ଫ୍ରାଞ୍ଚାଇଜ ମାଲିକମାନଙ୍କୁ ନେଇ ଏକ ଗଠନ ମୂଳକ ବୈଠକ କରିଥିଲା । ଏଥରେ ଆଗାମୀ ଆଇପିଏଲ୍ ସିଜିନ ସହିତ ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଥିଲା," ବୋଲି ପ୍ରେସ୍ ରିଲିଜରେ କହିଥିଲେ ଜୟ ଶାହ ।
ଚେନ୍ନାଇ ସୁପରକିଙ୍ଗ୍-
ଭାରତୀୟ ଖେଳାଳି- ମହେନ୍ଦ୍ର ସିଂ ଧୋନୀ, ଋତୁରାଜ ଗାଏକେଓ୍ବାଡ୍, ରବିନ୍ଦ୍ର ଜାଡେଜା
ବିଦେଶୀ ଖେଳାଳି- ରଚିନ ରବିନ୍ଦ୍ର, ମଥିଶା ପାଥିରାନା
ଗୁଜୁରାଟ ଟାଏଟନ୍ସ-
ଭାରତୀୟ ଖେଳାଳି- ଶୁବମନ ଗିଲ, ସାଇ ସୁଦର୍ଶନ, ମହମ୍ମଦ ଶାମୀ,
ବିଦେଶୀ ଖେଳାଳି- ରସିଦ ଖାନ, ଡେଭିଡ୍ ମିଲର
କୋଲକାତା ନାଇଟ ରାଇଡର୍ସ-
ଶ୍ରେୟସ ଆୟର, ରିଙ୍କୁ ସିଂ, ବରଣ ଚର୍କବର୍ତ୍ତୀ, ସୁନିଲ ନାରେଣ, ଆନ୍ଦ୍ରେ ରସେଲ
ମୁମ୍ବାଇ ଇଣ୍ଡିଆନ୍ସ- ହାର୍ଦ୍ଦିକ ପାଣ୍ଡ୍ୟା, ରୋହିତ ଶର୍ମା, ତିଲକ ବର୍ମା, ଯଶପ୍ରିତ ବୁମରା, ସୂର୍ଯ୍ୟକୁମାର ଯାଦବ (ଏମାନଙ୍କ ମଧ୍ୟରୁ 3 ଜଣଙ୍କୁ ରଖିବ ମୁମ୍ବାଇ ଟିମ୍ ) ବ୍ରେଇସ୍ ଏବଂ କର୍ଟିଜ
ରୟାଲ ଚାଲେଞ୍ଜର୍ସ ବାଙ୍ଗାଲୋର- ବିରାଟ କୋହଲି, ମହମ୍ମଦ ସିରାଜ, ରଜତ ପାଟିଦାର, ଫାଫ୍ ଡୁପ୍ଲେସିସ୍, ଗ୍ରେନ୍ ମ୍ୟାକ୍ସଓ୍ବେଲ୍
