ନୂଆଦିଲ୍ଲୀ : ବର୍ତ୍ତମାନ ପଡୋଶୀ ଦେଶ ପାକିସ୍ତାନର ଅବସ୍ଥା ଅତ୍ୟନ୍ତ ଖରାପ । ଦରଦାମର ଅହେତୁକ ବୃଦ୍ଧି କାରଣରୁ ଜନଜୀବନ କଷ୍ଟସାଧ୍ୟ ହୋଇପଡିଛି । ଅନ୍ୟପଟେ ସରକାର ଲକ୍ଷ ଲକ୍ଷ କୋଟି ଟଙ୍କା ଋଣରେ ବୁଡ଼ି ଗଲାଣି । ଏବେ ପାକିସ୍ତାନ ଦୁଃଖର ଆଉ ଏକ ଉଦାହରଣ ସାମ୍ନାକୁ ଆସିଛି । ମିଳିଥିବା ଖବର ଅନୁଯାୟୀ, ଚାଇନାରେ ଆୟୋଜିତ ହେବାକୁ ଥିବା ଏସୀୟ ଚାମ୍ପିୟନ୍ସ ଟ୍ରଫି 2024ରେ ଭାଗ ନେବାକୁ ପାକିସ୍ତାନ ହକି ଦଳ ଟଙ୍କା ଉଦ୍ଧାର ନେଇ ବିମାନ ଟିକେଟ୍ କରି ଚୀନ୍ ଯାଇଛି ।
Team Pakistan for Asian champions trophy China 2024
— Ammadbutt (@AmmadButt96) August 24, 2024
🇵🇰🏑✈️✌️ @Hannan_shahid09 @MoinShakeel1 @FIH_Hockey pic.twitter.com/lgEllNx4R2
ପାକିସ୍ତାନ ହକି ଟିମର ଆର୍ଥିକ ସ୍ଥିତି ଖରାପ :-
ପାକିସ୍ତାନର ହକି ଦଳର ଆର୍ଥିକ ଅବସ୍ଥା ଅତ୍ୟନ୍ତ ଶୋଚନୀୟ । ଦଳ ପାଖରେ ଏସିଆନ ଚାମ୍ପିୟନ୍ସ ଟ୍ରଫି 2024ରେ ଭାଗ ନେବା ପାଇଁ ଚୀନ୍ ଯିବାକୁ ମଧ୍ୟ ଟଙ୍କା ନାହିଁ । ବିମାନ ଟିକେଟ ପାଇଁ ଋଣ ନେଇଛି ପାକ୍ ହକି ମହାସଂଘ । ଏକ ସାମ୍ବାଦିକ ସମ୍ମିଳନୀରେ ଯେତେବେଳେ ପାକିସ୍ତାନ ହକି ଫେଡେରେସନ (PHF) ସଭାପତି ତାରିକ ବୁଗତି କହିଥିଲେ ଯେ ଖୁବଶୀଘ୍ର ଟଙ୍କା ମିଳିବା ନେଇ ଆଶା କରାଯାଉଛି, ସେତେବେଳେ ଦଳର ଖରାପ ଆର୍ଥିକ ସ୍ଥିତି ସାମ୍ନାକୁ ଆସିଥିଲା । କେବଳ ସେତିକି ନୁହେଁ, ସେ ପ୍ରଧାନମନ୍ତ୍ରୀ ଶାହାବାଜ ସରିଫଙ୍କୁ ହକି ପାଇଁ ଏକ ଉତ୍ସର୍ଗୀକୃତ ଆର୍ଥିକ ପାଣ୍ଠି ବ୍ୟବସ୍ଥା କରିବାକୁ ମଧ୍ୟ ଅନୁରୋଧ କରିଥିଲେ ।
Couple of months back, the Pakistan hockey team received widespread praise from media and govt officials but the fleeting moment of attention has given way to familiar struggles, as they travel to China for Asian Champions Trophy on borrowed tickets and with three players banned. pic.twitter.com/BKf0pAVUXB
— Muneeb Farrukh (@Muneeb313_) August 28, 2024
ଫ୍ଲାଇଟ ଟିକେଟ ପାଇଁ ଋଣ କରିବାକୁ ପଡ଼ିଲା :-
ଫ୍ରି ପ୍ରେସ୍ ଜର୍ଣ୍ଣାଲର ରିପୋର୍ଟ ଅନୁଯାୟୀ ପାକିସ୍ତାନ ସ୍ପୋର୍ଟସ ବୋର୍ଡ (PSB) ଖୁବଶୀଘ୍ର PHFର ଖର୍ଚ୍ଚ ଦାବି ପୂରଣ କରିବାକୁ ଘୋଷଣା କରିଛି । ହେଲେ ଏହା ପୂର୍ବରୁ PSB ପାକିସ୍ତାନର ଅଣ୍ଡର-18 ବେସବଲ୍ ଦଳକୁ ପାଣ୍ଠି ଦେବାକୁ ମନା କରିଥିଲା । ଚାଇନାରେ ହେବାକୁ ଥିବା ଏସୀୟ ଚାମ୍ପିୟନସିପରେ ଅଂଶଗ୍ରହଣ କରୁଥିବା ଦଳକୁ ଆର୍ଥିକ ଅସୁବିଧା ଦର୍ଶାଇ ଅର୍ଥ ପ୍ରଦାନ କରିବାକୁ ମନା କରିଥିଲା ବୋର୍ଡ । ଫଳରେ ହକି ଦଳକୁ ମଧ୍ୟ ଋଣରେ ଟିକେଟ କରି ଚୀନ ଯିବାକୁ ପଡ଼ିଥିଲା ।
ବଡ଼ କଷ୍ଟରେ ଚୀନରେ ପହଞ୍ଚିଲା ପାକିସ୍ତାନ ଦଳ :-
ଋଣରେ ଟିକେଟ୍ କରି ବେଜିଂରେ ପହଞ୍ଚିବା ପରେ ପାକିସ୍ତାନ ହକି ଦଳକୁ ବେଜିଂରୁ 300 କିଲୋମିଟର ସଡ଼କ ଯାତ୍ରା କରିବାକୁ ପଡିଲା । ପ୍ରକାଶ ଥାଉ, ଏକଦା ବିଶ୍ବ ହକିର ଏକ ଶ୍ରେଷ୍ଠ ଦଳ ଭାବରେ ପରିଗଣିତ ହେଉଥିବା ପାକିସ୍ତାନ ଗତ କିଛି ବର୍ଷ ମଧ୍ୟରେ ଅତ୍ୟନ୍ତ ନୈରାଶ୍ୟଜନକ ପ୍ରଦର୍ଶନ କରି ସମସ୍ତଙ୍କୁ ନିରାଶ କରିଛି । ଦଳର ଖରାପ ଆର୍ଥିକ ସ୍ଥିତି ଏହାର ଏକ କାରଣ ହୋଇପାରେ ବୋଲି ଅନୁମାନ କରାଯାଉଛି ।
ଉଲ୍ଲେଖ ଯୋଗ୍ୟ, ଏସୀୟ ଚାମ୍ପିୟନ୍ସ ଟ୍ରଫି 8 ସେପ୍ଟେମ୍ବର 2024ରୁ ଆରମ୍ଭ ହେବ । ପ୍ରତିଯୋଗିତାର ଫାଇନାଲ ମ୍ୟାଚ୍ 17 ସେପ୍ଟେମ୍ବରରେ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
